Ziaurritz

Ziaurritz Odietako kontzejua da. 2007ko urtarrilaren 1eko erroldaren arabera, herriak 59 biztanle ditu. Beraz, Ostitzen atzetik biztanlerik gehien duen udalerriko herria da, Erripa udalburuaren aurretik.

Ziaurritz
Odieta, Euskal Herria
Etxeak Ziaurritzen; bigarrena eskuinetik Jauregia da.
Kokapena
Herrialdea	Euskal Herria
Probintzia	Nafarroa Garaia
Udalerria	Odieta
Koordenatuak	42° 55′ 43″ N, 1° 38′ 11″ W
Ziaurritz Ziaurritz
Altuera	500 m
Demografia
Biztanleria	59 (2007)

Mugakideak

Iparraldean Erripa eta Gendulain, hegoaldean Anotzibar, ipar-mendebaldean Gaskue (denak Odietako herriak), hego-mendebaldean Usi (Txulapain) eta ekialdean Burutain (Anue) ditu mugakide.

Ondasun nabarmenak

• Santa Katalina eliza. Bere ondoan Apezerena etxea dago, Kattalin elkartearen egoitza.
• Herriaren mendebaldean Txutxurru mendia dago; hara joateko bidea herri honetatik San Urbano baselizara heltzeko erabiltzen dena da. Gaskueko lurretan badago ere, Odietako herri guztietako topagunea da eta Ziaurriztik bide arrunt ezaguna.
• Herriko etxe gehienek izena bere horman jarrita dute; haien artean Jauregia izenekoa, 1816koa.

Demografia eta biztanleria

Ziaurrizko biztanleria

2000	2001	2002	2003	2004	2005	2006	2007
62	58	56	57	57	56	59	59

Iruditegia

• 

  Apezerena etxea eta Santa Katalina eliza.

• 

  Ziaurrizko jauregia.

Ikus, gainera

• Odieta

Kanpo loturak

Wikimedia Commonsen badira fitxategi gehiago, gai hau dutenak: Ziaurritz

Euskarazko Wikipedian bada atari bat, gai hau duena: Nafarroa

• (Gaztelaniaz) Ziaurritz Euskomedian.