Ametzaga (Zuia)

Artikulu hau Zuiako herri bati buruzkoa da; beste esanahietarako, ikus «Ametzaga (argipena)».

Ametzaga Arabako iparraldeko herri bat da, Zuiako Kuadrillakoa. Gainera, Zuiako udalerria eratzen duten herrietariko bat da. Baias ibaiaren eta San Fausto mendiaren artean dago. 2007ko urtarrilaren 1eko erroldan, auzoak 245 biztanle zituen.

Ametzaga
Zuia, Euskal Herria

Ametzaga zuia.jpg

Ametzagaren ikuspegia.
Kokapena
Herrialdea  Euskal Herria
Probintzia  Araba
Udalerria Zuia
Koordenatuak 42° 57′ 35″ N, 2° 50′ 29″ W / 42.95972°N,2.84139°W / 42.95972; -2.84139Koordenatuak: 42° 57′ 35″ N, 2° 50′ 29″ W / 42.95972°N,2.84139°W / 42.95972; -2.84139
Altuera 616 m

IzenaAldatu

Inguru hartan euskarak utzitako arrastoaren erakusgarri, gaztelaniaz ere bigarren silaban du azentu nagusia herriaren izenak.

GeografiaAldatu

MugakideakAldatu

Mugakide ditu ekialdean Murgia ondo-ondoan, hegoaldean Gillerna eta Bitoriano, mendebaldean Urkabustaizko udalerria eta iparraldean Gorbeiako natura parkea.

Ingurune naturalaAldatu

Inguruetan erkametzak eta haritzak dira nagusi. Herriko biztanleen bizimodu nagusia ziren nekazaritza eta abeltzaintza jarduerak ia osorik desagertu dira, eta, inguru ederra denez eta bertara iristea erraza denez, bizitegi leku bihurtu da. Horren ondorioz, azken urteetan, etxebizitza ugari eraiki da, eta biztanle kopurua handitu.[1]

Demografia eta biztanleriaAldatu

Ametzagako biztanleria
2000 2001 2002 2003 2004 2005 2006 2007
177 193 219 215 228 239 247 245

Ondasun nabarmenakAldatu

 
San Andres eliza, XVI. mendekoa.
  • San Andres eliza: XVI. mendean eraikitako eliza horri, geroagoko zenbait eraikuntza erantsi zaizkio. Tenpluak burualde oktogonala eta estalkian izar gangak ditu. Hegoaldean dagoen portadak zorrozten hasten den erdi puntuko arkua dauka. Kanpai horma ere, elizaren hego-ekialdeko ertzari erantsita dagoena, XVI. mendekoa da, nahiz eta eliza baino beranduago eraiki zen. Kanpai dorrean erdi puntuko arkua duten bi bao irekitzen dira eta ekialdean bolekin daude dekoratuta. Altzari ondareari dagokionez, zutabe eta oinarri karratuaren gaineko bataiarria dauka, kopa lisokoa.[2] Zaharberrituta dago.

KulturaAldatu

JaiakAldatu

Herriko jaiak San Andres egunez izaten dira, azaroaren 30ean.[1]

KirolakAldatu

Urtero Ametzagako ziklo-kross lasterketa korritzen da.

Ametzagar ospetsuakAldatu

ErreferentziakAldatu

  1. a b «Ametzaga Zuia», Zuiako Udalaren webgunea.
  2. «San Andres eliza», Arabako Foru Aldundiaren webgunea.

Kanpo estekakAldatu

Euskarazko Wikipedian bada atari bat, gai hau duena:
Euskal Herriko Wikiatlasa