Real Betis Balompié

(Redirected from Real Betis)

Real Betis Balompié 1907an sortutako Sevillako futbol taldea da, lehen mailan jokatzen duena.

Betis Balompié
Ezizena(k) Verdes
Sorrera 1907 (113 urte)
Futbol zelaia Benito Villamarín estadioa
edukiera: 55.500 lagun
inaugurazioa: 1997
Presidentea Espainia Ángel Haro
Entrenatzailea Katalunia Rubi
Liga La Liga
2018-19 1. maila, 10.a
Webgunea Webgune ofiziala
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
Etxekoa
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
Kanpokoa
1913ko taldea.
2011eko taldea.

HistoriaEdit

Lehenengo urteakEdit

Sevillan hainbat futbol talde sortu ziren XX mendearen hasierako urteetan. 1914an talde hauetako bik bat egin zuten Sevilla Balompié (1907an sortua) eta Betis Foot-Ball Club (1909an sortua). Biei lotzen zien Sevilla Foot-Ball Club taldearen etsai izatea. Urte berean Alfontso XIII.a Espainiakoak Errege titulua eman eta gaur egungo Real Betis Balompié sortu zen.

Hasierako urteetan Sevillako Kopa sarritan irabazi bazuen ere poliki poliki indarra galduz joan zen eta urte batzutan jokalaririk gabe ere izan zen. 1924ean zuzendaritza berria sartu zen eta lehenengo garaipenak itzuli ziren, Spencer Kopa 1926an eta Andaluziako Kopa 1928an.

Gerra garaia: Urrezko Aro motzaEdit

1929an Liga hasi zenean instituzio indartsua zen, hala ere bigarren mailan hasi zuen txapelketa. 1932-33an igoera lortu eta Betisen "urrezko aroa" hasi zen. Patrick O'Connell entrenatzaile zuen taldean 6 euskaldun, 3 kanariar eta 4 andaluziar zeuden eta 1934-35eko Liga txapelketa irabazi zuen.

Hurrengo urtean Gerra Zibilaren erruz, euskaldunek borroka egin behar izan zuten eta Betisen talde txapelduna erabat desitxuratua gelditu zen. Gerraren ondoren 1940an taldea bigarren mailara jeitsi zen eta berriz gora igo arren 1947an hirugarren mailaraino jeitsi zen. Orduan popularizatu zen “¡Viva er Beti manque pierda!” esaldia.

Lehen mailako taldea eta Kopa txapelketaEdit

Hamasei urte pasa ondoren 1958 urtean berriz ere Lehenengo mailara iritsi zen eta 1964 urtean hirugarren postua lortu zuen. 1974 bitartean jeitsiera eta igoera ugari izan zituen.

Bere historiako bigarren titulua 1977ko Errege Kopa izan zen. Finalean faboritoa zen Bilboko Athletic Kluba garaitu zuen penaltien txandan 21 penalti jaurti eta gero. Ordutik aurrera jeitsieraren bat edo beste izan bazuen ere Lehen mailako talde gisa ezagutuko zuen jendeak.

Manuel Ruiz de LoperaEdit

80. hamarkadaren bukaeran Betisa krisi ekonomikoan sartu zen. 1992an Kirol Elkarte Anonimoa bihurtu zen eta bertako akziodun nagusia zen Manuel Ruiz de Lopera elkarteko presidente bihurtu zen. 1994an lehen mailara igo eta lehenengo urtean berriz ere hirugarren postuan sailkatu zen. Hurrengo urteetan ere postu onak lortu zituen eta Europan aritzea ohiko bihurtu zitzaion.

Kopan ere ondo ibili zen eta 1997ko finalean Bartzelonaren aurrean galdu bazuen ere 2005ean Osasuna garaituz bere bigarren Kopa lortu zuen. 2006-07an presidentearen eta entrenatzailearen arteko desadostasunak krisi instituzional latza sortu zuen eta hainbat urtzetan larri ibili ondoren 2009an maila galdu zuen. Loperaren aurkako manifestazioak izan ziren kaleetan eta 2010an Rafael Gordillo jokalari mitikoa bihurtu zen Betisen administradore nagusi.

Azken urteakEdit

2011ean lehen mailara igotzea lortu zuen. Hurrngo denboraldia bikain hasi zuen lehen lau partidak irabaziz lider jarri baitzen. Real Madrilekin galdu ondoren hainbat partida txar izan zituen eta Pepe Mel entrenatzailea bera ere kolokan izan zen baina azkenean ordea 13. postua eskuratu du. 2012-13an bikain ibili zen eta 6. postua eskuratuz Europa Leaguerako sailkatu zen.

2013-14 denboraldirako ordea jokalari onenak saldu eta ligan azken postuan gelditu zen 25 puntu baino lortu ez zituelarik. Urtebete egin zuen bigarren mailan eta berriz igotzea lortu zuen. 2017-18 denboraldian urte bikaina izan zuen eta seigarren eginez Europa Leaguera sailkatu zen.

