Andoni Egaña

Andoni Egaña Makazaga (Zarautz, Gipuzkoa, 1961eko urriaren 2a) bertsolaria eta euskal idazlea da. Lau aldiz irabazi du Euskal Herriko Bertsolari Txapelketa Nagusia (lauak jarraian: 1993, 1997, 2001 eta 2005); beste inork ez du halakorik lortu. Euskal Filologian lizentziatua, euskaltzain Urgazlea da.

Andoni Egaña
Irudi gehiago
Bizitza
Jaiotzako izen-deiturak	Andoni Egaña Makazaga
Jaiotza	Zarautz, 1961eko urriaren 2a (61 urte)
Herrialdea	Gipuzkoa, Euskal Herria
Hezkuntza
Heziketa	Euskal Herriko Unibertsitatea
Hizkuntzak	euskara gaztelania
Jarduerak
Jarduerak	idazlea eta bertsolaria
Jasotako sariak	ikusi Gipuzkoako Urrezko Domina  (2006)
Kidetza	Euskaltzaindia
Genero artistikoa	olerkigintza

Bertsolaritzan ezaguna bada ere, telebistarako gidoiak ere idazten ditu; eta hainbat esparru landu ditu literaturan, baita kazetaritza artikulu ugari ere.

Bertsolari gizan, haren lorpenak handiak dira, baita gaiaren inguruan egin dituen ikerketa lanak ere, bai bertsoaren sorkuntzaren gainean eta baita bertsolaritzaren mugimenduari dagokionez ere. Gaur egungo bertsolaritzari buruzko teorizazioan aitzindarietako bat da.n

Artikulu asko idatzi ditu El Diario Vascon, Euskaldunon Egunkaria, Argian, Berrian-eta, baita disko batzuk egin ere.

Bertsolaritza

Lehenengo finala 1986anː Jon Enbeita, Peñagarikano, Iñaki Murua, Lopategi Amuriza, Sebastian Lizaso, eta Andoni Egaña. Jon Sarasua falta da argazkian. Lizaso izan zen txapelduna.

Txapelketak

• Bertsolari Txapelketa Nagusia:
  • Txapelduna (4): 1993, 1997, 2001 eta 2005
  • Finalista (7): 1986, 1989, 1993, 1997, 2001, 2005, 2009.
• Gipuzkoako Bertsolari Txapelketa:
  • Bigarrena 1991an.
  • Herri arteko Bertsolari Txapelketa (1): 1999 (Zarauzko taldean)

Sariak

• Lizardi saria (1): 1982
• Zarauzko Kopla Txapelketa (1): 2016

Lanak

Narratiba

• Sokratikoek ere badute ama ipuin bilduma (1989, Erein)

• Pausoa noiz luzatu (1998, EEF-Alberdania). 1999 Euskadi Literatura Saria.

Saiakera

• Hogeita bina (2004, Hariadna)

• Zozoak beleari (1997, Alberdania): Jon Sarasuarekin batera

Haur eta gazte literatura

• Mendian (2000, Alberdania)
• Zaudete geldi pixka batean (1999, Elkar)
• Niri ez zait futbola gustatzen, eta zer? (2000, Elkarlanean)

Biografia

• Imanol Urbieta. Luzea da bidea (2002, Ibaizabal)
• Basarri (1999, Sendoa)

Bertso saioa Allurralden (Andoain, 1995-03-19. Aiurri aldizkaria)

Artikuluak

• Aitaren batean (1990, Elkar)

Beste generoak

• Bat-bateko bertsolaritza: gakoak eta azterbideak (2001, Bertsozale elkartea) Jon Sarasua eta Joxerra Garciarekin batera. Lau hizkuntzatan argitaratu da..

Diskak

• Tximeletak sabelean (1994, Kea). Bertso musikatuak.

Ikus, gainera

• Zarauztar ospetsuen zerrenda

Kanpo estekak

Wikiesanetan badira aipuak, gai hau dutenak: Andoni Egaña

• «Andoni Egaña», Literaturaren Zubitegia.
• Elkarrizketa Argia astekarian
• Andoni Egaña BDB Bertsolaritzaren datu-basea

• Datuak: Q8198780
• Multimedia: Andoni Egaña
• Aipu famatuak: Andoni Egaña