Wikipedia

Bilbao Basket

Club Basket Bilbao Berri, S. A. D.,[1] Bilbao Basket izen herrikoia eta, babesletzagatik, Surne Bilbao Basket deitua,[2] Bizkaiko hiriburuko saskibaloi talde profesionala da, gaur egun ACB ligan dagoena.[3] Bilbao Arena kirol jauregian du egoitza.

Bilbao Basket Berri
Ezizena Beltzezko gizonak
Ligak LEB Oro
Sorrera 2000
Historia Bilbao Basket
(2000–gaur egun)
Bazkideak 6.000 inguru
Pabiloia Bilbao Arena
(10.100 leku)
Kokapena Bilbo, Bizkaia, Euskal Herria
Taldearen koloreak Beltza eta zilarra
         
Lehendakaria Predrag Savović
Entrenatzailea Álex Mumbrú
Txapelketak 1 LEB Oro
1 LEB Plata
1 Copa LEB Plata
Maskota Armiarma
Webgunea www.bilbaobasket.biz
Uniformeak
Etxean elastikoa
Taldearen koloreak
Etxean
Kanpoan elastikoa
Taldearen koloreak
Kanpoan

Historia

aldatu

2000. urteko martxoaren 7an sortua,[4] ordurako desagertutako Caja Bilbao taldea ordezkatu zuen. Bilboko hiriak urte askoan izandako saskibaloi tradizioa berreskuratzeko asmoarekin eratua, Bizkaiko erakunde publikoen laguntza izan zuen, bai eta bestelako hainbat erakunderena ere, Bilboko Athletic Klubarena esaterako.

 
Bilbao Basket taldeko jokalariak partida batean.

Hasierako denboraldian, LEB-2 mailan jokatzen hasi zen, eta bigarren denboraldian, 2001-2002an, igoerako kanporaketa jokatu ostean, zilarrezko mailara (LEB-1 liga) igotzea lortu zuen. Azkenik, 2003-2004 denboraldian Bilbao Basketek urrezko mailara, ACB Liga, igo egin zen[3]. Taldearen izena, bere babesle garrantzitsuena den, Lagun Aro aseguru etxearengandik jaso zuen. Taldeak dituen bestelako babesleen artean, FEVE, El Correo, Bilboko Udala eta Bizkaiko Foru Aldundia daude.

2006-2007 denboraldirako Iurbentia izeneko eraikuntza-enpresa bihurtu zen babesle nagusia. Hala ere ez zen luzaro iraun[5] eta 2009ko uztailaren 24an Bizkaiko Foru Aldundiak ordezkatu eta Bizkaia Bilbao Basket hartu zuen izena. Akordio hori zela eta, taldeak egoitza tradizionala zuen La Casilla pabilioia utzi eta Bilbao Exhibition Centre eraikinean dagoen Bizkaia Arena hartu zuen pabilioitzat[6]. Azkenik, 2010 urtetik aurrera Miribilla auzoan dagoen Bilbao Arenan jokatu ohi duelarik.

2009/10 denboraldia seigarrena izango da ACB Ligara igo zenetik. Denboraldiaz-denboraldia taldea koskortu egin da Ligan.

Gaur egun, Bilbao Basketek ACB Ligan jokatzen du, liga honetako aurrekontu txikienetarikoa duelarik. Taldeak normalki Etxetxuko udal pabiloian jolasten zuen, baina 2005-2006 denboraldian, Saski Baskoniaren aurka Bizkaia Arenan jolastu zuen, Bilbao Exhibition Centreren pabiloian alegia. Partiduan 12.500 ikusle izan ziren, eta Saski Baskonia taldea garaitzea lortu zuten.

BEC bertan eta 2007ko urtarrilaren 6an Bilbao Basketek Saski Baskonia taldearen aurka jokatu eta ACB Ligako partida batean izandako ikusle gehien izan zituen, hau da, 15.414[7].

