Ireki menu nagusia

Koordenatuak: 43° 15′ 17″ N, 2° 56′ 37″ W / 43.254688°N,2.943685°W / 43.254688; -2.943685

Infobox train2.png
Ametzola
Ametzola geltokia.jpg
Geltokiaren eraikina
Kokapen mapa
Lineak
Renfe Aldiriak.svg Bilboko Renfe Aldiriak
Geltokia <Linea> Geltokia
Zabalburuko geltokia (Adif)
Abandoko Indalecio Prieto geltokia
 
C-1 trenbidea
Basurtu-Ospitalea geltokia
Zabalburuko geltokia (Adif)
Abandoko Indalecio Prieto geltokia
 
C-2 trenbidea
Autonomiako geltokia
Santurtziko geltokia (Renfe Aldiriak), Muskizko geltokia
Kokapena
Helbidea Gordoniz kalea / Trenbideko etorbidea; 48012
Udalerria Bilbo,  Bizkaia
Geltokiaren datuak
Kodea 13206
Gunea Aldiriak: 0. gunea
Feve: 1. gunea
Irekiera 1998ko maiatzaren 29a
Irisgarria Aldiriak: Geltoki ez irisgarria 
Feve: Geltoki irisgarria 
Zerbitzuak Automated External Defibrillator (symbol).svg Aiga elevator inv.svg Pertsonaldun txarteldegia 
Nasa kopurua 4
Trenbide kopurua 5
Jabea ADIF
Eragilea(k) Renfe Operadora
Garraio zerbitzuak
Renfe Aldiriak C-1  Bilbo-Abando - Santurtzi
C-2  Bilbo-Abando - Muskiz
Renfe Feve C1f  Bilbo-Concordia - La Calzada
R3b  Bilbo-Concordia - Karrantza
R3  Bilbo-Concordia - Santander
R4  Bilbo-Concordia - León-Matallana
Bilbobus 27  Arabella - Betolatza
57  Miribilla - Ospitalea
72  Larraskitu - Castaños
77  Peñascal - Mina del Morro
A8  San Justo - Ametzola
G3  Larraskitu - Plaza Biribila

Ametzola ADIFek Bilbo udalerriko Errekalde barrutiko Ametzola auzoan duen lurpeko tren geltokia da. Ametzola parkean zehar garatzen da, Gordoniz zubiaren ondoan eta La Casilla udal pabilioiaren aurrean kokatuta, hain zuzen ere. Renfe Operadora eragileak ustiatzen du, Bilboko Renfe Aldirien C-1 eta C-2 lineei, eta Feveren C1f, R3b, R3 eta R4 lineei dagokiela.

Bilbao Ría 2000 erakundeak bultzatutako Trenbidearen Hegoaldeko Saihesbide proiektuaren hasierako fasean eta proiektua osatzen duten beste hiru geltokiekin batera eraiki zen,[1] eta 1998ko maiatzaren 29an inauguratu zuten.[2] Renfeko Aldirien sarearen 0. eta Renfe Feve sarearen 1. tarifa-guneen barruan dago.

KokapenaAldatu

Renfeko aldirien geltokia, itsas mailatik 71 metrora, zabalera iberiarra duen 720. linearen (Bilbo - Santurtzi trenbidea) parte da, 1,4. puntu kilometrikoan kokatzen delarik.[3]

Geltoki parean lotura orratza dago, 726. linearen (La Casillako adarra - Lotura orratza trenbidea) burua izanik. Linea honek bi trenbideen arteko bypassa egiten du, eta zama-garraioko zein zerbitzuz kanpoko trenek erabiltzen dute, Abandoko geltokira heldu eta norabide aldaketa egitea ekiditzeko.

SarbideakAldatu

Bi sarbide ditu, nagusia Aldiriak eta Feveren zerbitzuentzako amankomuna den bestibulura, eta bigarren mailakoa Aldirien geltokira baino ez duena jotzen. Bestibulu nagusitik Feveren nasetara eskaileraz zein plataforma-igogailuz ere iritsi daiteke, eta Aldirien nasetara eskaileraz baino ez. Bigarren mailako sarbidetik Aldirien nasetara bai eskaileraz zein igogailuz iritsi daiteke, sarbideak irisgarriak izanik.

  •       Gordoniz kalea, Burdinbidearen etorbidearekin izkina
  •       Gordoniz kalea, 49 - Ametzola parkea (Renfeko Aldirien nasetara besterik ez)

IrisgarritasunaAldatu

Nahiz eta sarbideak irisgarriak izan, nasa eta trenaren arteko tartea dela eta Renfeko Aldirien geltokia ez da irisgarria. Arartekoak argitaratutako irisgarritasuna eta garrioaren ikerketa-diagnosiaren arabera, «Mugikortasun Urriko Pertsona erabiltzaileak ezin du modu autonomoan nasa eta unitate mugikorraren plataformaren arteko desnibela libratu, nasaren muturretik trenaren plataformara arteko tartea handiegia baita», eta «Burdinbide zerbitzuen eragileak ez dio Mugikortasun Urriko Pertsona erabiltzaileari bermatzen ibilgailutik igo edota jaistea[4]

