Durruma (Donemiliaga)

Durruma
	Euskal Herria
	Durrumaren ikuspegia. Ezkerrean, hondoan, Aratz mendia.
Kokapena
Herrialdea	Araba
Udalerria	Donemiliaga
Administrazioa
Geografia
Koordenatuak	42°51′54″N 2°18′43″W / 42.865°N 2.312°W
Garaiera	606 metro
Demografia
Biztanleria	90 (2022)

Artikulu hau Arabako Donemiliaga udalerriko herriari buruzkoa da; beste esanahietarako, ikus «Durruma».

Durruma (ofizialki Durruma / San Román de San Millán) Arabako herria da, Donemiliagako udalerrikoa. 2008ko urtarrilaren 1eko erroldaren arabera, herrian 83 pertsona bizi ziren.

Geografia

Entzia mendilerroaren magalean dago. Hortaz, ohiko abiapuntua da Mirutegi zein Ballo mendietara igotzeko.

Historia

Durrumatik Ab Asturica Burdigalam galtzada erromatarra igaro zenez, uste da Antoninoren ibilbideko Alba bera izan daitekeela.^[1] Durrumako Albeiurmendi aztarnategiak^[2] teoria hori indartzen du.

Erromatar garaiko epigrafe ugari agertu dira. Ana Echevarria Arsuaga historialariak Arabako erromatar epigrafia aztertu eta datatu zuen 1984an eta lau nukleo nagusitan banatu zituen, Kontrastakoa, Iruñakoa, Luzkandokoa (Iruraiz-Gaunan) eta Durrumakoak^[3]. Geroago, Paquita Saenz de Urturi eta Andoni Sáenz de Buruagak Durrumako inskripzioak aztertu zituzten 1994an^[4].

Erdi Aroa

Donemiliagako Goldean Sancti Romani gisa agertzen da.

Demografia eta biztanleria

Durrumeko biztanleria
2000	2001	2002	2003	2004	2005	2006	2007	2008
82	88	84	86	86	87	83	82	83

Garraioa

Eskualdeko Garraioa sareak linea bat ditu herrian:

Eskualdeko Garraioa

Zerbitzua	Hasiera	Ibilbidea	Amaiera ⁠
9b	Araia Agurain Erdoña	Ametzaga • Albeiz • Ilarudia • Egino • Andoin • Ibarguren • Urabain • Durruma • Egilatz • Bikuña • Mezkia • Munain • Okariz • Opakua • Arrizala • Alangua • Egileor • Zuhatzu Donemiliaga • Luzuriaga	Araia Agurain Erdoña

Ondasun nabarmenak

San Roman eliza

Durruman erromatar garaiko bederatzi idazkun aurkitu dira. Horietatik zazpi San Roman parrokian daude eta 2 desagertu dira.^[3]

Donemiliaga eliza

Pertsonaia ezagunak

Ernesto Ladrón de Guevara (1950-), politikaria.

Argazki galeria

San Roman eliza, errepidetik
San Roman eliza, herriaren barnealdetik
Garbitokia
Frontoia
Iturria

Erreferentziak

↑ Emborujo, A., Ortiz de Urbina, E. & Santos, J.. (1992). «Reconstrucción paleogeográfica de autrigones, caristios y várdulos» Complutum (2): 449..
↑ (Gaztelaniaz) Filloy, Idoya; Gil, Eliseo; Iriarte, Aitor. (1997). El territorio alavés en el Bajo Imperio. Junta de Castilla y León. Consejería de Educación y Cultura.
↑ ^a ^b (Gaztelaniaz) Echeverria, Ana. (1989). «La cronología de las inscripciones funerarias latinas de Alava» MUNIBE (Antropologia - Arkeologia) 41: 133-152. ISSN - 3414 0027 - 3414..
↑ Sáenz de Urturi Rodríguez, Paquita; Sáenz de Buruaga Blázquez, Andoni. (1994). «La epigrafía romana de San Román de San Millán (Álava)» Veleia (EHU) 11: 49-82..