Bilbao Basketek bere etxeko norgehiagokak, Etxetxuko Udal pabiloian jokatzen zituen, pabiloiak guztira 5.200 ikuslerentzako edukiera dauka[8]. Dena den, 2006an, Miribillako auzoan 10.000 ikusleentzako pabiloi berria eraikitzeko erakundeen arteko akordioa sinatu zen. Pabiloi berriarekin batera Miribillako auzoaren kiroldegi berria eraiki zen, eta lanak 2010. urterako amaitu zituzten.

2008/09 denboraldian lehendabizikoz Europa mailako txapelketan parte hartzea lortu zuen: Eurocupen hain zuzen ere. Bertan Final Eight jokatu[4] eta finalaurrekoan kanporatu zuten.

2010-2011 izan zen taldearen urterik onena. Bizkaia Bilbo Basket bihurtu zen, aldundiarekin 1,9 milioi euroko babes akordioa sinatuta. Bilbo Arenan jokatzen hasi zen sasoi horretan, eta lanek izan zuten bi urteko atzerapenaren ondoren, aldundiak 45 milioi euroko pabiloi bat eraiki zuen Miribilla auzoan, 10.000 eserlekuz eta kiroldegi batez ere hornitua. Sasoi hartan ligako txapeldunorde izan zen, Bartzelonaren aurka 3-0 galdu zuen finalean, eta Euroligarako sailkatu zen. 2011-2012a ere gozoa izan zen, 11 milioi euroko aurrekontua eta CSKA Moskuren aurka galduriko Euroligako final-laurdenetako kanporaketa. Bilbo Basket Europako elitean zen, baina aurrerantzean ezer ez zen berdina izango.[9]

2012-2013 urtean hasi ziren arazo larriak. Bizkaiko Foru Aldundiak 1,9 milioi euroko babesa kendu zuen, eta taldeak Eurokopako finala galdu zuen. Irabazi izan balu, Euroligarako sailkatuko zen berriz. Baina ez zuten behar adina diru, eta Bizkaiko Aldundiak 5,2 milioi euroko erreskatea egin behar izan zuen ekainean. Ogasunarekin zituen zorrak barkatu, eta hainbat publizitate kontratu aurreratu zituen. Gerora, Jose Luis Bilbao orduko Bizkaiko ahaldun nagusia ikertua izan zen laguntza haiengatik, baina fiskaltzak kasua artxibatu zuen aurtengo otsailean.[9]

Taldeak kostuak murriztu beharra zeuzkan 2013-2014rako, baina ez zuen lortu. Onarturiko aurrekontua diru sarrera errealak baino askoz handiagoa izan zen. Jokalariak, ogasuna, zuzendaritzako kideak... Hartzekodunak asko ziren. 2014ko urtarrilean, Gorka Arrinda kontseilariak jakinarazi zuen 1,5 milioi euro behar zituela jokalarien soldata ordaintzeko. Jokalariek ere greba mehatxua egin zuten. Taldeak ez zuen babesle sendorik. Krisi hark akzioak saltzera behartu zuen Gorka Arrinda. Mezua argia zen: hura taldean zegoen bitartean zaila izango zen Bizkaian babesleak aurkitzea.[9]

2014ko udan, eta zorrak tarteko, ACB ez zion ligan izena ematen utzi Bilbo Basketi. Beste taldeek neurria berretsi zuten bileran —ACBko egutegia Bilbo Basket gabe ere zozkatu zuten—, baina, azkenean, Espainiako Kirol Auzitegiaren ebazpen batek Bilbo Basket onartzera behartu zuen ACB. Bilboko taldeak bideragarritasun plan zorrotza jarri zuen martxan, jokalari, hartzekodun eta Ogasunarekin zituen zorrak apurka kitatuz joateko.[9]

Aurrekontu murrizketa kirol mailan sumatu zen, eta aurreko bi sasoietan (2015-2016 eta 2016-2017) 10. postuan bukatu zuen. 2015-2016an, halere, ikusle gehien bildu zuen ACBko pabiloia izan zen Miribilla. Arazo ekonomikoak zuzentzeko bidean zeudela zirudien, baina, 2016ko udan, milioi bat euroko mailegua eskatu behar izan zion Caja Rural bankuari.[9]

