AS Roma

Associazione Sportiva Roma Erromako bi futbol talde nagusietako bat da. Serie A (Italiako liga) 3 aldiz irabazi du eta Italiako Kopa gehien dituena da, 9 hain zuzen ere. Europa mailan garaipen bakarra izan du, 1961eko Hirietako Ferien Kopa, baina 1984ean Europako Kopako finala jokatzera iritsi zen, Liverpool FC-rekin penaltietan galdu zuena. 2023 berriz ere jokatu du europako finala sevillaren aurka; penaltietan galdu zuen.

A.S. Roma

Ezizena(k)	i Giallorossi (hori-gorriak) i Lupi (otsoak)
Sorrera	1927
Futbol zelaia	Stadio Olimpico edukiera: 70.634 lagun inaugurazioa: 1937
Presidentea	James Pallotta
Entrenatzailea	José Mourinho
Liga	Serie A
2022-23	6.a
Webgunea	Webgune ofiziala
Etxekoa 　 Kanpokoa

Francesco Totti 2008ko Italiako Kopako garaikurra altxatzen.

AS Romaren zaleak Erromako Estadio Olinpikoan.

Erromako derbia SS Lazioren aurka, 2008an.

Etxeko partidak Erromako Estadio Olinpikoan jokatzen ditu. Etsai nagusia hiriko beste taldea du, SS Lazio.

Historia

Sorrera

A.S. Roma 1927ko udan sortu zuen Alderdi Nazional Faxistako idazkaria zen Italo Foschik hiriburuko Roman FC, SS Alba-Audace eta Fortitudo-Pro Roma SGS taldeak batzean. Helburua Italia iparraldeko talde indartsuei aurre egingo zien Erromako taldea egitea zen. SS Laziok uko egin zion elkarketa honi. 1931ean bigarren egin zuen ligan baina hortik aurrera emaitza apalak izan zituen harik eta 1941-42ko liga eskuratu zuen arte.

60ko hamarkada

Bigarren Mundu Gerraren ondorengo urteetan ez zuen maila haundirik erakutsi. 1961ean sorpresa emanez Hirietako Ferien Kopa irabazi zuen finalean Birmingham City FC gaindituz. 1964ean Italiako Kopa irabazi zuen eta 1969an bigarrena.

80ko hamarkada

Berriz ere kopa garaipen batekin hasi zuen hamarkada eta 1991 artean beste lau lortu zituen. 1983an bigarren liga ere irabazi zuen Nils Liedholm suediarra entrenatzaile zuela. Bolada bikaina hartu zuen eta 1984ean Europako Kopako finala jokatu zuen Liverpool FC-ren aurka, eta 1-1 berdindu ostean penalti jaurtiketatak galdu zuen Erroman bertan jokatu zen finala.

XXI. mendea

2000-01 denboraldian hirugarren liga lortu zuen. Puntako taldea izateko asmotan ibili arren sarritan gelditu zen bigarren txapelketa bietan. Hala ere beste bi kopa eskuratu zituen 2007 eta 2008an, guztira 9 baditu jadanik.

Azken urteetan maila bikaina eman du eta 2013-14, 2014-15 eta 2016-17 denboraldietan Ligako bigarren postua eskuratu zuen beti ere Juventus FC-ren atzetik. 2017-18 denboraldian Txapeldunen Ligako finaerdietara sailkatu zen. 2022an estreinatu berria zen Conference League irabazi zuen finalean Feyenoord Rotterdam 1-0 garaituz. Hurrengo urtean UEFA Europa Leagueko finalera iritsi zen eta Sevillaren aurka penaltietan galdu zuen.

Uniformea

Sorreratik bertatik granate koloreko elastikoa, galtza zuriak eta galtzerdi beltzak erabili ditu. Aldaketa ohikoena galtzen kolorea izan da, elastikoaren olore berekoa edo beltza erabili baitu. 1968 eta 1973 urteen artean zuriz jokatu zuen.

Historikoa

1927-38

1928-30

1932-36

1938-78

1969-73

1980-tik

Azken urteak

2017-2018

2018-2019

2019-2020

2020-2021

2021-2022

2022-2023

2022/2023 Taldea

2022ko abuztuaren 8an eguneratua.

Zbk. Postua Jokalaria 1 ATE Rui Patrício 2 ATZ Rick Karsdorp 3 ATZ Roger Ibañez 4 ERD Bryan Cristante 5 ATZ Matías Viña 6 ATZ Chris Smalling 7 ERD Lorenzo Pellegrini 8 ERD Nemanja Matić 9 AUR Tammy Abraham 13 ATZ Riccardo Calafiori 14 AUR Eldor Shomurodov 19 ATZ Zeki Celik 21 AUR Paulo Dybala 22 AUR Nicolò Zaniolo 23 ATZ Gianluca Mancini 24 ATZ Marash Kumbulla

Zbk. Postua Jokalaria 37 ATZ Leonardo Spinazzola 42 ERD Amadou Diawara 52 ERD Edoardo Bove 55 ERD Ebrima Darboe 59 ERD Nicola Zalewski 63 ATE Pietro Boer 64 AUR Felix Afena-Gyan 65 ERD Filippo Tripi 92 AUR Stephan El Shaarawy 99 ATE Mile Svilar - AUR Justin Kluivert - ERD Ante Coric - ERD Gonzalo Villar - ERD Georginio Wijnaldum (PSGtik utzita) - ATZ William Bianda

Palmaresa

Italian: 14

• Italiako futbol liga (3): 1941–42, 1982–83, 2000–01.
• Italiako futbol kopa (9): 1964, 1969, 1980, 1981, 1984, 1986, 1991, 2007, 2008.
• Italiako superkopa (2): 2001, 2007.

Nazioartean: 2

• Europako Kopa:
  • Txapelduna (0)
  • Finalista (1): 1984.
• Hirietako Ferien Kopa (1): 1961.
• UEFA Kopa (0): finalista 1991ean eta 2023an.
• Europa Conference League (1): 2022.

Euskal taldeen aurkako partidak

AS Romak kanporaketa bakarra jokatu du euskal taldeen aurka:

Denboraldia	Txapelketa	Fasea	Etxekoa	Emaitza	Kanpokoa
2022-23	UEFA Europa League	final zortzirenak	Roma Real Sociedad	2-0 0-0	Real Sociedad Roma

Ikus, gainera

• Italiako futbol taldeen zerrenda

Kanpo estekak

• (Italieraz) Webgune ofiziala

• Datuak: Q2739
• Multimedia: AS Roma / Q2739