Rimini

Rimini Italiako ipar-ekialdeko hiria da, Adriatikoaren ertzean dagoena, Emilia-Romagna eskualdean, Riminiko probintzian. 2010eko erroldaren arabera 142.579 biztanle zituen. Erromatarrek K.a. 268. urtean sortu zuten.

Rimini Rimini
Italiako udalerria
Irudi gehiago
Administrazioa
Herrialdea	Italia
Eskualdea	Emilia-Romagna
Probintzia	Riminiko probintzia
Alkatea	Andrea Gnassi (en)
Izen ofiziala	Rimini
Jatorrizko izena	Rimini
Posta kodea	47921–47924
ISTAT kodea	099014
Geografia
Koordenatuak	44°03′34″N 12°34′06″E
Azalera	135,71 km²
Altuera	6 m
Mugakideak	Bellaria-Igea Marina, Coriano, Riccione, Santarcangelo di Romagna, Verucchio, San Mauro Pascoli, Serravalle eta Forlì-Cesenako probintzia
Demografia
Biztanleria	149.211 (2023ko urtarrilaren 1a) −192 (2018)
Dentsitatea	1.099 bizt/km²
Informazio gehigarria
Sorrera	K.a. 268
Telefono aurrizkia	0541
Ordu eremua	UTC+01:00 eta UTC+02:00
Hiri senidetuak	Djibuti, Latakia, Beit Sahour, Venezia, Yangzhou, Saint-Maur-des-Fossés, Seraing, Sotxi, Ziguinchor eta Fort Lauderdale
Katastro kodea	H294
Sailkapen sismikoa	2 (Ertaina)
Matrikula	RN
Hizkuntza ofiziala	italiera
comune.rimini.it

Veneziaren ondoren, Italiako Adriatiko kostaldeko turismogune garrantzitsuena da ziur aski. Artzapezpiku-hiria da. Aipagarriak dira erromatarren garaiko zubia (K. o. 21), garaipen-arkua (K.a. 27 - K. o. 21), anfiteatroaren hondakinak eta Malatesta familiaren eliza (XIV. mendea). Komunikabide-gune garrantzitsua da (burdinbideak, aireportua). Turismoa erakartzen du (hondartzak).

Mugakideak

Riminik honako udalerri hauekin egiten du muga:

Bellaria-Igea Marina
Coriano
Riccione
Santarcangelo di Romagna
Verucchio
San Mauro Pascoli
Serravalle
Forlì-Cesenako probintzia

Historia

Marecchia izeneko hiri unbriar-etruskoa zen erromatarrak hara joan baino lehen (K.a. 268). Ariminium izena eman zioten erromatarrek. Kontzilio bat egin zuten arriotar kristau buruzagiek Riminiko hirian 359. urtean, arriotarrek Kristoren jainkotasunaren aurrean azalduriko zalantza guztiak argitzearren. Bizantziarrak nagusitu ziren hurrengo urteetan hirian, godoak ondoren, bizantziarrak berriro, eta lonbardiarrak eta frankoak azkenean. Aita santuaren eskuetara igaro zen 754an, Pepino Laburrak eskaini ondoren. Malatesta familia izan zen nagusi 1295etik 1528ra bitarteko urteetan, eta aita santuen gobernupean egon zen ondoren, 1860an Italiako Errepublikako hiri bihurtu zen arte. Gudaroste aliatuek bonbardatu zuten Bigarren Mundu Gerran.

Iruditegia

• 
  Tre Martiri plaza.
• 
  Cavour plaza.
• 
  Hondartza.
• 
  Malatesta familiaren eliza.

Hiritar ezagunak

• Federico Fellini (1920-1993), zinema zuzendaria.
• Hugo Pratt (1927-1995), komikilaria eta Corto Maltese pertsonaiaren sortzailea.

Kanpo estekak

• Riminiko Udal webgunea (Italieraz)
• Riminiko Turismo Bulegoa (Ingelesez) (Italieraz)

• Datuak: Q13369
• Multimedia: Rimini / Q13369