2017-2018 sasoia izan da okerrena kirol mailan, eta bulegoetan ere gogorra izan da. Ia sei milioi euroko zorra zuen taldeak, hirutik gora Ogasunarekin atzeraturiko ordainketak ziren, eta hiru soldata zor zaizkie jokalariei. LEBera jaistean, taldeak 1,4 milioi jasoko zituen jaitsiera funtsetik.[9]

Diru-sarrera horri esker, talde lehiakorra egin ahal izan zuten LEB mailan eta urte txukuna egin. Mumbruk, bere lehen urtean entrenatzaile bezala, hartu zuen taldearen gidaritza eta ondo atera zitzaion. Denboraldian zehar taldea ondo joan zen eta bigarren postua lortu eta gero, playoffetarako sailkatu ziren. Final laurdenetan Palentzia hartu zuten mendean eta ondoren Bilbao Arenan jokatutako Final Fourrean taldeak igoera lortu zuen Melilla eta Palma garaituz.[10]

LEB Ligan denboraldi ona egin ondoren, Bilbao Basketek jokalari gehienak mantentzea eta aldaketa gehiegi ez egitea erabaki du. Nahiz eta ligako aurrekonturik baxuena izan, gizon garrantzitsuak batu zaizkie beltzezko gizonei, hala nola Ondřej Balvín, Rafa Martínez eta Axel Bouteille, igoeraren egileetako batzuekin batera.[11] Sentsazioak onak ziren, baina ez du denbora askorik ematen taldearen erreakzioa ikusteko, koronabirusaren pandemiaren ondorioz mundu osoko kirol lehiaketa gehienak bertan behera geratzen baitira, besteak beste, ACB Liga.[12]

2020-21 denboraldia jokalari garrantzitsuen galerarekin hasten zen, Ben Lammers edo Emir Sulejmanović kasu, eta emaitza txarrek taldea LEB mailara ia jaistea eragiten zuten, baina azkenean maila mantentzea lortu zuen bere azken partidan Joventuti aise irabazi ondoren. Bestalde, 2021-22 denboraldian, hasiera txarra izan arren, taldeak ACBko Playoffetan sartzetik garaipen batera geratzea lortu zuen. Kirol mailan denboraldi ona egin ondoren, Alex Mumbru entrenatzaileak klubarekin zuen kontratua ez berritzea erabaki zuen eta aulkiaren buruan lau denboraldi eman zituen.[13]

2025ean taldeak ezin hobeto biribildu zuen klubaren sorreraren 25. urteurrena. FIBAren Europako Kopa irabazi zuten, finalean PAOK Tesalonika garaituta. Hala, bilbotarrek beren historiako (eta baita bizkaitar talde profesional bateko) lehen nazioarteko titulua lortu zuten, eta mugarri bat ezarri. Galdu egin zuten itzulerako partida (84-82), baina joanekoan lortutako emaitzak ahalbidetu zien txapeldun izatea, zazpi punturen aldeagatik irabazi baitzuten Miribillan (72-65).[14]

Jokalariak

aldatu
Ikus zerrenda: «Bilbao Basketeko jokalariak»

Bere partaide izan diren artean aipagarri dira, Txus Bidorreta, maila guztiak igotzea lortu dituen entrenatzailea; Javi Salgado kapitaina, taldean zegoen bilbotar bakarra, Santutxukoa. Eta Fred Weis, 2005eko Eurobasketean Frantziarekin brontzezko domina eskuratu zuen jokalaria. Horrez gain, Fred Weis 2005-2006 denboraldian erasoan errebote gehien hartu zituen ACB Ligako jokalaria izan zen, eta aldi berean tapoi jartzailerik nabarmenena.

