Perseus (konstelazioa)
(«Perseus (konstelazioa) (konstelazioa)» orritik birbideratua)
 | ||
| Datuak | ||
|---|---|---|
| Laburdura | Per | |
| Genitiboa | Persei | |
| Sinbologia | Pertseo | |
| Igoera zuzena | 3 h | |
| Deklinazioa | 45° | |
| Eremua | 615 gradu karratu | |
| Izar kantitatea
(magnitudea < 3) |
5 | |
| Izarrik distiratsuena | α Persei
(itxurazko magnitudea 1,79) | |
| Meteoro euria | ||
| Konstelazio
mugakideak |
||
| +90° eta −35° latitude bitartean ikusgai.
Ikuspen onena 21:00etan (9 p.m.) Abenduan | ||
- Artikulu hau konstelazioari buruzkoa da; beste esanahietarako, ikus «Perseus».
Perseus (Pertseo) Ipar hemisferioko konstelazio bat da. Pertseo irudikatzen du, Medusari burua moztu zion heroi mitologikoa. Ptolomeok deskribatutako 48 konstelazioetako bat da, eta 88 konstelazio modernoetako bat. Konstelazio honetan dago Algol (β Persei) izar aldakor ospetsua, eta konstelazio honetan kokatzen dira perseidak.
Pertseo konstelazioak gerlari bat irudikatzen du: Hadesen kaskoa eta Hermesen ezpata eta orpoetako hegoak ditu, eta eskuan Medusaren burua darama. Medusaren begia Algol izarrari dagokio.
Izar nagusiakAldatu
- α Persei, 1,79ko magnitudeko supererraldoi horia, konstelazioko astrorik distiratsuena. Lurretik 590 argi-urtera dago.
- β Persei]] (Algol) izar zuri-urdina. Izar bitar eklipsatzaileen talde baten prototipoa da. 2,12 eta 3,39 artean aldatzen da haren itxurazko magnitudea 2,87 eguneko periodoan.
- γ Persei, 2,91ko magnitudekoa. Izar-sistema anizkoitz bat da; haren bi osagai nagusiak erraldoi hori bat eta zuri bat dira.
- δ Persei, 2,99ko magnitudeko erraldoi urdina.
- ε Persei (Adid Australis), 2,98ko magnitudekoa, zuri-urdina.
- ζ Persei (Menkib), 2,84ko magnitudekoa; konstelazioko hirugarren izarrik distiratsuena da. 980 argi-urtera dago.
- η Persei (Miram), 3,76ko magnitudeko supererraldoi laranja.
- θ Persei, nano hori batez eta nano gorri batez osatutako sistema bitarra.
Kanpo estekakAldatu
Datuak: Q10511
Multimedia: Perseus (constellation)
