Jose Luis Bilbao

Jose Luis Bilbao
	Jose Luis Bilbao (eskubian) eta Andoni Ortuzar (ezkerrean) Irudi gehiago
; Bizkaiko Ahaldun Nagusia	; 2003ko ekainaren 30a - 2015eko uztailaren 1a ; ← Josu Bergara - Unai Rementeria →
; Bizkaiko Ahaldun Nagusia
Bizitza
Jaiotza	Bilbo, 1957ko urtarrilaren 24a (68 urte)
Herrialdea	Bizkaia, Euskal Herria
Bizilekua	Getxo
Hezkuntza
Heziketa	Euskal Herriko Unibertsitatea lizentzia : ekonomia
Hizkuntzak	gaztelania; euskara
Jarduerak
Jarduerak	politikaria eta ekonomialaria
Kidetza	Euzko Gaztedi
Sinesmenak eta ideologia
Erlijioa	katolizismoa
Alderdi politikoa	Eusko Alderdi Jeltzalea

Jose Luis Bilbao Eguren (Bilbo, Bizkaia, 1957ko urtarrilaren 24a) euskal herritar politikaria da, Bizkaiko Foru Aldundiako Ahaldun Nagusia 2003tik 2015era. Bilboko Matiko auzoan jaio zen familia jeltzale batean. EHUn lizentziatu zen Sarrikoko Ekonomia Zientzien Fakultatean. 1976an EAJra afiliatu zen eta EGIko antolakuntza arduraduna izan zen.

1983an Bizkaiko Batzar Nagusietako kide hautatu zuten. Bertan hainbat ardura ezberdin garatu ditu. Aurrekontu eta Finantzetako arduraduna izan zen, bai eta Presidentetzako ahalduna eta ahaldun nagusiaren idazkari orokorra ere. Nekazaritzako ahalduna eta Bizkaiko Garapen Konsortzioko presidentea izan da.

Josu Bergara ahaldun nagusia izan zen garaian (1999-2003) barne lanean egon zen EAJn. Iñigo Urkullurekin harreman onak zituen eta honek Luis Maria Retolazaren ardura hartu zuenean Bilbaok botere handia hartu zuen Bizkaian. Hautagai aurkeztu zuten Jose Angel Corres, Karmelo Sainz de la Maza edo Juan Luis Laskurain bezalako izenen gainetik.

2003ko maiatzaren 25ean bera buru zuen hautagaitzak gehiengo osoa lortu zuen hauteskundetan eta beraz Espainiako Trantsizioaz geroztiko Bizkaiko IV. Ahaldun Nagusia izan zen. 2007an berriro hautatu zuten, honakoan EAren laguntzarik gabe.

Ahaldun Nagusi kargua utzi eta gero Herri-Kontuen Euskal Epaitegiko presidentea izan zen 2021era arte.

Horretaz gain euskara eta gaztelania ondo menperatzen ditu, eta maila txikiagoan frantsesa. Athleticeko bazkidea da, Berango Futbol Klubekoa eta Euskadi Txirrindularitza Fundaziokoa. Ezkonduta dago, hiru seme ditu eta Getxon bizi da.

Ikus, gainera

Kanpo estekak

Datuak: Q9014016
Multimedia: José Luis Bilbao / Q9014016