Ireki menu nagusia

Mixel Berhokoirigoin[1] (1952 Gamarte -) Ipar Euskal Herriko laborari militante ezaguna da. ELB sindikatuaren sortzaile eta erreferentzia nagusietakoa eta 2005ean sortu zenetik Euskal Herriko Laborantza Ganberako presidentea da.

Mixel Berhokoirigoin
Mixel Berhokoirigoin Baionan 2010-12-11.jpg
Bizitza
Jaiotza Gamarte1952  (66/67 urte)
Herrialdea  Nafarroa Beherea, Euskal Herria
Jarduerak
Jarduerak nekazaria

Bere arloan duen eraginagatik Ipar Euskal Herriko pertsonarik inportanteenen artean aipatzen dute sarritan[2]. Euskal Herriko José Bové deitu izan diote, bai bere ohorerako bai bere kontra aritzeko[3].

BiografiaAldatu

Gamarte jaioterriko Uhartia baserrian[4] esne-ekoizpenean aritu izan da 30 urte baino gehiago.

Nekazaritzako ikasketak egin zituen. ELBko eledunik ezagunena izateaz gain Confédération Paysanneko idazkari nagusia ere izan zen.

Egun Uhartia etxaldearen lanak Iñaki bere semearekin konpartitzen ditu[5]. Esnekiez gain kiwai edo "Siberiako kiwien" landaketa[6][7] eta Done Jakue bidearekin lotutako zerbitzu alternatiboak ere bultzatzen dituzte[8].

ELBAldatu

Ipar Euskal Herriko laborari txikien aldeko lanean aspalditik konprometitu zen; FDSEA sindikatu nagusi ofizialak zeraman ildoarekin ados ez zeuden beste laborari batzuekin batera 1982an ELB. Harrezkero sindikatu berriarekin alde batetik nekazaritza-eredu oldarkorraren kontra borrokatu nahi zuten, garapen iraunkorraren alde jo eta bestetik Ipar Euskal Herria onartuko zuen arloko egitura bat sortzearen aldeko jarduna bultzatu dute.

Laborantza Ganberarako hauteskundeetan behin baino gehiagotan ELBko zerrendaburua izan da eta hauteskunde deialdi bakoitzean boto kopurua handituz joan da: 2001ean estrainekoz Ipar Euskal Herriko lehen sindikatua bilakatu zen (1.936 boto, % 51,16; departamenduan %24) FDSEAren aurretik (1.714, % 45,30). Botoa eman zutenak % 68 izan ziren Ipar Euskal Herrian eta % 53 Bearnon.

2007an ere ELBren zerrrrendaburua izan zen Bihar ere laborari lelopean[9]; ordurako gamartearra EHLGren presidentea zen.

EHLGren kontrako auziaAldatu

2005ean sortu zenetik Euskal Herriko Laborantza Ganberako presidentea izanik, Berhokoirigoin izan da erakunde honen kontra frantses estatuak (departamenduko prefeta urte berean jarritako kexuari segituz) bultzatu zuen salaketa judizialaren protagonista nagusia[10].

2008ko irailean Baionako prokuradoreak auzipetzea erabaki zuen. 2009ko martxoan lehen aldiz errugabetuta atera zen eta 2010eko otsailean bigarren epaiketa batetik behin betiko errugabe.

Bestelako ekimenakAldatu

Ia beti laborantza munduarekin lotuta, bestelako ekimenak ere garatu ditu:

BibliografiaAldatu

ErreferentziakAldatu

  1. Frantsestutako grafian Michel Berhocoirigoin.
  2. Ikus, adibidez, L'Express egunkariko artikulu hau.
  3. Konparazioa CAP Vivre Ensemble abertzaletasunaren kontrako elkartearen webgunean.
  4. Etxaldearen izena Berrian.
  5. Iñaki semearen bidaia baten bloga.
  6. Uhartia Idokiren ekintzen egutegian.
  7. Kiwaia Uhartian blog honetan.
  8. Elkarrizketa Berrian.
  9. Hauteskundeak eta elkarrizketa Garan.
  10. Epaiketaren berri Kazeta.infon.
  11. Adibiderako, elkarrizketa hau Aldaketa 16 aldizkarian; 16. or.
  12. Kasurako Bilboko Kafe Antzokian emandakoa.

Ikus, gaineraAldatu

Kanpo loturakAldatu