Atari:Hezkuntza/Bigarren Hezkuntza/Diagrama bat euskaratu

Lantzeko laguntza eskatu
	Euskarazko Wikipedian ekarpen interesgarriak egin daitezke diagrametako hitzak euskarara itzuliz. Kasu honetan SVG Translate tresna itzuliz egin da.
Lehen hezkuntza
	Gure herriari buruzko artikulua irakurri; Herriko zerbitzuak ezagutu; Toponimia landu; Txikipedian idatzi; Ingelesa ikasi artelan bat deskribatuz; Ingelesa ikasi argazki bat deskribatuz; Argazki ibilbidea; Wikimedia Commons ezagutu; Herbario digitala; BioBlitz bat antolatu; UrmaelBlitz; Espezie inbaditzaile bati aurre egiten; Gure inguruaren mapa osatu, galdera bidez; +
Bigarren hezkuntza
	Idatzi artikulu bat.; Idatzi abesti bati buruzko artikulua.; Ikuspegi kritikoa: eztabaidatu artikulu bat.; Moldatu testu bat Txikipediarako.; Grabatu audio bat Txikipediarako.; Grabatu bideo bat Txikipediarako.; Txikipedia tailerra. Esperientzia praktiko bat Zumaian.; Emakumeak Wikipediara.; Itzulpengintza.; Ondarea ezagutu eta katalogatu.; Ahozkotasuna landu.; Trivial - Gehitu galdera bat!; OpenStreetMap, mapeatu herria.; Euskaratu diagrama bat.; Testu iruzkinak.; Lorategi botanikoa.; BioBlitz bat antolatu.; UrmaelBlitz.; Klima aldaketari buruz idatzi.; Benetako datu-base batean lanean.; Gehitu irudiak > Giza Eskubideen Aldarrikapen Unibertsala.; Tamainak axola du.; QRpedia.; Euskal Herriko ingurumen-gida.; Gaixotasun arraroak Wikipedia bidez ikasgelan landuz; Zientzia esperimentuak Txikipedian; Herriko ekosistemak Txikipedian; Genero oreka lantzen zientzia alorrean; Bertsolaritza Txikipedian: proposamen didaktikoa; Atari:Hezkuntza/Bigarren Hezkuntza/Gure ekosistemetako flora. Txikipediarako sarreren sorrera edo hobekuntza; +
Unibertsitatea
	Erreferentziak gehitu; Infografiak egin; Gako dikotomiko bat egin; Wikidata ikertzen; +
Tresna interesgarriak
	Sarean elkarlanean aritzeko tresna libreak; Zer falta da nire eremuan?; Arte bilatzaileak; Histropedia: denbora lerroak erraz; +

Diagrama bat euskaratu dezakegu terminologia lantzeko. Honela, ikasleek terminologia hori ikasteaz gain beste guztiei eskainiko dizkiete irudi horiek euskaraz.

Landutako konpetentziak aldatu

Oinarrizko zehar-konpetentziak eta Diziplina baitako konpetentziak EAEko Heziberri 2020 Planaren arabera.

Oinarrizko zehar-konpetentziak eta hainbat diziplinatako oinarrizko konpetentzia asko lan daitezke ariketa honekin, batez ere lana egiteko ikasketa kooperatiboa sustatzen bada, bereziki:

hitzez, hitzik gabe eta modu digitalean komunikatzeko konpetentzia,
ikasten eta pentsatzen ikasteko konpetentzia
elkarbizitzarako konpetentzia
ekimenerako eta ekiteko espiriturako konpetentzia
izaten ikasteko konpetentzia

Baita diziplina baitako konpetentzietan ere:

zientziarako konpetentzia
teknologiarako konpetentzia
gizarterako eta herritartasunerako konpetentzia
arterako konpetentzia

Diagramak lantzeko hautatutako artikuluen gaien edo jakintza arloen arabera, hemen aipatutako diziplinatako oinarrizko konpetentzia horiek edo beste batzuk landuko dira.

Proiektuaren garapena aldatu

Ariketa hau ez da bereziki zaila egiten, baina denbora nahiko beharko du prestatzen, aurkitu beharko dugula euskaraz ez dagoen baina ingelesez/gaztelaniaz/frantsesez dagoen infografia bat. Wikipedia ikasgelan liburuxkan badaude bi orrialde hau laburbiltzen dutenak. Hala ere, badira tresnak sarean lan hau erraztu ahal digutenak. Proiektu honetan bi proposamen egiten dizkizuegu: kanpo tresna bat erabilita eta SVGTranslate tresna erabilita.

