Ireki menu nagusia
Informatikari Euskaldunen bigarren Bilkurako posterra

Informatikari Euskaldunen Bilkurak (IEB) bi urterik behin Udako Euskal Unibertsitateko Informatika sailak antolatzen dituen biltzarrak dira.

Sorrera eta helburuakAldatu

Lehenengo bilkura 1996. urtean antolatu zen, eta honela definitu zen orduan bilkura hauen hasierako helburua:

« Ordenadoreak, Internet, datu-baseak, editoreak... mundu berria agertzen zaigu aurrean. Makinen garaia datorkigula dirudi; kultura berria kultura bakarra? ingelesa nagusi? aurrerapenak ala atzerapausoak... Kultura ingelesa nagusi dugu mundu honetan: merkatuan topatzen ditugun produktuak, adibidez editoreak edo Interneten topatzen ditugun eztabaida-taldeak...

Beste hizkuntza batzuek ere badute beren tokia, esate baterako gaztelaniak. Baina, gure hizkuntzak etorkizunik ba al du informatika munduan? Arazo asko sortzen dira euskarazko produktu informatikoak ekoiztu nahi ditugunean: bezero gutxi, hizkuntzaren normalizazio-egoera...

»

Informatikari Euskaldunen I. Topaketen antolatzaileak[oh 1]


Orduko editoreak, kalkulu-orriak, datu-baseak ezin zitezkeen erabili euskaraz. Geroago hutsune horiek bete ziren, gaur egunean oso normaltzat ikusten da oinarrizko programa horiek euskaraz erabili ahal izatea, baina orduan erronka bat zen hori lortzea. Informatikari euskaldunen lehen bilkurak hutsune horren presentzia salatu zuen eta eragin zuen konponketa bat bilatze aldera.

UEUko Informatika sailaAldatu

Udako euskal Unibertsitateko Informatika saila 1983an sortu zen. Ordura arte UEUko Fisika Sailean aritzen ziren informatikariak, Informatikaz euskaraz egin ziren lehen urratsak Klaudio Harluxet behenafarraren eskutik etorri ziren, euskarazko informatikan aitzindaria izan zen. Berak idatzi zituen informatikari buruz euskaraz argitaratu ziren lehenengo artikuluak. 1975. urtean, Elhuyar aldizkarian argitaraturiko «Informatikaren hiztegi laburra» izeneko artikuluan,[2] 74 hitzeko bilduma proposatu zuen, informatikaren oinarrizko azalpenarekin batera. Aldizkari berean bi urte geroago beste artikulu bat argitaratu zuen, René Harluxet lehengusuarekin. Han ekin zioten Claude E. Shannonen informazioaren teoriari (informatikaren oinarri den teoria), informatikarekiko euskararen balizko zailtasuna gezurtatuz.

Informatika sailak, 1983an sortu zenetik, 400 hitzaldi baino gehiago eta 80 baino gehiago ikastaro antolatu ditu.[3]

Ekitaldien zerrendaAldatu

1996z gero bi urterik behin antolatu dira bilkura horiek, informatikaren munduan agertzen diren ekarpen eta fenomeno berriak komunitate euskaldunen ikuspuntutik aztertzeko, eta haien erabilera interesgarrietan eragiteko. Antolatu diren ekitaldiak hauek izan dira:

IEB bilkurak
Kartela Bilkura Gai nagusia Data Lekua Parte
hartzaileak
Egitaraua
XI. IEB Burujabetza teknologikoa. 2018
-maiatza-
17
Donostia 120 Webgunea,

Egitaraua

X. IEB Robotika.
Amesten dute androideek
ardi latx elektrikoekin?
2015
-azaroa-
12
Donostia 200 Eskuorria,

Egitaraua

IX. IEB Telefonoak eta informatika 2013
-maiatza-
8
Donostia 250 Eskuorria,

Egitaraua

VIII. IEB Gizarte sareak 2011
-maiatza-
12
Donostia >200

Bloga

VII. IEB Teknologia berriak,
gaur eta bihar
2009
-maiatza-
7
Donostia >200 Egitaraua
VI. IEB Web 2.0 hemen 2007
-maiatza-
10
Donostia
V. IEB Softwaregintzaren
erronka berriak
2005
-apirila-
22
Donostia
IV. IEB Informatikaria
gizarte elektronikoan
2003
-apirila-
4
Donostia
III. IEB Informatikaren irakaskuntza
eta informatika irakaskuntzan
2001
-martxoa-
30
Donostia 180
Informatikari
Euskaldunen
II. Topaketak
Euskara eta Internet 1998
-azaroa-
20
Donostia 180
Informatikari
Euskaldunen
I. Topaketak
Euskarazko softwarea
gaur egun
1996
-azaroa-
22
Donostia 160

ErreferentziakAldatu

  1. Lehen bilkurako programa
  2. Klaudio Harluxet: «Informatikaren hiztegi laburra», Elhuyar zientzia eta teknologia, 1975.
  3. «Informatika sailaren produkzioa:: Inguma - Euskal komunitate zientifikoaren datu-basea» www.inguma.eus (UEU) . Noiz kontsultatua: 2018-11-25.

Ikus, gaineraAldatu

Kanpo loturakAldatu


Aipuaren errorea: <ref> tags exist for a group named "oh", but no corresponding <references group="oh"/> tag was found, or a closing </ref> is missing