Izotz hockey

Izotz hockeya sei jokalariko bi talderen artean, izotz-pista batean eta irristailuen gainean jokatzen den kirola da. Kirol honetan, jokalariek puck izeneko kautxuzko disko bat gidatu behar dute jokalekuan barrena, stick izeneko makil luzeez baliaturik, jokaldiaren helburua aurkariaren atean diskoa sartzea izanik. Partidua amaitzean, gol gehien sartu dituen taldeak irabazten du. Partidu bakoitzak ordubete irauten du, hogei minututako hiru zatitan jokatzen delarik. Jokalari aldaketak mugagabeak dira, eta partidua gelditu gabe egiten dira.

Jokaldi baten ikuspegi orokorra.

Madison Square Garden, partidu bat hasi aurretik.

Hormadi Elite eta FC Barcelonaren arteko partida.

Txuri Urdin izotz jauregia.

Jokoaren oinarriak

Izotz hockey-ko partidu batean, jokalariak stick-a (makil luzea) erabiliz puck-a (kautxuzko disko beltza) kontrolatu behar du, aurkariaren atean gola sartzeko helburuarekin. Norgehiagoka amaitzen denean gol gehien sartu dituen taldea izango da garailea. Jokalari bakoitzaren estatistikentan puntu bezala kontatzen dira honek sartu dituen golak eta baita asistentziak ere.

Oinarrizko gaitasunak

Izotz hockey partida batean jokalariek izan behar dituzten oinarrizko gaitasunak hauek dira:

• Patinaje edo irristaketa.
• Stickaren erabilera:
• Pasea:
• Jaurtiketa:
• Checking:

Jokalarien posizioak

• Atezaina:
• Defentsa:
• Erdikoa:
• Hegalekoa (extremo):

Arrakasta

Izotz hockeya garrantzi handiko kirola da iparraldeko herrialde hotzetan, hala nola Kanada (Kirol Nazional gisa izendatua dago ofizialki), Suedia, Finlandia, Errusia edo AEBtan (iparraldean oso bereziki). Eslovakia, Txekiar Errepublika eta Baltikoko estatuetan ere, garrantzi handiko kirola da.

Txapelketak

Mundu mailakoak

Maila profesionalean berriz, honako txapelketak hauek dira aipagarrienak:

• National Hockey League (NHL). Kanada eta AEBtako liga profesionala, munduko garrantzitsuena.
• Kontinental Hockey League (KHL). Errusian jokatzen da 2008tik. Bigarrena garrantzian.

Euskal taldeen txapelketak

Euskal taldeak Frantziako zein Espainiako txapelketatan aritzen dira:

• Espainiako Izotz Hockey Superliga
• Espainiako Izotz Hockey Errege Kopa
• Frantziako Izotz Hockey Liga
• Frantziako Izotz Hockey Kopa

Euskal taldeak

• Araban:
  • Gasteiz IHT (1977-2005)
  • Sumendi KE (2008- )
  • CD Hielo Bipolo (2012-)
• Bizkaian:
  • Nogaro Bilbao (1974-1975)
  • CH Casco Viejo Bilbao (1975-1986)
  • Portugalete IHT (1970 hamarkada)
• Gipuzkoan:
  • Real Sociedad (1972-1976)
  • Txuri Urdin IHT (1972- )
• Lapurdin:
  • Hormadi Elite (1969- )
• Nafarroan:
  • Uharte IT (2015- )

Kanpo estekak

• Datuak: Q41466
• Multimedia: Ice hockey