Mont-de-Marsan

Mendi-Marzana; Mont-de-Marsan; Lo Mont de Marçan
	Frantziako udalerria
	Irudi gehiago
Administrazioa
Estatu burujabe	Frantzia
Frantziaren banaketa administratiboa	Metropolitar Frantzia
Eskualdea	Akitania Berria
Departamendua	Landak
Barruti	Mont-de-Marsango barrutia
Kantonamendu	canton of Mont-de-Marsan-Nord
Alkatea	Geneviève Darrieussecq (en)
Izen ofiziala	Mont-de-Marsan; Mont-de-Marat; Mont-Marat
Jatorrizko izena	Mont-de-Marsan
Posta kodea	40000
Geografia
Koordenatuak	43°53′25″N 0°30′02″W / 43.8903°N 0.5006°W
Azalera	36,88 km²
Altuera	63 m, 23 m eta 97 m
Mugakideak	Uchacq-et-Parentis, Bretagne-de-Marsan, Campet-et-Lamolère, Mazerolles, Saint-Avit eta Saint-Pierre-du-Mont
Demografia
Biztanleria	30.674 (2021eko urtarrilaren 1a); 721 (2020)
Dentsitatea	832 bizt/km²
Informazio gehigarria
Ordu eremua	UTC+01:00 eta UTC+02:00
Hiri senidetuak	Alingsås udalerria eta Tutera
	montdemarsan.fr

Mont-de-Marsan^[1] (frantsesez eta ofizialki; Mendi-Marzana euskaraz tradizioz^[2]; Lo Mont de Marçan okzitanieraz) Landetako hiriburua da. 2015ean 30.629 biztanle zituen.

Erdi Aroan eratu zuten hiru ibaiek inguraturik, Mont-de-Marsan Landetako hiribildu gotortu nagusiena izan zen. Herriguneak bere historia islatzen du: donjon Lacataye gaztelua, antzinako harresiak, etxe burgesak, Midouzeko ibai-portua, parkeak, lorategiak eta pasealeku loratuak, eta abar.

Mont-de-Marsan mendebaldeko Europako basorik handiena den Landetako basoaren hegoaldean dago. Côte d'Argenteko hondartzak eta Pirinioetako tontorrak gertu ditu.

Constantin Rozanoff basearen egoitza da, Frantziako Aireko Armadaren nagusienetariko bat dena. Lehen bertan Dassault Mirage IV bonbardaketari nuklearrak zeuden.

Geografia

Mugakideak

Historia

Erromatarrak jada bertan bizi ziren. Marsango bizkondea zen Petri Marsangoak jatorrizko hiru burguak (Bourg Vieux edo Zaharra, Bourg Neuf edo Berria eta Bourg de la Fontaine edo Iturrikoa) batzea erabaki zuen eta 1136 eta 1140 artean hiribildu berri eratu zuen.^[3] Leonor Akitaniakoak 1152an ezkonsari moduan senarrari eman zion eta 1441era arte ingelesen eskuetan izan zen. Garai haietan Guienako merkatalgune nagusienetariko bat izan zen, batez ere armagnac ardoari esker.

Erlijio Gerretan Albreteko leinuaren kontrolpean izan zen. 1790eko urtarrilaren 12an Landak departamendua sortu zuten eta hiriak Mont-Marat izena hartu zuen.^[4] Hurrengo mendean udalerria zabaldu zen Saint-Jean-d'Août eta Nonères antzinako herriak bereganatuz. 1940ko ekainaren 28tik aurrera, alemaniar armadak okupatua izan zen. 1944ko abuztuaren 21ean liberazioa gertatu zen.