Jokin Mujika

**Jokin Mujika**
Informazio pertsonala
Izena	Jokin Mujika Aranburu
Jaiotza data	1962ko abuztuaren 22a
Jaiotza herria	Itsasondo
Jaiotza herrialdea	Gipuzkoa
Kirol informazioa
Modalitatea	Errepidea / ziklo-kross
Rola	Txirrindularia
Trebetasuna	Guztiak
Profesional taldea(k)
1984-1986; 1987-1989; 1990-1991; 1992; 1993-1996	Orbea; Caja Rural; Banesto; Artiach; Orbea
Garaipen nagusiak
	Galiziako Itzulia (1987); Eibarko Bizikleta (1988)

Jokin Mujika Aranburu (Itsasondo, Gipuzkoa, 1962ko abuztuaren 22a -) euskal txirrindulari ohia da, 12 urtez profesionalen artean lehiatu zuena^[1].

Ibilbidea

Hasierako kategoriak

Etorkizun oparoko txirrindularia izan zen errepideko txirrindularitza zein ziklo-krossean. Gaztetan, ziklo-krosseko Espainiako txapelduna bitan eta munduko txapeldunordea izan zen; errepideko txirrindularitzan berriz, Espainiako txapeldun izan zen.

«

...Txikitan, futbola nuen gustuko, adin horretako mutil guztiak bezala… Anaia nuen txirrindularia eta, futbolean jokatu ala ez jokatu, ordezkoa izan ala ez…, kuestioa txirrindua probatu nuela eta, ondo nenbilenez, bide horretatik jarraitu nuen...^[2]

»

Istripu bat baino gehiago izan zuen eta, kamioi batek harrapatu ondoren klabikula hautsi ondoren, 1981eko Nafarroako Itzulian eroriko baten ondorioz, garezurra hautsi zuen, 10 egunez ospitalean egon behar izan zuelarik. Handik gutxira, soldadutza egitera deitu zioten, eta txirrindularitza utzi behar izan zuen aldi baterako.

Ziklismo profesionala

1984an profesionaletara pasatu zen eta Orbea, Caja Rural, Banesto eta Artiach taldeetan lehiatu zuen.

Arrakasta izan zuen 1988an, Euskal Bizikletan, Arrateko Igoerako etapan. Eibarko Bizikleta zeritzon orduan eta Robert Millar eta Charly Motteti aurrea hartzea lortu zuen. Baita Galiziako Itzulian ere eta Etorkizuneko Tourra, 80ko hamarkadan partaidetza oneko karrerak zirenak.

Bi Italiako Giroetan, lehen hogei txirrindularietako bat izan zen, hamaikagarrena horietako batean. Espainiako Itzulian, berriz, hamalaugarrena izan zen behin.

Hiru itzuli handiak bakoitza pare bat aldiz korritu zituen eta Chambéryn egin zen 1989ko Mundialean nabarmendu zen, ihesaldi garrantzitsuaren protagonista izan zelarik.

Profesionaleko azken urteetan, errepideko txirrindularitza utzi zuen eta ziklo-krossean lehiatzen jarraitu zuen.

«

...Zilarrezko domina irabazi nuen Wetzinkongo Mundu Txapelketan, Suitzan, eta, urtebete lehenago, Ordizian, bostgarren egin nuen Simuneken atzetik. Hortxe daukat nire pena, ia-ia Mundu Txapelketa irabaztear egon nintzen etxean bertan, baina, tamalez, aberia bat oztopo izan nuen... Suitzan, ohorea izan zen niretzat Simuneken atzetik sartzea, zirkuitua elurtuta erabat… baina lortu nuen...^[2]

»

Azkenik, mendiko bizikleta modalitatera pasatu zen. 1995. urtean Espainiako Openeko Burgos eta Narancoko lasterketak irabazi zituen, eta 1996ko Atlantako Joko Olinpikoetan parte hartu zuen^[3]. Urte hartako Espainiako Mendi Bizikleta Txapelketan bigarren izan zen, baita ere.

Palmaresa

1980

Leintz Bailarari Itzulia

1981

Nafarroako Itzuliko etapa 1

1982

1983

1984

1985

Cuprosan Sari Nagusia.
Kataluniako Voltako tarteko helmugen saria.
2. Ordiziako Klasikan
3. Narancoko Igoeran

1986

1987

1988

1989

1992

2. Ziklo-krosseko Espainiako Txapelketan

1993

Ziklo-krosseko Espainiako Txapelketa

1994

1995

Euskal Herriko Ziklo-kros Txapelketa

1996

Ziklo-krosseko Espainiako Txapelketa

Emaitzak lasterketa nagusietan

Lasterketa	1984	1985	1986	1987	1988	1989	1990	1991	1992	1993	1994	1995	1996
Italiako Giroa	-	-	-	11.	-	19.	-	-	-	-	-	-	-
Frantziako Tourra	-	45.	30.	41.	63.	78.	-	-	-	-	-	-	-
Espainiako Vuelta	49.	43.	76.	-	14.	-	62.	Utzi	-	-	-	-	-
Txirrindularitzako Munduko Txapelketak (*)	-	-	11.	-	-	-	-	-	-	-	-	40.	-

(*) Ziklo-krossean

Taldeak

Erreferentziak

Kanpo estekak

Jokin Mujika - ProCyclingStats

Datuak: Q3034962

[1] Jokin Mujikaren palmaresa

[#1-2] ttp://www.diariovasco.com/deportes/ciclismo/201610/08/jokin-mujika-tengo-espina-20161008003440-v.html

[3] Emaitzak Joko Olinpikoetan

[1]

[2]

[3]