Izena eta UniformeaEdit

Betis zen erromatarrek Guadalquivir ibaiari eman zioten izena. Hala ere lehenengo hamarkadetan Balompié (Foot-Ball izenaren gazteleratzea) izenarekin ezagutzen zen taldea.

Sevilla Balompié taldeak uniforme zuri-urdina zeukan, Itsasgintzako ikasleek osatua baitzen, baina 1911ean Manuel Ramos Asensio entrenatzaileak Glasgow Celtic talde eskoziarraren kamiseta zuri berdeak ekarri zituen, bera bertan ikasten izana baitzen. Betis Foot-Ball Club-ek kamiseta hori-beltza zeukan. Taldeak fusionatzerakoan hiru kamisetak erabili izan zituzten baina 1918an zuri-berdea erabiltzea erabaki zen, Andaluziako banderaren koloreekin koinziditzen baitzuen.

Hasieran 13 marra berde-zuri zituen baina hamarkadek aurrera egin ahala marren kopurua gutxituz joan zen. Azken urteetan berriz ere marra finagoak erabiltzen hasi da.

HistorikoaEdit

     
 
 
 
1907
     
 
 
 
1909
     
 
 
 
1915
     
 
 
 
1913-1960
     
 
 
 
1961-tik

Azken urteakEdit

     
 
 
 
2014-2015
     
 
 
 
2015-2016
     
 
 
 
2016-2017
     
 
 
 
2017-2018
     
 
 
 
2018-2019
     
 
 
 
2019-2020

DatuakEdit

2019-20 barne:

  • Denboraldiak 1. mailan: 54
  • Denboraldiak 2. mailan: 25
  • Denboraldiak 2. B mailan: 0
  • Denboraldiak 3. mailan: 7
  • Ligako posturik onena: 1.a Lehen mailan (1934-35)

2019/2020 taldeaEdit

2020ko urtarrilaren 31a

Zbk. Postua Jokalaria
1   ATE Joel Robles
3   ERD Javi García
4   ATZ Zouhair Feddal
5   ATZ Marc Bartra
6   ERD Alfonso Pedraza (Vila-Realetik utzita)
7   AUR Juanmi
8   ERD Nabil Fekir
9   AUR Borja Iglesias
10   ERD Sergio Canales
11   AUR Cristian Tello
12   ATZ Sidnei
13   ATE Dani Martín
Zbk. Postua Jokalaria
14   ERD William Carvalho
15   ATZ Álex Moreno
16   AUR Loren
17   ERD Joaquín
18   ERD Andrés Guardado
19   ATZ Antonio Barragán
20   ERD Diego Lainez
21   ERD Guido Rodriguez
22   ATZ Emerson
23   ATZ Aïssa Mandi
24   ERD Carles Aleñá (Bartzelonatik utzita)

Irabazitako txapelketakEdit

Espainiako txapelketak: 9Edit

1934-35

1941-42, 1957-58, 1970-71, 1973-74, 2010-11, 2014-15.

1977, 2005

1986an finalista.

Andaluziako txapelketak: 6Edit

1928

1910, 1911, 1912, 1914 y 1915

Nazioarteko txapelketak: 0Edit

bigarren 1935 eta 2005ean.

LagunartekoakEdit

1968, 1983, 1995, 2009, 2015

1964, 1999, 2000, 2001, 2007, 2018

Azken urteetako ibilbideaEdit

Urtea Espainiako Liga Errege Kopa Esp. Superkopa Europa
1999-2000 18.a (jeitsi) 1/16
2000-01 2.a (2. mailan) 1/32
2001-02 6.a 1/32
2002-03 8.a 1/8 1/16 (Europa League)
2003-04 9.a 1/8
2004-05 4.a 1.a
2005-06 14.a 1/4 2.a Liga fasea (Txapeldunen Liga)
1/8 (Europa League)
2006-07 16.a 1/4
2007-08 13.a 1/8
2008-09 18.a (jeitsi) 1/4
2009-10 4.a (2. mailan) 2. itzulia
2010-11 1.a (2. mailan) 1/8
2011-12 13.a 1/16
2012-13 7.a 1/4
2013-14 20.a (jeitsi) 1/8 1/8 (Europa League)
2014-15 1.a (2. mailan) 1/16
2015-16 10.a 1/8
2016-17 15.a 1/16
2017-18 6.a 1/16
2018-19 10.a 1/2 1/16 (Europa League)
2019-20 1/16

ErreferentziakEdit

Kanpo estekakEdit

2019-20 denboraldiko Espainiako Futbol Ligako Lehen Mailako taldeak  
Athletic Kluba | Atlético Madril | Bartzelona | Betis | Celta Vigo | Deportivo Alavés | Eibar | Espanyol | Getafe | Granada
Leganés | Levante | Mallorca | Osasuna | Real Madril | Real Sociedad | Sevilla | Valentzia | Valladolid | Vila-real