Erroibarrera hegoaldeko goi nafarreraren azpieuskalki bat da, Erroibar udalerriko (Nafarroa Garaia) berezko euskalkia. Gaur egun, ordea, ia galdutzat jo daiteke. Izan ere, 2007ko udazkenean, gutxienez lau hiztun bazituen (Zilbetin, Lintzoainen eta Uretan), baina horietako bat besterik ez zen 50 urtetik beherakoa. Euskara batuan alfabetatutako hainbat euskaldun dira Erroibarko euskararen etorkizuna.

HistoriaAldatu

Euskara erroibartarren hizkuntza bakarra izan da XX. mendearen lehen hereneraino. Espainiako Gerra Zibiletik aurrera, ordea, ordezkatze prozesu etengabea izan da gaztelaniaren alde.

Herriko hizkeraren aztarna anitz dago toponimian, esaera zaharretan eta eguneroko hainbat hitzetan.

1977an Nere Oroimenak liburua argitaratu zuen Perpetua Saragueta (Mezkiritz, 1905) erroibartarrak. Oso datu etnografiko garrantzitsuak eskaini zituen. Azken urteotan, Orreaga Ibarra hizkuntzalariak euskalkia jasotzen duen hainbat lan plazaratu du.

2007an apenas gelditzen zen Erroibarko euskara garbia eman zezakeen euskaldun zaharrik: Lintzoaingo Gabriel Soto, Uretako Santiago Agorreta eta Zilbetiko Luis eta Agustin Iribarren aita-semeak baino ez, segur aski.

SailkapenaAldatu

Bonapartek bere sailkapenean hegoaldeko goi-nafarreran kokatua, gaur egun Koldo Zuazok nafarreratzat jo du.

BibliografiaAldatu

  • Valle de Erro. Historia, lengua y costumbres
  • Erroibarko eta Esteribarko Hiztegia (Orreaga Ibarra).

Kanpo estekakAldatu