Traña-Matiena

Traña-Matiena
	Euskal Herria
	Traña-Matienaren ikuspegia
Kokapena
Herrialdea	Bizkaia
Udalerria	Abadiño
Geografia
Koordenatuak	43°10′00″N 2°36′37″W / 43.166683°N 2.610278°W
Garaiera	121 m

Traña-Matiena Abadiñoko (Bizkaia) auzorik populatuena da. Abadiño udalerriko auzo bat da, Gaztelu, Gerediaga, Astola eta Durangoren mugakidea baita.

Zerbitzuak

Bertan, Abadiñoko udalak auzorako bulegoa dauka, Osakidetzako osasun-zentro propioa ere badauka (Abadiño-Matiena).

Matienan, Haur Hezkuntza, Lehen Hezkuntza eta Derrigorrezko Bigarren Hezkuntza eskaintza du. Matienako Derrigorrezko Bigarren Hezkuntza nahiko jendetsua izaten da, izan ere, normalean, inguruko auzoetako gazteak bertara gerturatzen direlako.

Halaber, EuskoTrenek geltokia dauka (E1 eta 1D sareak, Traña-Abadiño), Bilbo-Donostiako trenbidearena. Hortaz gain, Bizkaibus autobus zerbitzuz asetuta baitago, izan ere, hiru geltoki ditu (Zubibitarte, San Blas eta Trañabarren). Bestalde, Lurraldebusek salbuespen pare bat egiten ditu DB02 Ermua-Donostia linean, bat goizean (Donostia norabidean) bestea arratsaldean (Amorebieta-Etxano norabidean).

Demografia

XX. mendean industrializazioaren ondorioz asko hazi zen auzoa, baina XXI. mendean biztanle ugari galdu zuen auzoak.

Traña-Matienako biztanleria

Geografia

Traña-Matiena laua bada ere, inguruan muino asko ditu. Izan ere, inguruan dituen auzo zein herri denetara oinez heltzeko aukerak dago. Hurbilen dituen ibilbideak Garairako bidea (zeinek Oizen amaiera posible bat duen) edota Gaztelurako bidea izango lirateke. (Ibilbideei buruzko informazio gehiago Kanpo Estekak atalean)

Jaiak eta ospakizunak

Apirilaren 28an ospatzen ditu auzoak bere jaiak, