San Sebastian Iparraldeko trikuharria
San Sebastian Iparraldekoa Arabako Katadiano herrian kokaturik dagoen trikuharria da.
| San Sebastian Iparraldeko trikuharria | |
|---|---|
 | |
| Kokapena | |
| Herrialdea |  Euskal Herria |
| Probintzia |  Araba |
| Herria | Katadiano |
| Koordenatuak | 42°54′45″N 2°53′48″W / 42.9125804°N 2.8967907°W |
 | |
| Ondarea | |
Kokapena
aldatuMegalito hau San Sebastian Hegoa, Gurpide Iparraldekoa eta Gurpide Hegoa trikuharritik trikuharrietatik gertu dago.[1][2] Anda eta Katadiano herrien arteko zelai zabal batean daude, Baia ibaiaren ibilgutik gertu, eta Badaia mendilerroaren hondoko agertoki gisa. Lau eraikin megalitiko dira, benetan deigarriak.[3][4] Arabako trikuharri gehienak bezala, hego-ekialdera begira daude. Neguko solstizioan eguzkia irteten den lekua.[5]
Deskribapena
aldatuTrikuharri poligonala da, itxuraz korridorerik gabea. Ganbera 6 lauzaz osatuta dago, eta tumulua zirkularra da, 12 metroko diametroa eta 2 metroko altuera dituena. Aztarna antropologikoak baino ez ziren aurkitu, gaur egun desagertuta daudenak.[6]
Arkeologia-lanak
aldatuMonumentu megalitiko hau Neolitoko arkitekturaren zati da, Arabako lurralde honetan ezagutzen den eraikinik zaharrena izanda.[7] Ricardo Becerro de Bengoak eta Sotero Mantelik aurkitu zuten 1871. urtean. Ladislao Velascok 1877an induskatu zuen. Aztarna antropologikoak baino ez zituen aurkitu, gaur egun desagertuta daudenak.[3]
Monumentu kalifikatua
aldatu2011ko uztailaren 26ko, 183/2011 dekretuan, Arabako Lurralde Historikoko behe-lurretako trikuharriak monumentu-multzo kategoriako kultura-ondasun gisa sailkatu ziren[8].
Arabako Lurralde Historikoko behe-lurretako trikuharrien monumentu-multzoa hemen daude: Arabako Lautadan, Arabako Errioxan gehienbat, Lantaronen eta Kuartangon. Egitura, kronologia eta material aldetik Iberiar Penintsulako mesetako antzeko beste batzuekin izan dezake loturarik. Monumentu-multzoan sartzen diren trikuharriak hauek dira: Sorginaren Txabola eta El Encinal (Elvillar); Lazaya, San Martin, Alto de la Huesera eta Los Llanos (Guardia); El Sotillo (Leza/Guardia); La Mina eta La Lastra (Lantaron); Sorginetxe (Agurain); Aizkomendi (Donemiliaga); San Sebastian Hegoa, San Sebastian Iparra, Gurpide Hegoa eta Gurpide Iparra (Kuartango) eta El Montecillo (Villabuena Araba).
Erreferentziak
aldatu- ↑ «Visita a la intervención realizada para poner en valor de los Dólmenes de Kuartango» socialistasalaveses.com.
- ↑ [https://www.aranzadi.eus/fileadmin/docs/Munibe/1988113127.pdf Una aproximación territorial al Fenómeno Megalítico: La Rioja Alavesa y Cuartango. ], 122 or..
- ↑ a b (Gaztelaniaz) EHU. Guggenheim y dólmenes en Kuartango. .
- ↑ BSAA-1989-55-DesdeOrtodoxiaEspacialHastaAlborMetodoArqueogeografico.pdf. .
- ↑ (Gaztelaniaz) «Las colosales huellas del neolítico en el País Vasco» El Correo 2015-03-06.
- ↑ Arabako Foru Aldundia
- ↑ JIV Aramburu. El paisaje de Álava y sus habitantes hacia el año 2000 antes de Cristo. .
- ↑ Euskal Herriko Agintaritzaren Aldizkaria, 152 zk. 2011-08-11
Kanpo estekak
aldatu
Datuak: Q122840032
Multimedia: Dolmen de San Sebastián Norte / Q122840032
