Ireki menu nagusia

Francisca "Paquita" Sáenz de Urturi Rodríguez (Apodaka, 1950eko urtarrilaren 29an), arabar arkeologo profesionala da.

Paquita Sáenz de Urturi
CONFERENCIA PAQUITA (2).jpg
Bizitza
Jaiotza Apodaka1950eko urtarrilaren  29a (69 urte)
Herrialdea  Araba, Euskal Herria
Hezkuntza
Heziketa Nafarroako Unibertsitatea
Jarduerak
Jarduerak arkeologoa

BizitzaAldatu

1950. urtean jaio zen Apodaka herrian (Araba).

Nafarroako Unibertsitatean ikasi zuen Filosofia eta Letrak lizentziatura. 1975ean Cerámica a torno de la segunda Edad del Hierro en Álava izeneko lizentziatura memoria aurkeztu zuen[1].

Hemeretzi urterekin joan zen lehen aldiz industera eta, harrezkero, bere bokazio eta ogibide profesionala izan da. Hori horrela, Euskal Herriko lehen emakume arkeologo profesionaletako bat da[2].

Arabako Arkeologiarako Institutuko kide eta kolaboratzaile aktiboa izan da eta 1977tik haien Estudios de Arqueología Alavesa aldizkarian ikerketa artikuluak idatzi ditu.

Garai eta aztarnategi askotan egin du lan Araban zehar, baina agian urtetan Lastrako kastroak (Karanka, Gaubea) aztarnategikoa da bere indusketa ezagunenetakoa, zeinetan 23 kanpainatan zuzendari izan zen (1975etik 1997ra uztail guztietan aritu zen indusketan, Jaime Fariñak hasitako indusketari jarraipena emanez, eta gaur egungo arkeologo asko hasi ziren arkeologia munduan kanpaina haiei esker). Aztarnategi horretan Burdin Aroko kastroa aztertzen ari zela, mende asko geroago leku berean bizi izan ziren biztanleen Erdi Aroko aztarnak topatu zituen (eliza eta nekropolia batez ere) eta, era horretan, Araban Erdi Aroko arkeologian aritu zen lehen arkeologoetako bat bihurtu zen[3].

Era berean, hainbat lekutan indusi du: San Andres (Argote, Trebiñu), Arkaia (Gasteiz), Mariturri (Gasteiz), Legardagutxi herri hustua (Lermanda, Gasteiz), Gasteizko hirigune historikoko hainbat orubetan, Guardiako hiribilduan, Gaubeako hainbat lekutan, eta abarretan[4]. Aztarnategi ugari aurkitu izan ditu obra handietako kontrol arkeologikoak eginez (ureztapen tutuenak, adibidez) eta Arkaia aztarnategia mugatzeko eta, ondorioz, ondare izendatu bihurtzeko arkeologia lanak zuzendu zituen.

Bere lanak aztertuta ikus daiteke: Brontze Arotik gaur egun arteko aztarnak aztertu dituela Araban, batez ere: aro guztietako zeramikak, epigrafia erromatarra, galtzada erromatarra, erromatar garaiko hezurrezko tresnak (orratzak), Erdi Aroko disko formako hilarriak, haitzulo artifizialak, populaketa landa munduan eta hiribilduetan, eta beste hamaika lan aztertu ditu.

Oraindik ikerketan lanean jarraitzen du.

ErreferentziakAldatu

  1. (Euskaraz)«Sáenz de Urturi Rodríguez, Francisca - Auñamendi Eusko Entziklopedia» aunamendi.eusko-ikaskuntza.eus . Noiz kontsultatua: 2018-11-03.
  2. (Euskaraz)«"Gozamena da lokatz artean zeramika puskak aurkitzea"» https://alea.eus . Noiz kontsultatua: 2018-11-03.
  3. Los Castros "Euskonews" aldizkarian.
  4. (Gaztelaniaz)«Francisca Sáenz de Urturi Rodríguez» Dialnet . Noiz kontsultatua: 2018-11-03.

Kanpo estekakAldatu