Geltokira sarbidea Gordoniz kalea, Burdinbidearen etorbidearekin izkina   
Gordoniz kalea, 49 - Ametzola parkea   
Nasara sarbidea Aldiriak 1. trenbidea   
2. trenbidea   
Feve Bilbo-Concordiarako trenbidea   
Balmasedarako trenbidea   
Trenera sarbidea Aldiriak 1. trenbidea   
2. trenbidea   
Feve Bilbo-Concordiarako trenbidea   
Balmasedarako trenbidea   

Ametzolako proiektuaAldatu

Bilbao Ría 2000 erakundeak Trenbidearen Hegoaldeko Saihesbidea egitearekin batera Ametzolako geltokia eraiki zuen. Interbentzio horren helburuetako bat Irala eta Errekalde auzoen inguruan zeuden trenbide lursail handiak hirigune bihurtzea zen. Hala, trenbideek sortzen zituzten mugak desagertarazi nahi ziren, horien ordez pasealekuak eta berdeguneak eginez, hiria saretuz eta baita etorkizunean eraikiko zen Bilboko tranbiari bide emateko ere.

Garaian Ametzolan zama-garraioentzako geltokia besterik ez zegoen, lurgaina trenbidez josita zegoela. Gunea estali eta gainean Ametzolako parkea proiektatu zuen Javier López Chollet arkitektoak, 1998ko irailaren 25ean ireki zena. Parkearen inguruan 900 etxebizitza eraiki ziren, hiriguneari jarraipena emanez. IMB arkitektura estudioak Ametzolako geltokia diseinatu zuen, bestibulu eraikin bakar batean Renfeko Aldirien eta Feveren tren zerbitzuak bilduz.[5]

Sarbide nagusia Gordoniz kalearen eta Burdinbidearen etorbidearen arteko gurutzaduran dagoen beira eta burdinezko eraikin batean dago. Barruan, maila ezberdinetan, Feve eta Aldirien nasak daude, non trenen zaratak ahultzeko sistema berritzailea instalatu baitzen. Maila bakoitzean izkineko bi nasa daude, zeinetatik bina trenbide pasatzen diren. Aldirikoen eta Feveren zerbitzuak banatzen dituen horman, Bizente Larrearen Ametzola izeneko eskultura instalatu zen.[6]

Gainera, zamak garraiatzen dituzten trenentzako trenbide saihesbidea ere eraiki zen, bidaiarientzako geltokiaren kanpoaldetik pasatzen dena eta Miribillako geltokiarekin lotuta dagoena.

Kanpoan, Trenbidearen etorbidean zehar, geltokiak argiztatzen dituzten argizulo serieak daude, horietariko serie bat, alegia, Feveren nasen gainean kokatzen dena, Ametzolako parkeko mugan dagoen aterpea ere sortzen duela.

Burdinbidearen etorbidetik jarraituz, 2003an Renfeko Aldirien nasetara heltzen den bigarren mailako sarbidea eraiki zen, eskaileraz zein igogailuz hornitua.[7]

Geltokia igogailu, txarteldegi, balioztatze makina eta 2017tik desfibrilagailuz ere hornituta dago.[8]

2013ko suteaAldatu

2013ko irailaren 25ean geltokia hustu eta ordu batzuz Abando eta Olabeagako geltokien arteko trenbide tartea moztu behar izan zen, Ametzolako geltokiaren inguruan sute bat gertatu ondoren.[9]

8:30etan ADIFek kudeatzen duen trenbidean, Ametzolako geltokiaren ondoan, tunelaren estaldura katenaria gainera erori eta keak sortzen hasi zituen, segurtasun protokoloa aktibatuta, geltokia hustu eta aipatutako trenbide tartea zerbitzuz kanpo utzita. 9:45ak aldera zerbitzua berrezarri zen.[10]

LotuneakAldatu

Geltokiaren kanpoaldean Bilbobus zerbitzua hornitzen duten hiru autobus geraleku daude. Hurrengo lineak geralekuetatik pasatzen dira:



Argazki galeriaAldatu

ErreferentziakAldatu

  1. (Gaztelaniaz) Vía Libre «Bilbao Ría 2000 cumple veinte años» . Noiz kontsultatua: 2014-08-23.
  2. Bilbao aldizkaria «Quince años día a día» . Noiz kontsultatua: 2014-07-06.
  3. Red ferroviaria española Sustapen Ministerioa
  4. (Gaztelaniaz) Ararteko (PDF) ESTUDIO-DIAGNÓSTICO ACCESIBILIDAD y TRANSPORTE - Ametzola . Noiz kontsultatua: 2018-06-19.
  5. Bilbao Ría 2000 «Ametzola: proiektu integratzailea» . Noiz kontsultatua: 2014-07-06.
  6. «Vicente Larrea :: Leku Irekitan Lanak» vicentelarrea.com . Noiz kontsultatua: 2018-06-19.
  7. Bilbao Ría 2000 (7) . Noiz kontsultatua: 2018-06-19.
  8. (Gaztelaniaz) «Renfe instalará desfibriladores en 11 estaciones de Cercanías de Bizkaia» Bilbao Actual . Noiz kontsultatua: 2018-06-19.
  9. Naiz «Ametzolako tren geltokia hutsarazi dute sute bat dela-eta» . Noiz kontsultatua: 2013-09-25.
  10. (Gaztelaniaz) Deia «Reestablecido el tráfico en la línea de Renfe de Ezkerraldea tras un incendio en un tunel» . Noiz kontsultatua: 2013-09-25.

Ikus, gaineraAldatu

Kanpo estekakAldatu