Wikipedia

Galder Gonzalez

Galder desbaneame
(«Galder Gonzalez Larrañaga» orritik birbideratua)

Galder Gonzalez Larrañaga (Barakaldo, Bizkaia, 1982ko uztailaren 7a) ezkerreko abertzalea, dibulgatzailea eta wikilaria da. Argia Saria (2010), Durangoko Azokako Sormen Beka (2018) eta CAF-Elhuyar Saria (2020) irabazi ditu, eta euskarazko eta doako ezagutza entziklopedista librea ontzen eta sustatzen dihardu.[1][2]

Galder Gonzalez

(2019)
Bizitza
JaiotzaBarakaldo, 1982ko uztailaren 7a (42 urte)
Herrialdea Bizkaia, Euskal Herria
BizilekuaGetxo
Altsasu
Zarautz
Hezkuntza
HeziketaEuskal Herriko Unibertsitatea
Bartzelonako Unibertsitatea
Udako Euskal Unibertsitatea
Hizkuntzakeuskara
gaztelania
Jarduerak
Jarduerakwikilaria eta dibulgatzailea
Lan nabarmenak
Jasotako sariak
KidetzaUdako Euskal Unibertsitatea
Euskal Wikilarien Kultura Elkartea
Twitter: Theklaneh Inguma: galder-gonzalez-larranaga Edit the value on Wikidata

Bizitza

aldatu
 
Samiera hizkuntzaren Wikipediako Aholku Batzordea Wikimania 2018 biltzarrean.

Lehenengo bizilekua Getxon (Bizkaia) izan zuen; artean umea zela, familia Altsasura (Nafarroa Garaia) aldatu zen, industria-birmoldaketaren eraginez, bizibide bila.[3] Hamasei urte zituela, Ikasle Abertzaleak erakunde politikoan sartu zen. Gero, urte askoan, erakundeko buruetako bat izan zen; eledunetako bat ere izan zen.[4] Ikasle erakunde horren bidez, Euskal Herriko Unibertsitateko Ikasle Kontseiluko lehendakari[5] izan zen XXI. mendearen hastapenetan.[6]

Hemezortzi urte zituela kartzelatu zuten lehendabizikoz, aldizkari antimilitarista bat zela eta. Garai hartan oraindik Altsasun bizi zen.[4] Gerora Zarautza (Gipuzkoa) aldatu zen,[7][8] eta Sortu alderdiko zuzendaritza osatzeko hautagaietako bat izan zen 2017ko urtarrilean, alderdi horren birfundazioko prozesuan.[9]

Euskal Herriko Unibertsitatean Geologia ikasi zuen, eta Primatologia Bartzelonako Unibertsitatean, baina lanbidez gero ez da aritu alor horietan.

Euskal Wikilarien Kultur Elkarteko sortzaileetako bat izan zen 2016an.[10][11] Eta 2017tik bera izan da Eusko Jaurlaritzarekin eta unibertsitateekin garatzen ari den Hezkuntza Proiektuko arduraduna.[12][13][14] Mundu eremuko Wikimedia Fundazioko bilera eta kongresuetan ohiko ordezkaria izaten da, eta hainbat ekinbide sustatzen aritzen da, esaterako: Wikipediako artikuluak euskarara itzultzeko tresnak garatzea, Euskal Wikipediako artikuluen ORES kalitate-neurria erakustea, edo Wikidatan lexema igoera masiboa egitea.[15][16]

Sariak

aldatu
  • 2010: Argia Saria, Grebaorokorra.info webgunearen bidez erakutsi zuelako «hedabide txikiek, elkarlanean eta teknologia berrien laguntzarekin, posible dutela hedabide handiek ematen ez duten informazioa eskaintzea askoz baliabide gutxiago izanagatik ere».[17]
  • 2018: Durangoko Azokako Sormen Beka, Etzi Portu Maritimoa taldeko kidetzat, euskaraz asmatutako lehenengo rol jokoa (Atopia RPG) sortu zutelako.[18][19]
  • 2020: Dibulgazio-artikulu orokorretarako CAF-Elhuyar Saria, «Io eta argiaren abiadura» artikuluarengatik. ikuspegi historikotik zientziak aurrera nola egiten duen erakusten du. «Lan irakurterraza, erakargarria eta bitxia» da, epaimahaiaren iritziz; «irakurlearen arreta harrapatzen duena».[20][21][22]

