Sondika

Sondika
	Bizkaia, Euskal Herria
Administrazioa
Estatua	Espainia
Erkidegoa	Euskal Autonomia Erkidegoa
Lurraldea	Bizkaia
Eskualdea	Txorierri
Izen ofiziala	Sondika
Alkatea	Gorka Garro (EAJ)
Posta kodea	48150
INE kodea	48904
Herritarra	sondikar
Kokapena
Koordenatuak	43°17′57″N 2°55′34″W / 43.2991°N 2.9261°W
Azalera	38,00 km²
Distantzia	5 km Bilbora
Demografia
Biztanleria	4.587 (2024); 64 (2023)
Dentsitatea	109,0 bizt/km²
Hazkundea; (2003-2013)	% 9,85
Zahartze tasa	% 15,38
Ugalkortasun tasa	‰ 38,58
Ekonomia
Jarduera tasa	% 80,11 (2011)
Genero desoreka	% 1,38 (2011)
Langabezia erregistratua	% 9,16 (2013)
Euskara
Euskaldunak	% 44.01 + % 18.5 hartzaile (2021)
Kaleko erabilera	% 4.0 (2021)
Etxeko erabilera	% 22.23 (2021)
Datu gehigarriak
Webgunea	http://www.sondika.net

Sondika Bizkaiko erdialdean dagoen udalerria da, Txorierriko eskualdearen bigarren populatuena Derio ondoren (2016. urtean 4.461 biztanle zituen). Halaber, eskualdean mendebaldeen dagoen herria da eta Asua ibaiak zeharkatzen du.

Hainbat urtez udalerrian egon da Bilboko aireportuaren terminala, 1997an hau Loiura aldatu arte. Basozabal da herrigune nagusia.

Geografia

Mugakideak

Udalerri mugakide hauek ditu: Iparraldean Loiu, hegoaldean Bilbo, ekialdean Derio eta mendebaldean Erandio.

Historia

Herriko lehenengo aipamenak XII. mendekoak dira, eta antzina Uribeko merindadearen herriburua izan zen. XV. mendean, Sondikak 44. zenbakia zeukan Bizkaiko Jaurerriko Batzar Nagusietan.

Azkenik, 1966tik 1982ra Bilborekin lotuta egon zen.

Demografia

Sondikako biztanleria

Politika

2011ko maiatzaren 22ko hauteskundeetako emaitzen ondorioz, Euzko Alderdi Jeltzaleko Gorka Garro hautatu zuten alkate. Garrok Euzko Alderdi Jeltzalearen sei zinegotzien sostengua jaso zuen, hauteskundeetan boto gehien izan zituen hautagaitza. Bilduk 3 zinegotzi lortu zituen eta Euskadiko Alderdi Sozialistak eta Alderdi Popularrak bana.

2015eko udal hauteskundeetan EAJk gehiengo osoa eskuratu zuen berriro, eta zinegotzi bat gehiago lortu zuen (zazpi guztira). Bilduren ondorengoa zen Euskal Herria Bilduk hiru zinegotziak mantendu zituen, PSE-EEk berea mantendu zuen eta PPk galdu egin zuen zeukan zinegotzi bakarra. Gorka Garro berriro hautatu zuten alkate.

Sondikako udalbatza
Alderdia		2015eko maiatzaren 24a		2011ko maiatzaren 22a
Alderdia		Zinegotziak	Boto kopurua	Zinegotziak	Boto kopurua
	Euzko Alderdi Jeltzalea (EAJ)	7 / 11	1.351 (% 58,71)	6 / 11	1.347 (% 55,55)
	Euskal Herria Bildu	3 / 11	649 (% 28,21)	3 / 11	601 (% 24,78)
	Euskadiko Alderdi Sozialista (PSE-EE(PSOE))	1 / 11	176 (% 7,65)	1 / 11	240 (% 9,90)
	Alderdi Popularra (PP)	0 / 11	125 (% 5,43)	1 / 11	237 (% 9,77)
*2011ko hauteskundeetan Bildu gisa aurkeztu zen koalizioa.
Datuen iturria: 2015eko eta 2011ko udal hauteskundeen emaitzak euskadi.net webgunean

Euskara

Sondikako Pantxi Sangroniz^[5] hiztunaren pasartea, erdararik ez zekien garaiari buruzkoa. Euskal Herriko Ahotsak^[6]^[7] proiekturako egindako elkarrizketa, ahozko ondarea jaso eta zabaltzeko.

Sondikatarren jatorrizko hizkera mendebaldeko euskararen aldaera da, Koldo Zuazo hizkuntzalariaren sailkapenaren arabera, sartaldeko^[5] multzokoa: Txorierriko euskara^[6]^[7]. Gaur egun, biztanleen heren bat inguru euskal hiztuna da.

"Aikor" herriko aldizkaria da, euskaraz argitaratua.

Kirolak

Sondika Kirol Elkartea, futbol taldea.

Azpiegiturak

Garraioa

Aireportua

Bilbo-Loiu aireportuko zama terminala Sondikan dago kokatuta.

Trena

Euskotren eragilearen E3 lineak Txorierria eta Bilbo lotzen ditu. Udalerrian hurrengo geltokiak ditu:

Ola
Sondika

Aurreko lineaz gain, Euskotrenek anezka zerbitzua ere eskaintzen du Lutxana-Erandio eta Sondikako geltokien artean. Linea horren barruan hurrengo geltokia ere Sondikan kokatzen da: