Mikel Lasa
Mikel Lasa Alegria (Donostia, Gipuzkoa, 1938ko irailaren 1a) euskal idazlea da, olerkigintzan eta itzulpengintzan nabarmendu dena. Salamancan Filosofia eta Teologiako ikasketak egin ondoren Ekonomiako eta Informatikako ikasketak amaitu zituen. Euskaltzain urgazlea da. Egan, Olerti, Yakin, Zeruko Argia, Zabalik, Literatur Gazeta aldizkarietan eman ditu argitara lanik aipagarrienak.
| Mikel Lasa | |
|---|---|
 (2014) | |
| Bizitza | |
| Jaiotza | Donostia, 1938ko irailaren 1a (86 urte) |
| Herrialdea |  Gipuzkoa, Euskal Herria |
| Hezkuntza | |
| Heziketa | Salamancako Unibertsitatea |
| Hizkuntzak | gaztelania euskara |
| Jarduerak | |
| Jarduerak | idazlea eta poeta |
 | |
Lasaren olerkigintzak berrikuntza nabarmena ekarri zuen euskal literaturara, bere garaiko olerki sozialetik aparte, Europako joerei irekita, poesia intelektualagoa egiten baitzuen. Bere lan poetikoaren oinarria 1971n, bere arreba Amaia Lasarekin batera ateratako Poema bilduma izeneko liburua da, olerki zaharrenak 1963az gero idatziak badira ere. 1984an berriro argitaratu zen bilduma hori, orduko hartan Mikelenak bakarrik, eta 1993an Memory Dump izeneko obra eman du argitara, lehengo bilduma osoa, poema berriekin eta literaturari buruzko aburuekin batera.
Bestalde, Alfonso Sastreren, Marcel Schwoben, Michel Tournierren eta Arthur Rimbauden obra batzuk itzuli ditu euskarara.
Lasarena da, halaber, Nobela Berria Hego Ameriketan (1972) saiakera.
Lanak
aldatuSaiakera
aldatuPoesia
aldatu- Poema bilduma (1971, Herri Gogoa): Amaia Lasarekin batera
- Poema bilduma (1984, Erein)
- Tamariza eta pikondoa (1967, Papeles de Son Armadans): lau poema euskaraz eta gaztelaniaz
- XX. mendeko poesia kaierak - Mikel Lasa (2002, Susa): Koldo Izagirreren edizioa
- Memory Dump 1969-1990 (1993, EHU-UPV)
Itzulpena
aldatu- Denboraldi bat infernuan; Arthur Rimbaud (1991, Erein)
- Poemak; Arthur Rimbaud (1993, Erein)
- Paretaren kontra; Jean-Paul Sartre (1983, Haranburu)
- Bazterrean utzitako panpinaren ixtorioa; Alfonso Sastre (1984, Antzerti)
- Mimoak; Marcel Schwob (1985, Baroja)
- Errainuen sonata; August Strindberg (1984, eskuizkribua): Koldo Mitxelena liburutegian dago eskuizkribua
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Bibliografia
aldatu- Igerabide, Juan Kruz: Mikel Lasaren poesigintza. - Egan, 1997-3/4, 105-130
- Mujika, Luis Mari: Mikel Lasaren lehen poetikara hurbilketa bat. - Egan, 2000-3/4, 63-77
Kanpo loturak
aldatu- «Mikel Lasa», Literaturaren Zubitegia.
  |
Artikulu hau euskal idazle bati buruzko zirriborroa da. Wikipedia lagun dezakezu edukia osatuz. |
Datuak: Q12263621
