Ireki menu nagusia

Sagrario Aleman Astitz (Etxaleku, Imotz, Nafarroa Garaia, 1952ko martxoaren 5a) euskara irakaslea da. 2007tik euskaltzaina da.

Sagrario Aleman
Sagrario Aleman (Josu Santesteban, 2011).jpg
Bizitza
Jaiotza Imotz1952ko martxoaren  5a (67 urte)
Herrialdea  Nafarroa Garaia, Euskal Herria
Hezkuntza
Heziketa Madrilgo Complutense Unibertsitatea
Hizkuntzak gaztelania
euskara
Jarduerak
Jarduerak katedraduna eta politikaria
Lantokia(k) Iruñea
Madril
Andosilla
Sartaguda eta Sakana
Kidetza Euskaltzaindia
Sinesmenak eta ideologia
Alderdi politikoa Herri Batasuna
Aralar

Eduki-taula

IkasketakAldatu

Euskara-irakasleaAldatu

Nafarroako alfabetatze eta euskalduntze mugimenduan ezinbesteko erreferentzia da. 1972an hasi zen lanean helduen euskalduntzean Arturo Campion euskaltegian eta Iruñeko Apaizgaitegiko gaztetxoekin.

Geroago Madrilen (1975-77) ere bai, iruñean berriro (1977-78), Andosillan eta Sartagudan (1978-79), Sakanan (1979-1981), eta 1981-82 ikasturtetik aurrera Arturo Campion euskaltegian dihardu, bertako zuzendaria delarik 1982. urtetik.

Bestalde, didaktikan ere badihardu, euskaltegian bertan, beste lankide zenbaitekin. Ikastaro, mintegi eta jardunaldi ugaritan ibili da irakasle, soziolinguistikaz, didaktikaz eta gramatikaz, besteak beste.

EuskaltzainaAldatu

Euskaltzaindiak euskaltzain urgazle izendatu zuen 2006an. euskaltzain oso izendaturik, 27. aulkia eman zion 2007an. 2008an “Berdetik horira” izenburuko sarrera-hitzaldia irakurri zuen Etxalekun, bere herrian bertan. 2012tik Euskaltzaindiaren diruzaina da.[1]

Aldizkari eta irratietan kolaboratzaileaAldatu

Jakin, Bat, Argia eta Pulunpe agerkarietan argitara eman ditu kolaborazioak, eta Egin, Bilbo Hiria eta Euskalerria irratietan ere kolaboratzaile izan da.

Euskaltzalea, ekintzaileaAldatu

Euskal Herrian Euskaraz taldeko partaidea, lehenengo urteetan, Zaldiko Maldiko euskara elkarteko sortzailea ere bada. Horrezaz gain, Nafarroako Egunkaria sortzen taldea eta Karrikiri euskara taldearen sorrerako bileretan ibilia da, baita Euskalerria irratiko hastapenetan ere.[2]

Hautetsia, ordezkariaAldatu

Iruñeko zinegotzia izan zen 1982tik 1987ra arte, baita Nafarroako Parlamentuko kidea ere (1987-1991). Herri Batasuna koalizioaren euskara taldeko arduraduna izan zen Nafarroan. 2001ean Aralar alderdiaren sortzaileetarikoa izan zen. 2001-2005 artean Eusko Jaurlaritzako Euskararen Aholku Batzordeko kide izan da. EKB eta Kontseiluan ere aritu da IKAren izenean.

SariakAldatu

Zaldiko Maldiko kultur elkarteak Lamien Urrezko Orrazia eman zion 1987an, eta 1996an Euskalerria irratiaren Larreko Saria saria jaso zuen.

ErreferentziakAldatu

  1.   «Aleman, Sagrario» www.euskaltzaindia.eus . Noiz kontsultatua: 2018-03-29 .
  2.   Lakasta, Juan Kruz (2018-03-29) «Abolizioaren alde eta kontra» Berria (berria.eus): 16 . Noiz kontsultatua: 2018-03-30 .

Kanpo loturakAldatu