2006ko Italiako Giroa

2006ko Italiako Giroa
Datu orokorrak
Lasterketa	89. Italiako Giroa
Txapelketa	2006 UCI ProTour 2.PT
Etapak	21
Datak	maiatzak 6 – 2006.eko maiatzak 28
Luzera	3.508,2 km
Herrialdea	Italia Belgika Suitza Austria
Irteera-lekua	Seraing
Helduera-lekua	Milan
Taldeak	22
Parte-hartzaileak	198
Amaitu dutenak	150
Bataz besteko abiadura	38,315 km/o
Emaitzak
Txapelduna	Ivan Basso (CSC)
Txapeldunordea	José Enrique Gutiérrez (Phonak Hearing Systems)
Hirugarrena	Gilberto Simoni (Saunier Duval-Prodir)
Puntukako sailkapena	Paolo Bettini (Quick Step-Innergetic)
Eskalatzailerik onena	Juanma Garate (Quick Step-Innergetic)
konbinatuan onena	Paolo Savoldelli (Discovery Channel)
Talderik onena	Phonak Hearing Systems
◀2005	2007▶
	Dokumentazioa

2006ko Italiako Giroa Itzuli Handi honen 89. edizioa izan zen. 2006ko maiatzak 6 eta 28 artean ospatu zen, 21 etapatan banatutako 3553 kilometroko ibilbidea eginez, garailea izan zen Ivan Bassok, bataz beste, 38,262 kilometro orduko abiaduran bete zituenak. Itzulia Belgikako Seraing herrian hasi eta Milanen amaitu zen.

Lasterketa Belgikako Valonia eskualdean hasi zen Bigarren Mundu Gerra amaitzean gertatu zen migrazioa omenduz, non 300.000 italiar baino gehiago hango ikatz meatzetara lan bila joan ziren. Era berean, Giro honek 1956an gertatu zen Bois du Cazierreko meatze hondamendian hildako 136 italiarren heriotza oroitzeko balio izan zuen.

Ivan Basso italiarra, hiru etapa irabazi zituena eta 8. etapatik maglia arrosa izan zena, izan zen edizio honen dominatzaile argia, sailkapen nagusian bigarrena izan zen José Enrique Gutiérrezi bederatzi minutu baino gehiago ateraz. 2001 eta 2003ko edizioen garailea izan zen Gilberto Simonik osatu zuen podiuma.

Juanma Garate izan zen etapa bat irabazi zuen euskaldun bakarra, itzulia amaitzeko bi egun falta zirela, sailkapen nagusian 7. amaituz eta mendiko sailkapena ere irabaziz. Puntukako sailkapena Paolo Bettinirentzat izan zen, intergiroarena Paolo Savoldellirentzat eta taldekakoa Phonakentzat.

11. etapako banakako erlojupekoa Jan Ullrichek irabazi zuen, baina TASak bi urteko zigorra jarri zion dopinagatik. Honen ondorioz, etapa horretako garaipena Ivan Bassorentzat izan zen.

Taldeak

Taldea Taldeko liderra Discovery Channel Paolo Savoldelli AG2R Prevoyance Íñigo Chaurreau Bouygues Télécom Giovanni Bernaudeau Illes Balears José Iván Gutiérrez Ceramica Panaria Emanuele Sella Cofidis Leonardo Bertagnolli Crédit Agricole Francesco Bellotti Davitamon-Lotto Robbie McEwen Euskaltel-Euskadi Roberto Laiseka Française des Jeux Bradley McGee Gerolsteiner Davide Rebellin

Taldea Taldeko liderra Lampre-Fondital Damiano Cunego Liberty Seguros-Würth Michele Scarponi Liquigas-Bianchi Danilo Di Luca Phonak Hearing Systems José Enrique Gutiérrez Quick Step Paolo Bettini Rabobank Michael Rasmussen Saunier Duval-Prodir Gilberto Simoni Selle Italia José Rujano Team CSC Ivan Basso Team Milram Alessandro Petacchi T-Mobile Team Jan Ullrich