Erreferentziak

aldatu
  1. ↑ «Galder Gonzalez, CAF-Elhuyar sariduna» Norteko Ferrokarrilla (Euskadi Irratia) 2020-05-08 (Noiz kontsultatua: 2020-05-09).
  2. ↑ Galder Gonzalez: “Azken helburua ezagutza librea indartzea da” – UEU365. (Noiz kontsultatua: 2021-03-22).
  3. ↑ Gonzalez Larrañaga, Galder. (2013-07-08). «Aitite Felix» ZuZeu (Noiz kontsultatua: 2020-05-20).
  4. ↑ a b (Gaztelaniaz) Ventura, Borja. (2015). Guztiak. (1. argitaraldia) ISBN 978-84-16176-32-8. (Noiz kontsultatua: 2020-05-19). Galder Gonzalezi egindako elkarrizketaren kapitulua: «Galder González: “He tenido amigos o amigas a los que sé que han violado en comisaría con una pistola, eso también es parte de tu juventud”».
  5. ↑ «UPV/EHUko Ikasle Kontseilua» EHU.eus (Noiz kontsultatua: 2020-07-08). Kontseilu horretako buruaren izen ofiziala lehendakari da, nahiz eta presidente sinonimoarekin ere aipatzen den.
  6. ↑ «Asier Lauzirika izendatu dute EHUko Ikasle Kontseiluko presidente berria» Hiruka.eus 2006-12-28 (Noiz kontsultatua: 2020-07-08).
  7. ↑ «Galder Gonzalez: «Batzuetan espero ez dugun tokitik dator soluzioa» - Zarautz» Zarauzkohitza.eus (Noiz kontsultatua: 2022-10-23).
  8. ↑ «Galder Gonzalez, etxetik etxera - Zarautz» Zarauzkohitza.eus (Noiz kontsultatua: 2022-10-23).
  9. ↑ «37 pertsonatik 15 hautatuko dituzte datozen egunetan Sortuko zuzendaritza osatzeko» Argia 2017-01-09 (Noiz kontsultatua: 2020-05-19).
  10. ↑ Regadas, Leire. (2022-01-19). Galder Gonzalez: 'Euskal wikilariak indartsu gaude eta kasu askotan erreferente gara'. Hamaika Telebista (Noiz kontsultatua: 2022-10-23).
  11. ↑ Aitzol Astigarraga: “Euskal komunitateak wikilari talde oso aktiboa dauka. Orain erronka hori gizarteratu eta arlo ezberdinetako jendearen ekarpenak biltzea da” – UEU365. (Noiz kontsultatua: 2022-10-23).
  12. ↑ Crespo Zulet, Sagra; Gonzalez Larrañaga, Galder. (2018-05-17). Informatikari euskaldunen XI. Bilkura. Hezkuntza teknologikoa eta teknologia hezkuntzan hitzaldi saioa.. .
  13. ↑ Galder Gonzalez | Bilbo Hiria irratia. (Noiz kontsultatua: 2022-10-23).
  14. ↑ «Euskal Herria, Wiki Loves Monuments argazki lehiaketan» EITB (Noiz kontsultatua: 2022-10-23).
  15. ↑ Sarasola Gabiola, Kepa; Alegria Loinaz, Iñaki; Cabezon, Unai; Fernandez de Betoño Saenz de Lacuesta, Unai; Gonzalez Larrañaga, Galder; Iturbe Urretxa, Mikel; Labaka Intxauspe, Gorka; Iturbe Martinez, Aingeru et al.. (2013). "OpenMT2 eta Euskal Wikipedia" wikiproiektuaren emaitzak. UEU (Noiz kontsultatua: 2020-05-09).
  16. ↑ (Ingelesez) «Galder Gonzalez» Wikimedia Foundation (Noiz kontsultatua: 2020-05-09).
  17. ↑ Apaolaza Avila, Urko. (2010-02-07). «Sei Argia Sari berri komunikazioaren aldarri» Argia (Noiz kontsultatua: 2020-05-19).
  18. ↑ «Euskaraz sortutako lehenengo rol jokoak irabazi du Azokako Sormen Beka» 54. Durangoko Azoka - Kulturaren Plaza (Noiz kontsultatua: 2020-05-19).
  19. ↑ Bereziartua Mitxelena, Gorka. (2018-12-06). «Rol-joko batek irabazi du Durangoko Azokako lehen Sormen Beka» Argia (Noiz kontsultatua: 2020-05-19).
  20. ↑ Gonzalez Larrañaga, Galder. (2020-04-29). «Io eta argiaren abiadura» Elhuyar aldizkaria (Noiz kontsultatua: 2020-05-09).
  21. ↑ Txoperena Iribarren, Maddi Ane. (2020-04-29). «Galder Gonzalezek, Leire Sangronizek eta Josu Lopezek eskuratu dituzte aurtengo CAF-Elhuyar sariak» Berria (Noiz kontsultatua: 2020-05-09).
  22. ↑ «Galder Gonzalez, Leire Sangroniz eta Josu Lopez, CAF-Elhuyar Sarien irabazleak» El Correo 2020-04-30 (Noiz kontsultatua: 2020-05-09).

Kanpo estekak

aldatu
"https://eu.wikipedia.org/w/index.php?title=Galder_Gonzalez&oldid=9972930"(e)tik eskuratuta