Bash

Bash (Bourne Again Shell[1]) GNUk sortutako shell bat da eta GNU/Linux sistema gehienetan aurki daiteke. Bash tresna bat da fitxategi exekutagarri sinpleak egiteko, erabiltzaile batek adierazten dizkion komandoak exekutatzen dituena.

Bash
Irudi gehiago
Jatorria
Sortzailea(k)	Brian Fox (en)
Sorrera-urtea	1989
Mugimendua	software librearen mugimendua
Azken bertsioa	5.2.37
Honen izena darama	Bourne shell (en) , Bourne shell (en) eta born again (en)
Ezaugarriak
Hizkuntza	ingelesa, frantsesa, greziera, brasildar portugesa, bulgariera, katalana, txinera klasikoa, Txinera sinplifikatua, Kroaziera, txekiera, daniera, esperantoa, Estoniera, finlandiera, galiziera, georgiera, alemana, hungariera, Indonesiera, Irlandako gaelera, italiera, japoniera, bokmåla, lituaniera, koreera, poloniera, portugesa, errumaniera, errusiera, serbiera, eslovakiera, esloveniera, gaztelania, suediera, turkiera, ukrainera, Vietnamera eta nederlandera
Euskarria	x86-64 (en) eta i686 (en)
Programazio-lengoaia	C
Irakur dezaka	Bash script (en)
Sistema eragilea	GNU/Linux, BSD, MacOS X, Microsoft Windows, GNU/Hurd (en) , UNIX-moduko eta Plataforma-anitz
Egile-eskubideak	copyrightduna
Lizentzia	GNU General Public License, version 3.0 or later (en)
Deskribapena
Oinarritua	Bourne shell (en)
Honen parte da	GNU Project (en)
Honen eragina jaso du	ALGOL 68, Bourne shell (en) , C shell (en) eta KornShell (en)
Ekoizpena
Garatzailea	GNU Project (en) eta Chet Ramey (en)
Euskaraz
Euskaraz	Ez
http://www.gnu.org/software/bash/bash.html
Iturri-kodea	https://git.savannah.gnu.org/gitweb/?p=bash.git

Laburbilduz, Linuxeko kernelaren eta erabiltzaileen arteko interfaze moduan funtzionatzen du Bashak.

Historia

1978. urtean, Stephen Bournek Bourne izeneko sistema interpretatzaile baten oinarriak garatu zituen. Honek onarpen maila handia izan zuen, Unix Sistemetan interprete erabiliena bilakatu baitzen.

Nolanahi ere, hamar urte beranduago Bourne softwarearekin zuen desadostasunak bultzatuta, Richard Stallmanek proiektu hori hobetzea proposatu zuen. Hala, lana hobetzeko asmoz hasi zen Bash proiektua.

1989ko urtarrilaren 10ean, Brian Fox informatikariak Bash komando interpretatzailea sortu zuen. Urte bat beranduago, Chet Ramey proiektuan sartu eta Brian Foxekin batera lanean hasi zen. Elkarrekin, kodeari lotutako arazo batzuk konpondu eta interpretatzailearen ezaugarri berriak inplementatu zituzten. Brian Fox proiektuko buru gisa jardun zuen 1992ra arte; baina 1994. urtean bere erantzunkizuna Chet Rameyk hartu zuen. Handik aurrera, Bash komando interpretatzailea GNU/Linuxeko shellik ezagunena bilakatu da, gero eta ospe handiagoa bereganatuz.

Erabilera

Oro har, kolore beltzeko testu-leiho batean exekutatzen da; non erabiltzaileak komandoak idatz ditzakeen. Leiho horretan kurtsore keinukari bat ageri da, prompt izenekoa.

• Kurtsorearen ezkerrean erabiltzailearen eta gailuaren izena ageri dira @ karaktereaz bananduta. Ondoren bi puntu ageri dira eta uneko direktorioaren bidea edo patha dago. Bukaeran $ edo # karaktereak ager daitezke, erabiltzailearen baimenen arabera.

• Kurtsorearen eskuinean, ordea, exekutatu nahi den komandoa adierazteko eremua dago. Bash komando intepretatzaileak aginduak lerroz lerro exekutatu eta emaitzak pantailan aurkezten ditu.

 erabiltzailea@gailuarenIzena:/path$ [KOMANDOA]

Bash scriptak

Bash scriptak exekuzio baimena duten testu fitxategiak dira, Bashen antzeko shellek ulertu eta exekutatu ditzaketenak. Sistemaren komandoz osatutako zerrenda antzekoak dira, mota askotariko eragiketak egiteko aukera ematen dutenak.

Ezin da benetako programazio-lengoaiatzat hartu, izatez, sistemaren shell batek interpretatu behar baititu lerroz lerro bere barneko aginduak. Oso tresna erabiliak eta garrantzitsuak dira, aukera ematen baitute sistemako eragiketa errepikakorrak eta konplexuak automatizatzeko.

Terminalean bertan sortu daitezke fitxategi hauek testu-editore sinple bat erabiliz eta sortutako fitxategi horri .sh luzapena ematen zaio:

vim nirescripta.sh

Script baten hasierako lerroan, shebang izeneko karaktere multzo bat adierazten da, scripta zein komando interpretek exekutatuko duen adierazteko. Horren ondoren, komando zerrenda bat idatzi behar da, dagokion interpreteak, Bashak kasu, exekutatu dezan:

#!/bin/bash
echo "Hona hemen adibide bat."

Idatzitako scripta exekutatuz gero terminalean ondorengo emaitza lortzen da:

$ Hona hemen adibide bat.

Ikus, gainera

• Linux
• Unix
• GNU-Linux
• Shell
• Komando interpretatzailea

Kanpo estekak

• (Ingelesez) Bash-ren webgunea.
• (Ingelesez) Bash tutoriala.
• (Ingelesez) Bash tutorial aurreratua.
• (Ingelesez) Bash debugger-a.

• Datuak: Q189248
• Multimedia: GNU Bash / Q189248