Etapak

Etapa	Data	Ibilbidea	Kilometroak	Garailea	Liderra
1.a	maiatzak 6	Belgika Seraing	6 (CRI)	Italia Paolo Savoldelli	Italia Paolo Savoldelli
2.a	maiatzak 7	Belgika Mons-Belgika Charleroi	203	Australia Robbie McEwen	Italia Paolo Savoldelli
3.a	maiatzak 8	Belgika Perwez-Belgika Namur	202	Alemania Stefan Schumacher	Alemania Stefan Schumacher
4.a	maiatzak 9	Belgika Wanze-Belgika Hotton	182	Australia Robbie McEwen	Alemania Stefan Schumacher
5.a	maiatzak 11	Piacenza-Cremona	38 (taldekako erlojupekoa)	Danimarka CSC	Ukraina Serhiy Honchar
6.a	maiatzak 12	Bussetto-Forlì	223	Australia Robbie McEwen	Alemania Olaf Pollack
7.a	maiatzak 13	Cesena-Saltara	230	Belgika Rik Verbrugghe	Ukraina Serhiy Honchar
8.a	maiatzak 14	Civitanova Marche-Maielletta	171	Italia Ivan Basso	Italia Ivan Basso
9.a	maiatzak 15	Francavilla a Mare-Termoli	147	Lituania Tomas Vaitkus	Italia Ivan Basso
10.a	maiatzak 16	Termoli-Peschici	190	Italia Franco Pellizotti	Italia Ivan Basso
11.a	maiatzak 18	Peschici-Pontedera	50 (banakako erlojupekoa)	Italia Ivan Basso	Italia Ivan Basso
12.a	maiatzak 19	Livorno-Sestri Levante	165	Espainia Joan Horrach	Italia Ivan Basso
13.a	maiatzak 20	Alessandria-La Thuile	216	Italia Leonardo Piepoli	Italia Ivan Basso
14.a	maiatzak 21	Aosta-Domodossola	224	Kolonbia Luis Felipe Laverde	Italia Ivan Basso
15.a	maiatzak 22	Mergozzo-Brescia	182	Italia Paolo Bettini	Italia Ivan Basso
16.a	maiatzak 23	Rovato-Monte Bondone	180	Italia Ivan Basso	Italia Ivan Basso
17.a	maiatzak 24	Termeno-Plan de Corones	126	Italia Leonardo Piepoli	Italia Ivan Basso
18.a	maiatzak 25	Dobbiaco-Gemona del Friuli	210	Alemania Stefan Schumacher	Italia Ivan Basso
19.a	maiatzak 26	Pordenone-Passo San Pellegrino	224	Euskadi Juan Manuel Gárate	Italia Ivan Basso
20.a	maiatzak 27	Trento-Aprica	211	Italia Ivan Basso	Italia Ivan Basso
21.a	maiatzak 28	Museo del Ghisallo-Milán	140	Alemania Robert Förster	Italia Ivan Basso

• 17. etapa aldatua izan zen, hasierako kilometroak aldatuz eta helmuga 6 kilometro lehenago jarriz, ondorioz, "Plan de Corones"en goiko zati gogorrera iritsi ez zelarik.

Sailkapenak

Sailkapen nagusia

1. Ivan Basso Italia CSC 91h 33' 36" 2. José Enrique Gutiérrez Espainia PHO + 9' 18" 3. Gilberto Simoni Italia SDV + 11' 59" 4. Damiano Cunego Italia LAM + 18' 16" 5. Paolo Savoldelli Italia DSC + 19' 22" 6. Sandy Casar Frantzia FDJ + 23' 53" 7. Juan Manuel Gárate Euskadi QST + 24' 26" 8. Franco Pellizotti Italia LIQ + 25' 57" 9. Víctor Hugo Peña Kolonbia PHO + 26' 27" 10. Patxi Vila Euskadi LAM + 27' 34"

Puntukako sailkapena
1. Paolo Bettini Italia QST 169 puntu 2. Ivan Basso Italia CSC 158 puntu 3. José Enrique Gutiérrez Espainia PHO 132 puntu

Mendiko sailkapena
1. Juan Manuel Gárate Euskadi QST 64 puntu 2. Ivan Basso Italia CSC 56 puntu 3. Fortunato Baliani Italia PAN 52 puntu

Intergiroaren sailkapena
1. Paolo Savoldelli Italia DSC 775 puntu 2. José Enrique Gutiérrez Espainia PHO 651 puntu 3. Ivan Basso Italia CSC 595 puntu

Taldekako sailkapena
1. Phonak Hearing Systems Suitza PHO 274h 21' 31s 2. Lampre-Fondital Italia LAM + 7' 36" 3. Discovery Channel AEB DSC + 16' 05"

Puerto Operazioa

Giro honetan Puerto Operazioa deituriko doping auziarekin lotutako zenbait gertaera gertatu ziren. Gertaera hauek ulertzeko funtsezkoak izango ziren Guardia Zibilak auziari buruzko bere txostenean erakutsitako informazio eta frogak (lasterketan zehar grabatuak izan ziren telefonozko elkarrizketa adierazgarriak barne). Dopingaren aurkako Puerto Operazioaren lehen berriak 2006ko maiatzak 23an jakin ziren (atxiloketen eguna), hau da, Italiako Giroaren azken astean, eta italiar itzulia "maiatzeko jaialdia" bezala identifikatua izan zela Eufemiano Fuentesi eta bere laguntzaileei kendutako dokumentazioan. Gainera, doping sareko postaria zen Alberto Leónek, atxilotu zutenean maiatzak 22an, Giroa ospatzen ari zen bitartean, datatua zegoen Milanerako hegazkin txartel baten egiaztagiria zuen aldean.

Erregistroetan lortu zen 65 dokumentuan maiatzean ospatzen den jaialdiko partehartzaile eta laguntzaile zerrenda bat zegoen, non, Alberto León eta Alessandro Kalcez gain (laguntzaileak garraio lanetan), bitxia bada ere, lasterketa arrazoi bitxiengatik utzi edo itzulian ekitaldi bikaina izan zuten beste bost txirrindulari zeuden.

Kanpo estekak

• Datuak: Q844196
• Multimedia: Giro d'Italia 2006