Ireki menu nagusia

Usansolo

Euskal Herriko giza kokagunea

Usansolo herri izaera duen Galdakaoko (Bizkaia) ekialdeko auzo bat da. Trenbidea eraikitzearekin batera hasi zen urbanizatzen, XIX. mendearen amaieran. Lehenago, baserriak eta ortuak ziren nagusi, eta hamarkadek aurrera egin ahala etxebizitza blokeak eraiki ziren. Galdakaoko udalerrian eraikitzeko geratzen diren lur gehienak Usansolon daude gaur egun.

Usansolo
Bizkaia, Euskal Herria

Galdakao Usansolo.jpg

Usansoloren ikuspegia.
Kokapena
Herrialdea  Euskal Herria
Probintzia  Bizkaia
Herria Galdakao
Koordenatuak 43° 13′ 19″ N, 2° 49′ 07″ W / 43.22194444°N,2.81861111°W / 43.22194444; -2.81861111Koordenatuak: 43° 13′ 19″ N, 2° 49′ 07″ W / 43.22194444°N,2.81861111°W / 43.22194444; -2.81861111
Usansolo hemen kokatua: Euskal Herria
Usansolo
Usansolo
Usansolo hemen kokatua: Bizkaia
Usansolo
Usansolo

2007ko urtarrilaren 1eko erroldaren arabera, auzoak 3.666 biztanle ditu.

DemografiaAldatu

Usansoloko biztanleria
2000 2001 2002 2003 2004 2005 2006 2007
3.660 3.655 3.678 3.743 3.704 3.696 3.662 3.666

PolitikaAldatu

2011n egindako udal hauteskundeetan, Usansolo Herria izeneko partidua aurkeztu zen eta 1.593 boto jaso zituen. Honen ondorioz, udaletxean bi eserleku ditu eta partidu honen helburu nagusia Usansolo, gaur egun Galdakaoko auzoa, herri bihurtzea da.

2014ko urriaren 6an, EAJk iritzia aldatu zuen, eta babesa emango zion Usansoloko herri galdeketari. Bizkaiko Batzar Nagusien babes zabala izango zuen. EH Bilduk eta PSE-EEko batzarkideen babesari EAJrena gehitu zitzaion.[1] Urriaren 9an, EAJk ere sustatuko zuela Usansoloko kontsulta zabaldu zen. Ibon Uribe alkate jeltzaleak kontsultaren prozesua hasteko ekimena proposatuko zuen. Itsas Aurre elkarteak Igeldorekin ere Usansolon zuten jarrera bera agertzeko eskatu zien EAJri, PSE-EEri eta PPri.[2]

Azaroaren 18an jakin zenez, 3.000 pertsonak bozkatu ahalko zuten Usansolon egingo zen kontsultan. Kontsulta honek hala ere ez zuen zerikusirik Galdakaoko Udalak 2015. urteko otsailerako antolatu nahi zuenarekin.[3]

Azaroaren 23an, udalerri izan nahi zuten bozkatu zuten.[4] Herritarren % 73 inguruk bozkatu zuten ea Usansolo udalerri izatea nahi zuten; % 90ek, desanexioaren alde egin zuen.[5] Horren aurrean, Unai Rementeria Bizkaiko Foru Aldundiaren bozeramaileak esan zuen arazoa Osoko Bilkuran konpon zitekeela.[6] Udalerri bilakatzeko bidean, hurrengo urratsa foru araua aldatzea zen. Usansoloren desanexioaren aldekoak pozik agertu ziren galdeketaren emaitzekin eta Galdakaoko Udalak «errespetua» azaldu zuen kontsultarekiko.[7]

Azaroaren 27an, Usansolo herri izateko bide orria onartu zuen Galdakaok eta Aldundiari foru legea aldatzeko eskatu zion. Bestalde, galdeketa egingo zuten.[8]

2015eko urtarrilaren 10ean, Usansolo Herria plataformak «borondate falta» leporatu zion Unai Rementeriari.[9]

Urtarrilaren 13an, Usansoloren desanexioa debekatzen duen foru araua aldatzeko prest azaldu zen Unai Rementeria.[10]

Lamintxu Gazte AsanbladaAldatu

Usansolo Galdakaoko herrigunetik hiru kilometrora egonda, udalerri independente bat osatzeko ekimen ugari izan zen duela hamarkada batzuk. 2008an Lamintxu Gazte Asanblada sortu zen, Usansoloko gazteak dituzten arazoak konpontzeko eta Usansoloren desanexioa bultzatzeko, Usansolo herri independente bihurtzeko.

DorreakAldatu

Auzo honetan Isasi Goikoa eta Lekue dorreak ditugu.

ZerbitzuakAldatu

Galdakaoko Ospitalea Usansolo alboan dagoen Labea auzoan dago eraikia.

GarraioaAldatu

Auzotar ezagunakAldatu

Kanpo loturakAldatu

ErreferentziakAldatu