2024/2025 denboraldiko taldea

aldatu
 
Bizkaia Arena pabiloia, Bilbao Basket - FC Barcelona, 2007ko Superkopan.
RETAbet Bilbao Basket taldeko jokalariak
Jokalariak Entrenatzaileak
Pos. # Herr. Abizena eta izena Alt. Pis. Adina
Antol. 3   Frey, Harald 1.88 m &0000000000000028.00000028 ((1997-05-27)1997(e)ko maiatzak 27)
Esk. 5   Abdur-Rahkman, Muhammad-Ali 1.96 m &0000000000000030.00000030 ((1994-09-01)1994(e)ko irailak 1)
Heg. 9   Domínguez, Rubén 1.97 m &0000000000000022.00000022 ((2003-01-23)2003(e)ko urtarrilak 23)
H.-pib. 11   De Ridder, Thijs (Y) 2.03 m &0000000000000022.00000022 ((2003-01-31)2003(e)ko urtarrilak 31)
H.-pib. 12   Gielo, Tomasz 2.05 m &0000000000000032.00000032 ((1993-01-04)1993(e)ko urtarrilak 4)
Pib. 17   Jones, Marvin 2.13 m &0000000000000031.00000031 ((1993-12-29)1993(e)ko abenduak 29)
Antol. 19   Pantzar, Melwin 1.90 m &0000000000000025.00000025 ((2000-04-10)2000(e)ko apirilak 10)
Heg. 22   Rabaseda, Xavi (C) 1.96 m &0000000000000036.00000036 ((1989-02-24)1989(e)ko otsailak 24)
Heg. 30   Dragić, Zoran 1.96 m &0000000000000036.00000036 ((1989-06-22)1989(e)ko ekainak 22)
Pib. 32   Hlinason, Tryggvi 2.15 m &0000000000000027.00000027 ((1997-10-28)1997(e)ko urriak 28)
FC 43   Sylla, Amar 2.05 m &0000000000000023.00000023 ((2001-10-01)2001(e)ko urriak 1)
Esk. 77   Kullamäe, Kristian 1.93 m &0000000000000026.00000026 ((1999-05-25)1999(e)ko maiatzak 25)
FC   Bagayoko, Bassala (Y) 2.07 m &0000000000000018.00000018 ((2006-09-10)2006(e)ko irailak 10)
Entrenatzaile nagusia
Entrenatzaile laguntzailea(k)
Oharrak
  • (C) Kapitaina
  •   Zauritua


Kirol ibilbidea

aldatu
Urtea Liga ACB Kopa Superkopa Europa Besterik
2000-01 LEB 2: 13.a
2001-02 LEB 2: 1.a LEB 2: 1.a
2002-03 LEB 1 LEB 1: 2.a
2003-04 LEB 1: 1.a LEB 1: final 1/2
2004-05 ACB, 14.a
2005-06 ACB, 15.a
2006-07 ACB, 10.a
2007-08 ACB, 6.a final 1/2 2.a
2008-09 ACB, 8.a Eurocup: final 1/2
2009-10 ACB, 9.a final 1/4 Eurocup: final 1/2
2010-11 ACB, 2.a final 1/4
2011-12 ACB, 6.a final 1/2 Euroliga: final 1/4 Euskal Kopa, 2.a
2012-13 ACB, 6.a final 1/4 Eurocup: 2.a Euskal Kopa, 1.a
2013-14 ACB, 14.a final 1/2 Eurocup: 1/32
2014-15 ACB, 4.a final 1/4
2015-16 ACB, 10.a final 1/2 Eurocup: 1/32
2016-17 ACB, 10.a Eurocup: multzoa
2017-18 ACB, 17.a (jaitsi) Eurocup: multzoa Euskal Kopa, 1.a
2018-19 LEB Oro, 2.a (igo) LEB Kopa: 2.a Euskal Kopa, 1.a
2019-20¹ ACB, 6.a final 1/4 Euskal Kopa, 2.a
2020-21 ACB, 17.a Champions League: multzoan Euskal Kopa, 2.a
2021-22 ACB, 9.a Euskal Kopa, 1.a
2022-23 ACB, 12.a Champions League: final 1/16 Euskal Kopa, 2.a
2023-24 ACB, 13.a Europe Cup: final 1/2
2024-25 ACB, ? Europe Cup: 1.a
  • ¹ 2019-20 denboraldian COVID-19 pandemiaren erruz fase erregularra eten eta azken fase bat jokatu zen. Bilbao Basket A taldeko 6.a izan zen.