Itzultzeko diagrama bat bilatu aldatu

Non aurki daitezke Wikimedia Commonsen itzultzeko diagramak? Aukera asko daude, baina ez daude guztiz zentralizatuta. Irudia bektoriala izatea gomendagarria da, SVG formatuan. Honek aukera ematen digu irudia mantenduz testua itzultzeko. SVG Translate tresnan derrigorrezkoa izango da SVG formatuan egotea eta, gainera, testua ondo eratuta egotea. Batzuetan, testua ez dago geruza lau batean, eta kasu horretan ezingo dugu tresna horrekin itzuli.

Commonsen ilustrazioak aurkitzeko hainbat kategoria proposatzen dizkizuegu hemen:

1. aukera: Kanpo tresna bat erabilita aldatu

Zailtasun maila: Ertain-txikia

Kanpo tresna asko daude irudiak editatzeko. InkScape tresnak irudi bektorialak lantzeko aukera ematen digu. GIMPek aukera ematen digu irudi lauak lantzeko (JPG edo PNG, adibidez). Eta software jabeduna ere badago, Paintetik hasita, Adobe Photoshopera irudi lauentzat edo Adobe Illustrator irudi bektorialentzako. Zein tresna erabiliko duzun, dituzun ezagutzen eta aukeren araberakoa izango da.

Edonola ere, aukera honetan, irudia jaitsiko dugu. SVG bektoriala bada, Commonsen klik egingo dugu irudian, eta zabalduko zaigu orrialde zuri batean. Orrialdea gordeko dugu. PNG edo JPG baldin bada, orduan ahalik eta tamaina handienean jaitsiko dugu Commonsetik eta gure ordenagailuan gordeko dugu.

Irudi edizio programa batekin irekiko dugu, eta saiatuko gara izen guztiak euskaratzen. SVG baldin bada, erraza izango da geruzak errespetatuz testuak itzultzea. Beste formatuetan kontuz aritu beharko gara irudia ezabatu gabe testuak ezabatu eta gureak jartzeko garaian.

Behin amaituta, Commonsera igoko dugu gure lan berria:

Laguntza orrialdeak:
- c:Commons:Lehen urratsak: Wikimedia Commonseko tutoriala
- c:Commons:Lehen urratsak/Fitxategiak igo: fitxategiak igotzeko laguntza
- Wikimedia Commons ezagutu, gure proposamen pedagogikoa.

Lana igotzerakoan, esan beharko diogu lanaren jatorria zein den. Jatorrizko irudiaren egilea aitortu beharko dugu, eta erabilitako irudia beste bat dela esan. Bestela, copyright arazoak egon daitezke.

2. aukera: SVGTranslate erabilita aldatu

Zailtasun maila: Ertain-txikia

SVG Translate tresnak diagrama sinpleak itzultzeko aukera ematen digu. Lehenengo urratsa itzuli nahi dugun diagrama aukeratzea izango da. SVG formatua duen irudia izan beharko da, testua formatu lauan duena. Ez dute guztiek balio, baina gehienek bai. Irudia aukeratu dugunean, SVG Translaten sartu, gure kontuarekin sartu (goian eskubian dagoen sartu - login botoiari emango diogu) eta itzuli nahi dugun irudia zein den jarriko diogu. Ondoren, zein hizkuntzara itzuli nahi dugun esango dugu (aukeratu euskara). Terminoak agertuko zaizkigu ezkerrean, eta guk euskaraz eman beharko ditugu eskumako zutabean:

Amaitzen dugunean "Igo Commonsera" (Upload to Commons) botoian sakatuko dugu eta, dena ondo badoa, igoko da. Irudia berbera izango da, Commonsen irekita ingelesez ikusiko dugu, baina Euskarazko Wikipedian txertatzen badugu, hor euskarazko gure itzulpena erakutsiko da.

Laguntza gehigarria: c:Commons:SVG_Translate_tool/eu

Kanpo estekak aldatu

InkScape editore bektorial librea.
EuskalGNU: "Doan deskargatzeko InkScape bideo-tutoriala". (240 MB).
SVG Translate tresna