Apilaiz

Apilaiz
	Euskal Herria
Kokapena
Herrialdea	Araba
Udalerria	Arraia-Maeztu
Geografia
Koordenatuak	42°44′N 2°29′W / 42.73°N 2.48°W
Demografia
Biztanleria	107 (2022)

Artikulu hau herriari buruzkoa da; beste esanahietarako, ikus «Apellaniz (argipena)».

Apilaiz^[1] (ofizialki Apellániz / Apilaiz) Arabako ekialdean dagoen herria da, Mendialdea eskualdean eta Arraia-Maeztu udalerriaren barruan kokaturik.

Udalerri independentea izan zen 1958 arte; urte horretan Arraia eta Laminoriarekin batera Maestu udalerri berria sortu zuten, egun Arraia-Maeztu deitzen dena. Apilaiz udalerriak 16,58 km² zuen.

Demografia

Apilaizko biztanleria

Historia

Herria lehen aldiz agertzen da Donemiliagako goldean dokumentatuta: Apinganiza, ('<ng>' grafema horrek agian gaurko <ñ> fonemaren antzeko zerbait islatu nahi zuen). Kastrofuerteko markesaren jaurerrian zegoen.

Gaur egungo egoera

Gaur egun hiru auzo ezberdinek osatzen dute Apilaizgo herria. Herria kanpotik begiratuz, ezkerrean kokatuta dagoen auzoa Goikara da, erdikoa Elespara eta eskuinean geratzen dena Bengara. Azken hau besteengandik at geratzen da aldapa batek banatzen duelarik, eta besteek nukleo berdina osatzen dute, ez baitago bien arteko banaketa fisikorik.^[2]

Hiru auzoetan latsarriak aurki daitezke; ondo kontserbatuak azken urteetan kontserbaziorako egindako lanak direla eta.

Garraioa

Eskualdeko Garraioa sareak linea bat ditu herrian:

Eskualdeko Garraioa

Zerbitzua	Hasiera	Ibilbidea	Amaiera ⁠
18	Maeztu	Durruma Kanpezu • Korres • Erroeta • Erroitegi • Sabando • Ibisate • Areatza • Musitu • Zekuiano • Aletxa • Elortza • Apilaiz	Maeztu