Palmaresa

aldatu

Espainian: 3

aldatu

Behe mailatan

aldatu
  • LEB Oro (1): 2003-04
  • LEB Oro Kopa (0): finalista 2003 eta 2019an
  • LEB Plata (1): 2001-02
  • LEB Plata Kopa (1): 2001-02

Nazioartean: 1

aldatu

Euskal Herrian: 3

aldatu

Entrenatzaileak

aldatu
Urteak Izena Herrialdea
2000-2001 Txutxo Sanz   Euskal Herria
2001 Pedro Zorrozua   Euskal Herria
2001-2010 Txus Bidorreta   Euskal Herria
2010-2013 Fotis Katsikaris   Grezia
2013-2014 Rafa Pueyo   Euskal Herria
2014-2016 Sito Alonso   Espainia
2016-2017 Carles Durán   Katalunia
2017-2018 Veljko Mršić   Kroazia
2018 Jaka Lakovič   Eslovenia
2018-2022 Àlex Mumbrú   Katalunia
2022-egun Jaume Ponsarnau   Katalunia

Janzkera eta babesle nagusiak

aldatu
Janzkera
Denbora Hornitzailea
2000 - 2004 Athletic Club Sportswear
2004 - 2007 Mercury
2007 - 2011 Astore
2011 - 2015 KON Sports
2015 - 2018 Erreà
2018 - 2019 Pentex
2019 - egun Hummel
Babeslea
Denbora Babesle nagusia
2003 - 2004 Bizkaiko Foru Aldundia
2004 - 2007 Lagun Aro
2007 - 2009 Iurbentia
2009 - 2012 Bizkaiko Foru Aldundia
2011 - 2012 Gescrap
2012 - 2013 Uxue
2014 - 2015 WISeKey
2015 - 2016 Dominion
2017 - 2021 RETAbet
2021 - egun Surne

Kirol-lagunarteak

aldatu

Klubak egun zazpi kirol-lagunarte ditu. Lehendabizikoa "Hirukoa" izan zen[17], gero "Bidorreta" eta "Javi Salgado" sortu zuten. Frédéric Weisek "2.18" izenekoa eta Marko Banicek berea ere izan zituzten. Azken biak "La Casilla" eta "Erandioko Bilbao Basket" dira.

Ikus, gainera

aldatu

Erreferentziak

aldatu
  1. ↑ (Gaztelaniaz) Consejo Superior de Deporte. Relación de SAD — Portal del Consejo Superior de Deportes. .
  2. ↑ «Surne, nuevo patrocinador del Bilbao Basket» Deia 2021/09/17.
  3. ↑ a b ACB Ligaren webgunea
  4. ↑ a b Deia: Una trayectoria a la carrera [Betiko hautsitako esteka]
  5. ↑ El Correo: La crisis de patrocinadores
  6. ↑ El Correo: 'Bizkaia Bilbao Basket'
  7. ↑ 15.414 espectadores
  8. ↑ Webgune ofiziala
  9. ↑ a b c d e f Magro Eizmendi, Imanol. (2018-5-15). «Hustuz joan den puxika» Berria CC BY-SA 4.0 lizentziapean.
  10. ↑ [1]
  11. ↑ (Gaztelaniaz) Plantilla del RETAbet Bilbao Basket 2019 - 2020. 2020-1-13.
  12. ↑ (Gaztelaniaz) «La ACB acuerda la suspensión temporal de la Liga Endesa, hasta el 24 de abril» Gigantes 2020-4-15.
  13. ↑ (Gaztelaniaz) «Mumbrú dice adiós al Bilbao Basket» El Correo 2022-06-06.
  14. ↑ Bastida Alzuru, Jone. (2025-04-23). «Bilbo Basketek irabazi du Europako Kopa» Berria CC BY-SA 4.0 lizentziapean.
  15. ↑ «Los hombres de negro caen con todos los honores tras poner contra las cuerdas al Barça campeón» El Correo 2011-06-15.
  16. ↑ «Bilbao Basket busca dar el salto hacia la elite del baloncesto» Gara 2007-10-05.
  17. ↑ Webgune ofiziala

Kanpo estekak

aldatu
"https://eu.wikipedia.org/w/index.php?title=Bilbao_Basket&oldid=10267458"(e)tik eskuratuta