Jon Maia

Jon Maia Soria (Urretxu, Gipuzkoa, 1972ko ekainaren 25a) bertsolaria, euskal abeslaria, euskal idazlea, itzultzailea eta dokumentalgilea da. Euskal Filologian lizentziaduna da, eta Zumaian (Gipuzkoa) du bizilekua.

Jon Maia
Irudi gehiago
Bizitza
Jaiotzako izen-deiturak	Jon Maia Soria
Jaiotza	Urretxu, 1972ko ekainaren 25a (52 urte)
Herrialdea	Gipuzkoa, Euskal Herria
Hezkuntza
Heziketa	Euskal Herriko Unibertsitatea
Hizkuntzak	euskara gaztelania
Jarduerak
Jarduerak	bertsolaria, idazlea, poeta eta film-zuzendaria

Bertsolari moduan, 4 aldiz iritsi da Euskal Herriko Txapelketa Nagusiaren finalera, azkena 2009an. Halaber, irakasle lanetan dabil edo ibili da hainbat tokitan, baita euskara irakasle ere.

Albaola Itsas Kultur Erakundeko komunikazio arduraduna da. Aipatzekoa da, dokumentalen artean, Quebecera egindako bidaia kontatzen duena, elkarte horrekin egindakoa ("Apaizac Obeto"). Baita "Gazta zati bat" lana ere, 'Gure Esku Dago' mugimenduaren aitzindaria izan zen 'Nazioen Mundua'-ren lana islatzen duena.

Jarduerak

Bertsolaritza

Maitane Azurmendiren ilustrazioa

Bertso saioa Allurralden (Andoain, 1995-03-19. Aiurri aldizkaria)

1983an Zumaiako Bertso eskolan hasia.

• 1987tik plazaz plazako bertsolaria.
• Zumaiako Bertso eskolan haur eta gaztetxoen irakasle.
• Gasteizko Bertso eskolan irakasle.
• Zestoako Bertso eskolan irakasle.

1997ko EHko Bertsolari Txapelketa Nagusian botatako agurra, integratu izana eskertuz bere familiari, birala bihurtu zen.

Bertso hau kantatu zuen:

Ama Extremadura

aita Zamoratik

abuela ta abuelo

haien aurretik

herri hontan sustraitzen

asmatzeagatik

neuk’e maita dezaket

guztien gainetik

euskaraz badakit

bertsoz darabilkit

dena zuengatik

halaxe dagokit.

Denek kantatu dute nere ahotik.

Txapelketak

• Bertsolari Txapelketa Nagusia:
  • hirugarren 2009an.
  • finalista 1997, 2001, 2005 eta 2009an.
• Gipuzkoako Bertsolari Txapelketa:
  • finalista 2003, 2007 eta 2015ean.
  • finalaurrekoak 1991an.
• Euskal Herriko Eskolarteko Bertsolari Txapelketa (1): 1989
• Gipuzkoako Eskolarteko Bertsolari Txapelketa (1): 1989

Sariak

• • Xenpelar saria (2): 1989, 1990
  • Zumaiako txapelketa (2): 1987, 1990

Literatura

• 

  Baleike aldizkaria (1995)

  Irudika Idurika (Gatuzain): margolanak eta bertsoak elkartzen dituen liburua, Mikel Dalbret margolariarekin batera.
• Zikloak Arabera: argazkiak eta bertsoak elkartzen dituen liburua, Joseba Olalde argazkilariarekin batera.
• Riomundo, 2005, Txalaparta: nobela.
• Apaizac Obeto (Elkar): abentura, historia eta kronika liburua.
• Berriak jaio ginen (Elkar): bertsolari gisa egindako ibilbidearen kontakizuna.

