Ireki menu nagusia

Leona Remigia Etxarren Aranguren (Nabarreria auzoa, Iruñea, 1853ko apirilaren 11 - Iruñea, 1921eko urtarrilaren 9a) nafar funanbulista izan zen[1][2]. Iruñeko Txantrea auzoko karrika batek bere izena darama.

Remigia Etxarren
Bizitza
Jaiotza Iruñea1853ko apirilaren 11
Herrialdea  Nafarroa Garaia, Euskal Herria
Heriotza Iruñea1921eko urtarrilaren 9a (67 urte)
Jarduerak
Jarduerak funanbulista
Izengoitia(k) Mademoiselle Agostini

BizitzaAldatu

Venancio Etxarren eta Manuela Arangurenen hirugarren umea izan zen. Aita hil zelarik, ama Manuel Zabalzarekin ezkondu eta familia Jarauta kalera aldatu zen[1].

Remigiaren gaineko lehen berria 1882ko uztailaren 12koa. Egun hartan, Iruñeko zezen plazan jardun zuen Teresy y Velázquez akrobata taldearekin. Ondoko egunetan, Iruñeko hedabideek hark egindako saioa laudatu zuten. Hurrengo urteko maiatzean[3], emanaldi gogoangarria eskaini zuen, milaka ikusleren aitzinean: Iruñeko Kaparrosoko errota parean, Arga ibaia lau aldiz gurutzatu zuen lurretik 10 mra zegoen soka gainetik, zangoak saski banatan sartuak zituela. Hori gutxi balitz, igaroaldietako bat begiak estalirik egin zuen. Iruñeko Udalak 500 pztako saria eman zion saio horren alde[1]. 1884ko Sanferminetan ere aritu zen, eta Gazteluko plaza lau aldiz zeharkatu zuen begiak estalirik eta ariketa ikusgarriak eginez. Handik gutxira, Euskal Elkarte Akrobatikoan sartu zen eta, besteak beste, Pisuerga eta Ibaizabal ibaiak zeharkatu zituen[2].

1892ko urriaren 5ean, Ondarroan izandako ezbehar batek Remigiaren ibilbide arrakastatsua eten zuen, lurretik hamabost metrora soka gainean zegoen aulki batetik behera erori baitzen. Denbora luzean erretiraturik egon ondoren, 1904. urtean Iruñean bere saioa eskaini bazuen ere, iruindar funanbulistaren balentriak orduan amaitu ziren. Bizitzaren azken urteetan loteria saltzaile aritu zen. 1921eko urtarrilaren 9an hil zen, pobrezia gorrian[2].

ErreferentziakAldatu

  1. a b c Abasolo Lopez, Patxi La funámbula Remigia Echarren Ezkaba aldizkaria, 180 zka., 2010eko abendua arrotxapea.blogspot.com.es . Noiz kontsultatua: 2015-08-28.
  2. a b c Bidador, Joxemiel De res funambula navarrae: Remigia eta Estanis Nafarkaria, 1996-02-23 euskaltzaindia.eus . Noiz kontsultatua: 2015-08-28.
  3. Joxemiel Bidadorren arabera, ikuskizun hau 1883ko uztailaren 9an eman zuen.