Amsterdamgo Ajax

Amsterdamsche Football Club Ajax, AFC Ajax edo Amsterdamgo Ajax Herbehereetako futbol talde historikoa da, palmaresik onena daukana. Europako lau kopa eta Kontinente arteko bi ditu. 1972an bi txapelketa horiek eskuratu zituen, eta 1995ean biak gehi Europako Superkopa.

Amsterdamsche Football Club Ajax

Ezizena(k)	Joden ("Juduak"), Godenzonen ("Jaungoikoaren semeak")
Sorrera	1900
Futbol zelaia	Amsterdam Arena edukiera: 51.628 lagun inaugurazioa: 1996
Presidentea	Hennie Henrichs
Entrenatzailea
Liga	Eredivisie
2022-23	3.a
Webgunea	Webgune ofiziala
Etxekoa 　 Kanpokoa

Johan Cruyff jokalaria 1978an, Ajaxekin irabazitako Europako 3 Kopak soinean dituela.

1987an Europako Errekoparen garaile.

Ajax Amsterdam taldea 2011an.

Amsterdam Arena.

Holandako Liga 33 aldiz irabazi ditu, azkena 2014an, eta Kopa 18 bider, azken aldiz 2010ekoa.

Etxeko partidak Amsterdam Arena estadioan jokatzen ditu.

Historia

Gerra aurreko garaipenak

Amsterdamgo Ajax taldea 1900ko martxoaren 18an eratu zen Herbehereetako hiriburuan. Hasiera batean talde apala izan zen eta 1917an iritsi ziren lehenengo garaipenak, bi liga eta kopa bat jarraian irabaziz. 30. hamarkadan ordea herrialdeko talderik indartsuena izan zen eta palmares ikaragarri bati hasiera eman zion.

60ko hamarkada

Taldearen "urrezko aroa" 60. hamarkadaren bukaeran iritsi zen. 1966, 1967 eta 1968ko ligak jarraian irabazi eta 1969an Europako Kopako finalera iritsi zen. Finala AC Milanek 4-1 irabazi zuen. 1971ean berriro iritsi zen finalera eta oraingoan Panathinaikos FC 2-0 ganditu zuen. Hori gutxi balitz, hurrengo bi finalak ere irabazi zituen Europako Kopa beretzat hartuz. 1972an gainera Kontinente arteko Futbol Kopa irabazi zuen. Talde honetan garrantzi berezia zeukan Johan Cruyff aurrelariak. Hau 1973an FC Barcelonara joan zen eta taldearen gainbehera hasi zen Europa mailan, Herbehereetan nagusi izaten jarraitzen bazuen ere.

80ko hamarkada

Harrobi lanak beti izan du garrantzi handia Ajaxen eta jokalari multzo berria agertu zen 80. hamarkadan, besteak beste Marco van Basten eta Frank Rijkaard. Ez zuten aurreko taldearen palmaresik eskuratu baina Europako Errekopa irabazi zuten 1987an. Entrenatzailea Johan Cruyff zen. Hurrengo urtean ere Errekopako finala jokatu zuten baina oraingoan galdu egin zuten. AC Milanek taldeko izarrak fitxatu eta berriz ere behera egin zuen taldeak.

90eko hamarkada

Jokalarien belaunaldi berria agertu zen, ikur nagusia Dennis Bergkamp zen eta berarekin baziren Clarence Seedorf eta De Boer anaiak ere. Louis van Gaal entrenatzailearen eskutik 1992ko UEFA Kopa irabazi zuten eta 1995ean berriz ere Europako Kopa eta Kontinente artekoa eskuratu zituzten. Historia berriz errepikatu zen eta taldeko jokalari guztiek kanpoko taldeetara alde egin zuten hurrengo hiru denboralditan.

XXI. mendea

Gaur egun Europan apal ari bada ere herrialdeko talde indartsuenetakoa izaten jarraitzen du. Honen adibide mende berrian irabazitako sei Liga eta lau Kopa. 2016-17 denboraldian Europa Leagueko finala jokatu zuen baina Manchester Unitedek garaitu zuen 2-0 emaitzaz. 2018-2019an sekulako taldea egin zuten, eta Real Madril eta Juventus kanpoan utzita, final-erdietaraino iritsi ziren Txapeldunen Ligan. Talde horretako jokalari aipagarri gisa: Onana, De Ligt, Tagliafico, De Jong, Schøne, Van de Beek, Ziyech, Neres, Tadić... Denboraldi honetan Liga eta Kopa irabazi zituzten.

2019-2020 denboraldian lehen postuan zeudela liga bertan behera gelditu zen COVID-19 pandemiaren erruz. Federazioak ez berrekitea erabaki zuen eta AZ Alkmaar taldearekin puntutan berdinduta zeudenez txapeldun titulurik ez ematea erabaki zen.

2023/2024 Taldea

2023ko abuztuaren 22an eguneratua.