Gidoigintza

• Mihiluzeko (ETB1) erredaktore.
• Martina (ETB3) telesailean gidoilari-buru.
• Udazkeneko loreak (ETB1)
• Bidaia intimoak dokumentala
• Apaizac Obeto dokumentala

Musika

Musika talde hauen letragile izan da noizbait: Negu Gorriak (Gure jarrera diskoan, 5 kantutan), Gozategi (Nirekin kantua), Bizkar Hezurra, SA, Zaldibobo, Anari, Def con Dos, Mikel Urdangarin, Benito Lertxundi (Itsasoari begira, Ilargia, Haizeak jotzen zuen...), Imuntzo eta Beloki, Gari, Esne Beltza (Bozgorailuetatik!!, Esne Zopak) Ken zazpi (Itsasoa gara), Korrika, Araba euskaraz, Nafarroa Oinez… Bertsojazz-en ere parte hartu du, Donostiako Jazzaldiaren baitan bertsoa eta jazza uztartzen dituen ekimenean.

Karidadeko benta (Gaztelupeko Hotsak) taldearen sortzaile, abeslari eta letragile izan zen. Hiru disko argitaratu zituzten: Karidadeko Benta, Amore amore eta San Quirico. Lehengo munduaren azkena izeneko DVDan, bestalde, Getxoko Folk Jaialdiko kontzertua plazaratu zuten. 2003tik 2007ra iraun zuen proiektuak.

Azken musika egitasmoa Hezurbeltzak taldea izan da, 2018an abiatutakoa.

Komunikabideak

• Prentsa: Egin eta Gara egunkarietan, Nabarra eta Zazpika aldizkarietan kolaboratzaile-lanak.
• Irratia: Hala Bedi irratiko "Punto eta koma" irratsaioan esatari-gidoilari lau denboraldi, eta Euskadi Irratian denboraldietako kolaboratzaile-lanak.
• Telebista: ETBko hainbat tertuliatan denboraldietako partaide.
• Internet: Itsasotik begira blogaren sortzaile eta arduradun.

Ikus-entzunezkoak

• Bidaia intimoak dokumentala (2009), zuzendari eta gidoilari (Orio produkzioak, Korrika).
• Apaizac Obeto dokumentala (2010), zuzendari eta gidoilari (Orio produkzioak).
• Gazta zati bat dokumentala (2012), zuzendari eta gidoilari (Nazioen mundua).
• Gutik zura dokumentala (2016), zuzendari eta gidoilari.
• Zumaia, herri bat COVID-19 olatuen aurrean (2021), zuzendari eta gidoilari.

Bestelakoak

• Itzulpengintza: gaztelania-euskara itzulpenak egin ditu, itzultzaile autonomo gisa.
• Irakaskuntza: AEK, Inlingua. Euskara irakasle.
• Apaizac Obeto (Albaola Itsas Kultur erakundea-Parcs Canada) espedizioko partaide eta kronista.
• Bertsojazz ekimeneko partaide.
• Albaola Itsas Kultur Erakundeak eraikiko duen San Juan baleontziaren proiektuaren bultzatzaile.

Euskal gatazka politikoa

2006ko irailean, Fernando Andreu Auzitegi Nazionaleko epaileak, Gaztesarea webguneari babesa adierazteagatik, "erakunde armatuarekin" kolaboratzea egotzi zion beste zortzi lagunekin batera.

Sariak

• 2009an, Ermuko Udaleko Euskara sailak I. Ezequiel Etxebarria saria eman zion, Riomundo lana herriko udal liburutegian aurreko urtean gehien mailegatutako liburua izategatik

Ikus, gainera

• Gipuzkoako idazleak
• Euskal Herriko musika
• Dokumentalak Euskal Herrian

Kanpo estekak

• «Jon Maia Soria», Literaturaren Zubitegia.
• «Maia, Jon», Bertsozale Elkartearen webgunea.
• (Gaztelaniaz) «KARIDADEKO BENTA: La orquestina del siglo XXI», Jon Maiari eginiko elkarrizketa.

• Datuak: Q12260530
• Multimedia: Jon Maia Soria / Q12260530