Korres

Korres Arabako ekialdeko herri bat da, Mendialdea eskualdekoa, Arraia-Maeztu udalerrikoa. Itsas mailatik 709 metro gorago dago.

Korres
Euskal Herria
Kokapena
Herrialdea	Araba
Udalerria	Arraia-Maeztu
Posta kodea	01129
Geografia
Koordenatuak	42°41′53″N 2°26′00″W
Demografia
Biztanleria	31 (2022)

Korres Izkiko natura parkearen barruan dago, eta herria ohiko abiapuntua da Soila (993 m) eta Muela (1.055 m) mendietara igotzeko.

Historia

Gaztela eta Nafarroako Erresumaren arteko mugan zegoenez, Portiellako gaztelua edo Mairuena eraiki zuten, Erdi Aroko guduen lekuko.

Borroka haiek amaiturik, 1204an Gaztelako Alfontso X.a Jakituna erregeak herriari foruak eman zizkion. Ondorengo mendeetan, Korresen jabetza Gaonatarrena izan zen lehenik, Lazkanotarrena ondoren, eta Valmedianoko Markesarena azkenik. XVII. mendean bertoko zenbait emakume sorgin salatu zuten.

1960ko hamarkadan utzi zion udalerri independentea izateari.

Demografia

Korresko biztanleria

Garraioa

Eskualdeko Garraioa sareak linea bat ditu herrian:

Eskualdeko Garraioa  Zerbitzua   Hasiera   Ibilbidea   Amaiera ⁠ 18 Maeztu Durruma Kanpezu • Korres • Erroeta • Erroitegi • Sabando • Ibisate • Areatza • Musitu • Zekuiano • Aletxa • Elortza • Apilaiz Maeztu

Ekonomia

Jarduera tradizionalak abeltzaintza eta ikazkintza izan dira, baina XX. mendearen hasieran San Ildefonsoko meategian asfalto ustiatzeari ekin zioten, eta argindarra sortzeko presa bat ere eraiki zuten herrian.

Ondasun nabarmenak

• Herrigunea, Erdi Aroko kaleez eta herribilduaren aztarnez hornitua.
• San Eztebe eliza, XVI. mendean eraikia eta XVIII. mendean berriztatua.
• Harkaitzeko Ama Birjinaren baseliza, jatorriz erromanikoa. Herriko hegoaldeko sarreran dago.

Ikus, gainera

• Arabako Mendialdeko kuadrilla

Kanpo estekak

• Korres, Arraia-Maeztuko Udalaren webgunean.

• Datuak: Q2742845
• Multimedia: Korres / Q2742845

Euskarazko Wikipedian bada atari bat, gai hau duena: Euskal Wikiatlasa