Club de Mar de Castropol
Club de Mar de Castropol Asturiasko Castropol herriko arraun elkartea da. 1949. urtean sortu zen Eo ibaiaren ertzean eta emaitzarik onenak batel, trainerilla eta arraunketa olinpikoan lortu baditu ere trainerutan garaipenik izan du. Garai onena 1990. hamarkadan izan zuen.
| Club de Mar de Castropol | |
|---|---|
| Sorrera | 1949 |
| Herria |  Castropol, Asturias
|
| Lehendakaria | José Quintana Fernandez
|
| Entrenatzailea | Daniel González "Zeta"
|
| Patroia(k) | Rubén Villa Varela Unai Fernández Fernández
|
| Kolorea(k) | berdea eta zuria |
| Trainerua | Ría del Eo (oraingoa) Castropol (historikoa) |
| Palmaresa | 0 Kontxako Bandera 0 TKE Liga 0 Galiziako A Liga 1 Galiziako B Liga 0 Espainiako Txapelketa 5 Asturiasko Txapelketa |
| 2023: Kontxa | ez |
| 2023 | 4.a (Galiziako A Ligan) |
| Webgunea | www.clubdemardecastropol.com |
Historia aldatu
1949. urtean sortu zen eta hasiera batean bateletan bakarrik aritu izan zen. Soto de Barco eta Avileskoak ziren bere aurkari asturiarrak, baina lehia handiena ibaiaren beste aldeko Ribadeoko galiziarrekin izan zuen. 1962. urtean Espainiako txapeldun izan zen lehenengoz eta gaur egun sei titulu ditu.
60. hamarkadako garai on haiek aprobetxatuz trainerilletan (1961an) eta traineruan (1962an) hasi zen. Trainerilletan ere lortu du Espainiako txapeldun izatea. Hamarkada haren amaieran trainerua atera zuen. 1968an Generalisimoaren Kopan hirugarren egin zuen, 1970an Astilleroren aurkako bi desafio jokatu zituen eta 1971ean Asturiasko txapelduna izan zen. Espainiako txapelketan ere hartu zuen parte emaitza apalekin.
1990. hamarkadan bandera ugari irabazi zituen, 1989 eta 1996 artean 15 bandera lortu zituen. Santanderko eta Astilleroko banderak eta etxekoa, Asturiasko Printzearen Bandera, dira aipagarrienak. Bartzelonako Olinpiar Jokoetan erakusketa gisa jokaturiko bandera ere Castropolek irabazi zuela. Ez zen ordea Euskal Ligan ibili eta aldizka etorri izan zen Euskal Herrira estropadak jokatzera.
Azkenaldian zailtasun handiekin urte batzuetan atera izan du trainerua eta talde galiziarrekin batera Ipar-mendebaldeko Traineruen Ligan aritzen da. Hainbat urtetan trainerua lehorrean eduki ondoren 2015 denboraldian Galiziako Ligako B mailan aritu zen eta bigarren postua eskuratu zuen. Ondoren play-offak jokatu eta mailaz igotzea lortu zuen. Hurrengo bi urtetan A Ligan 5. postua eskuratu zuen baina 2018an maila galdu zuen. 2020an B ligako hirugarren posturako lehian ibili zen uztailean baina abuztu hasieran COVID-19 agerraldia izan zen herrian eta traineruak lehiari uko egitea erabaki zuen[1].
2022 denboraldian Galiziako B Ligako estropada guztiak irabazi ditu eta mailaz igo zen. Urte honetan Espainiako txapelketa antolatu zuen, eta partaidetza eskasa izanik laugarren postuan amaitu zuen, hala gizonezkoetan nola emakumezkoetan. Ligan ohorezko txandako taldea izan zen eta laugarren postua lortu zuen, inoizko posturik onena.
Palmaresa aldatu
Espainiako Traineru Txapelketa aldatu
- laugarren 1962, 1994, 1995, 1996 eta 2022an.
Ligak aldatu
- Galiziako Traineruen Liga
- A Liga (0): laugarrena 2023an.
