Laminoria

Laminoria edo Laminoriako Errege Harana Arabako haran eta udalerri-ohi bat da, Mendialdean. Gaur egun Arraia-Maeztu izeneko udalerriaren barnean dago.

Laminoria
Arraia-Maeztu, Euskal Herria
Laminoriako udaletxea izan zena Zekuianon.
Kokapena
Herrialdea	Euskal Herria
Probintzia	Araba
Udalerria	Arraia-Maeztu
Koordenatuak	42° 48′ N, 2° 24′ W
Laminoria Laminoria

Igoroin errekak harana zeharkatzen du. Beste batzuen artean, iparraldean Indiagana eta Santa Elena, ipar-ekialdean Iturrieta eta Entzia nahiz hegoaldean Abitigarra eta Arburu mendiek mugatzen dute. Haranaren izena daraman meategiak dakartzan kalte ekologikoengatik eztabaida iturria izan da.

Herriak

Hauexek dira Laminoriako kide ziren herriak, bere 2007ko biztanleriarekin: Aletxa (38), Areatza (8), Elortza (18), Erroeta (27), Erroitegi (28), Ibisate (6), Musitu (13) eta hiriburua zen Zekuiano (95). Azken honetan haraneko udaletxea izan zena oraindik dago; gaur egun herriko batzar administratiboa bertan biltzen da eta batzuetan auzokideen bilgune gisa erabiltzen da.

Historia

Harana Santa Piako abadearen jaurerria zen; izen bereko monasterioa egon zen XIX. mendean suntsitu zuten arte. 1785ean errege jaurerri bilakatu zen, eta hortik dator Laminoriako Errege Harana izena.

Anglo-Vasco-Navarro trenbidea egitean, obra nagusietakoa Laminoriako tunela izan zen; 2 kilometro zituenez, luzeena zen, eta aitzindarietakotzat jo da.

Arabako ermandade zaharraren antzeko mugekin udalerri modernoa sortu zenetik zenbait anexio-prozesu suertatu dira. 1958an Arraia eta Apinaizekin bat egin zuen, Maeztu izena hartu zuen udalerria sortzeko; azken hau, Korres ere 1965ean jaso eta gero, 1987an izena aldatu eta Arraia-Maeztu bilakatu zen.

Ikus, gainera

• Arabako Mendialdea
• Arraia-Maeztu

Kanpo estekak

• Igoroingo jauziak Berrian.
• (Gaztelaniaz) Laminoria Euskomedian.

• Datuak: Q2743052

Artikulu hau Arabako geografiari buruzko zirriborroa da. Wikipedia lagun dezakezu edukia osatuz.