Ireki menu nagusia

Koordenatuak: 43° 17′ 28″ N, 2° 58′ 12″ W / 43.291183°N,2.969958°W / 43.291183; -2.969958

Infobox train2.png
Zangroiz
UT 958, Sangróniz.jpg
Euskotrenen EMU-950 tren unitate bat Zangroizko geltokian.
Lineak

« Lutxana Euskotren Trena Logo.svg ETlicono.png  Sondika »
Kokapena
Helbidea Asua-Erletxe errepidea, 35; 48950
Udalerria Sondika,  Bizkaia
Geltokiaren datuak
Gunea 2. gunea
Irekiera 1893ko maiatzaren 1.a
2015eko ekainaren 1.a
Itxiera 1997ko urtarrilaren 1.a
Irisgarria Geltoki irisgarria 
Aldageltokia Trena Autobusa 
Nasa kopurua 1
Trenbide kopurua 1
Jabea Euskal Trenbide Sarea
Eragilea(k) Eusko Trenbideak
Garraio zerbitzuak
Euskotren LLutxana - Sondika
Bizkaibus A2151  Areeta - Larrabetzu
A3248  Astrabudua - Erandiogoikoa - Sondika
A3517  Bilbo - Derio - Mungia
A3522  Mungia - Derio - Gurutzeta
A3528  Bermeo - Mungia - Derio - EHU
E! Busa L1  Enekuri - Martiartutorrea

Zangroiz, lehen Sangroniz, Euskotrenen Lutxana-Sondika anezka lineari dagokion lurgaineko tren geralekua da, Sondika eta Erandio udalerrien arteko mugan, Zangroiz industrialdearen parean kokatuta dagoena. Euskotrenen Lutxana-Sondika trenbidea berrirekitzearekin batera jarri zen martxan, 2015eko ekainaren 1.an, 1997ko urtarrilaren 1.tik itxita egon ondoren, eta Bizkaiko Garraio Partzuergoaren 2. tarifa-gunearen barruan dago.

Geralekua nasa eta trenbide bakarrekoa da, eta kanpoaldean autobus geralekua dago.

Eduki-taula

KokapenaAldatu

Trenbide kokapenari erreparatuz, geralekua, itsas mailatik 5 metrora, zabalera metrikoa duen Lutxana-Sondika trenbidearen parte da, 3,165. puntu kilometrikoan kokatuta.[1]

SarbideakAldatu

Geralekuak arrapala bidezko sarbide bakarra du.

  •        Asua-Erletxe errepidea, 35

IrisgarritasunaAldatu

Geltokira sarbidea Asua-Erletxe errepidea, 35   
Nasara sarbidea 1. trenbidea   
Trenera sarbidea 1. trenbidea   

KokapenaAldatu

Trenbide kokapenari erreparatuz, geralekua zabalera metrikoa duen Lutxana-Sondika trenbidearen parte da, 3,165. puntu kilometrikoan kokatuta.[2]

HistoriaAldatu

1890eko maiatzaren 14an Lutxanatik Mungiarako Burdinbide Konpainiak Lutxana-Mungia trenbidea eraikitzeko lanak hasi zituen, Erandio udalerriko Lutxana eta Derio udalerriko Artebakarra artean.

1893ko maiatzaren 1.an Lutxana-Artebakarra 9,85 km-ko tartea inauguratu zen, Lutxana, Asua-Erandio eta Sondikako geltokiekin, eta Arriagas eta Zangroizko geralekuekin.

1947ko uztailaren 1.an Ferrocarriles y Transportes Suburbanos de Bilbao (FTS) enpresak trenbidea erosi zuen, eta 1977ra arte ustiatu zuen, urte horretan Ferrocarriles de Vía Estrecha (FEVE) enpresak bereganatu zuen arte. Hurrengo urtean trenbidea Eusko Trenbideak sozietateak eskuratu zuen.

1997ko urtarrilaren 1.an Lutxana-Sondika trenbidean bidaiarien garraio zerbitzua bertan behera utzi zen, 80ko hamarkadan gertatutako krisialdiagatik eskariaren beherakada handia eman baitzen, Txorierrian zeuden industria gehienak desagertu ondoren. Hala ere, trenbidea mantentzen jarraitu zen, trenak Lutxanan dauden kotxetegi eta tailerretara heltzeko.

Bilboko metroaren 3. linearen eraikitze-lanen ondorioz, Euskotrenek berriro ere bidaiarientzako zerbitzuak eskaintzen hasi zituen Lutxana-Sondika trenbidean, Txorierriko linearen barruan. Metro linea berriaren lanek Zazpikaleetako geltokian Euskotrenen zerbitzua etetea eraginda, trenbide hau berrirekitzea erabaki zen. Hala, Zangroiz eta Erandioko Lutxanako geltokiek berriro ere Euskotrenen zerbitzuak jasotzen hasi zituzten.[3]

2017ko apirilaren 8an, Metroaren 3. linea ireki ondoren, Lutxana eta Sondika arteko trenbidea irekita mantentzea erabaki zen, 60 minutuko maiztasunaz anezka zerbitzua eskainiz. Hara, linearen ustiapena, gaur egun, Euskotrenen Lutxana-Sondika anezka linearen bitartez egiten da.

LotuneakAldatu

Geltokiaren kanpoaldean Erandioko Herri Autobusa eta Bizkaibus zerbitzuak hornitzen dituzten bi geraleku daude. Hurrengo lineak geralekuetatik pasatzen dira:


ErreferentziakAldatu

Ikus, gaineraAldatu

Kanpo loturakAldatu