- B Liga (1): 2022
Asturiasko Traineru Txapelketa aldatu
- Txapeldun (5): 1986, 1989, 1996, 2002, 2003
Gainontzeko Banderak aldatu
| Etxekoa | Asturiasko Printzearen Bandera (3): 1994, 1999, 2022 Castropol Saria (1): 2008 |
| Asturiasen | Llanesko Bandera (2): 1991, 2000 Día de Asturias (Gijon) (1): 2001 Avilesko Zelta-arteko Jaialdiko Bandera (3): 2001, 2002, 2008 Trofeo Previnsa Luanco (1): 2017 |
| Galizian | O Groveko Bandera (3): 1991, 1992, 1994 Oleirosko Bandera (1): 1999 |
| Kantabrian | Santanderko Bandera (2): 1994, 1995 Astilleroko Bandera (2): 1994, 1995 Castro Urdialesko Bandera (2): 1995, 1999 Camargoko Bandera (1): 1996 |
| Bizkaian | Lekeitioko San Antolin Bandera (1): 1989 |
| Gipuzkoan | Urumeako Sprint estropada (1): 1991 |
| Besterik | Bartzelonako estropada olinpikoa: 1992 |
Batelak aldatu
- Espainiako Batel Txapelketa (6): 1962, 1964, 1965, 1994, 1999, 2003
Trainerilak aldatu
- Espainiako Trainerilla Txapelketa (1): 1995
Aulki mugikorra aldatu
Arraunketa olinpikoari dagokionez, 1977. urtean egin zuen debuta Menquinenza urtegian, Espainiako Txapelketan. 2003. urtean lortu zuen garaipenik handiena Sevillan jokaturiko Espainiako Txapelketan zortzikoan nagusitu zelarik Orioren aurretik.
Palmaresa aldatu
- Espainiako zortziko txapelketa (1): 2003
Azken denboraldiak aldatu
| Urtea | Liga | Espainia |
|---|---|---|
| 2003 | ? | 8.a |
| 2004 | ? | 8.a |
| 2005 | Galiziako Liga, 14.a | - |
| 2006 | Galiziako Liga, 14.a | - |
| 2007 | Galiziako Liga, 13.a | - |
| 2008 | Galiziako Liga, 13.a | - |
| 2009- 2014 |
ez | |
| 2015 | Galiziako B maila, 2.a | - |
| 2016 | Galiziako A maila, 5.a | - |
| 2017 | Galiziako A maila, 5.a | - |
| 2018 | Galiziako A maila, 11.a | - |
| 2019 | Galiziako B maila, 6.a | - |
| 2020 | Galiziako B maila, 6.a | - |
| 2021 | Galiziako B maila, 6.a | - |
| 2022 | Galiziako B maila, 1.a | 4.a |
| 2023 | Galiziako A maila, 4.a |
Emakumezkoen trainerua aldatu
| Club de Mar de Castropol | |
|---|---|
| Patroia(k) |  Roberto Villamil
|
| Kolorea(k) | berdea eta zuria |
| Trainerua | Ría del Eo |
| Palmaresa | 0 Kontxako Bandera 0 Euskotren Liga 0 Galiziako Liga |
| 2023: Kontxa | ez |
| 2023 | 6.a (Galiziako Liga) |
2022. urtean atera zuen aurrenekoz emakumezkoen trainerua.
| Urtea | Liga | Espainiako txap. |
|---|---|---|
| 2022 | Galiziako Liga, 6.a | 4.a |
| 2023 | Galiziako Liga, 6.a | - |
Erreferentziak aldatu
- ↑ (Gaztelaniaz) «Castropol renuncia a competir en la Liga Gallega de Traineras por motivos sanitarios» La Voz de Galicia 2020-08-15 (Noiz kontsultatua: 2020-08-27).
Kanpo estekak aldatu
- (Gaztelaniaz) Webgune ofiziala
- (Galizieraz) Liga Galega de Traiñeiras-en webguneko informazioa
Datuak: Q2980133
Multimedia: Club de Mar de Castropol