Zbk. Postua Jokalaria 1 ATE Gerónimo Rulli 2 ATZ Devyne Rensch 4 ATZ Jorrel Hato 5 ATZ Owen Wijndal 6 ERD Davy Klaasen 7 AUR Steven Bergwijn 8 ERD Kenneth Taylor 9 AUR Brian Brobbey 10 AUR Chuba Akpom 11 AUR Carlos Borges 12 ATE Jay Gorter 13 ATZ Ahmetcan Kaplan 17 ATZ Anass Salah-Eddine 18 ATZ Jakov Medic

Zbk. Postua Jokalaria 19 ATZ Jorge Sánchez 20 ERD Mohammed Kudus 21 ERD Branco Van den Boomen 22 ATE Remko Pasveer 23 ERD Steven Berghuis 24 ERD Silvano Vos 27 AUR Amourricho van Axel Dongen 28 ERD Kian Fitz-Jim 33 ERD Benjamin Tahirovic 35 ERD Francisco Conceição 37 ATZ Josip Sutalo 40 ATE Diant Ramaj - ATZ Anton Gaaei - ATZ Gastón Ávila

Utzitako jokalariak

Zbk. Postua Jokalaria - AUR Naci Ünüvar (Twenten utzita 2024ko ekainaren 30 arte)

Uniformea

Historikoa

1900

'

1911-tik

Azken urteak

2014-2015	2015-2016	2016-2017	2017-2018	2018-2019
2019-2020	2020-2021	2021-2022	2022-2023

Palmaresa

Herbehereetan: 64

• Herbehereetako futbol liga (36): 1917–18, 1918–19, 1930–31, 1931–32, 1933–34, 1936–37, 1938–39, 1946–47, 1956–57, 1959–60, 1965–66, 1966–67, 1967–68, 1969–70, 1971–72, 1972–73, 1976–77, 1978–79, 1979–80, 1981–82, 1982–83, 1984–85, 1989–90, 1993–94, 1994–95, 1995–96, 1997–98, 2001–02, 2003–04, 2010–11, 2011–12, 2012–13, 2013-14, 2018-19, 2020-21, 2021-22.
• Herbehereetako futbol kopa (20): 1916–17, 1942–43, 1960–61, 1966–67, 1969–70, 1970–71, 1971–72, 1978–79, 1982–83, 1985–86, 1986–87, 1992–93, 1997–98, 1998–99, 2001–02, 2005–06, 2006–07, 2009–10, 2018-19, 2020-21.
• Johan Cruyff Kopa, Superkopa (9): 1993, 1994, 1995, 2002, 2005, 2006, 2007, 2013, 2019.

Nazioartean: 10

Kontinente arteko Futbol Kopa

• Txapelduna (2): 1972, 1995.

Europako Kopa

• Txapelduna (4): 1971, 1972, 1973, 1995.
• Finalista (2): 1969, 1996.

Europako Errekopa

• Txapelduna (1): 1987.
• Finalista (1): 1988.

Europako Superkopa

• Txapelduna (2): 1973, 1995.
• Finalista (1): 1987.

UEFA Kopa

• Txapelduna (1): 1992.
• Finalista (1): 2017.

Jokaturiko nazioarteko finalak

Txapelketa	Urtea	Txapelduna	Emaitza	Finalista	Hiria
Kontinentearteko Kopa	1972	Ajax	1-1 , 3-0	CA Independiente
	1995	Ajax	0-0 (pen 4:3)	Grêmio Porto Alegre
Europako Kopa	1968-69	AC Milan	4-1	Ajax	Madril
	1970-71	Ajax	2-0	Panathinaikos	Londres
	1971-72	Ajax	2-0	Inter Milan	Rotterdam
	1972-73	Ajax	1-0	Juventus FC	Belgrad
	1994-95	Ajax	1-0	AC Milan	Viena
	1995-96	Juventus FC	1-1 (pen:4-2)	Ajax	Erroma
Europako Superkopa	1973	Ajax	6-1 (0-1, 6-0)	AC Milan
	1987	FC Porto	2-0 (1-0, 1-0)	Ajax
	1995	Ajax	5-1 (1-1, 4-0)	Real Zaragoza
UEFA Kopa	1991-92	Ajax	2-2, 0-0	Torino
	2016-17	Manchester United	2-0	Ajax
Europako Errekopa	1986-87	Ajax	1-0	Lokomotiv Leipzig
	1987-88	RKV Malinas	1-0	Ajax

Jokalariak

• Johan Cruyff (1964-1973 eta 1981-83)
• Johan Neeskens (1970-74)
• Frank Rijkaard (1980-87 eta 1993-95)
• Marco van Basten (1982-87)
• Ronald Koeman (1983-86)
• Dennis Bergkamp (1986-1993)
• Ronald de Boer (1987-1991 eta 1993-98)
• Frank de Boer (1988-1998)
• Edwin van der Sar (1988-1999)
• Clarence Seedorf (1992-95)
• Edgar Davids (1992-96 eta 2007-08)
• Patrick Kluivert (1994-97)
• Wesley Sneijder (2002-07)
• Jeffrey Sarpong (2006-09)

Euskal taldeen aurkako partidak

Hauek dira Europako txapelketa ofizialetan Ajaxek euskal taldeen aurka jokatu dituen partidak:

Denboraldia	Txapelketa	Fasea	Etxekoa	Emaitza	Kanpokoa
1978-79	UEFA Kopa	1. itzulia	Athletic Ajax	2-0 3-0	Ajax Athletic
1991-92	UEFA Kopa	Final zortzirenak	Osasuna Ajax	0-1 1-0	Ajax Osasuna

Kanpo estekak

• (Nederlanderaz)(Ingelesez)Webgune ofiziala

• Datuak: Q81888
• Multimedia: AFC Ajax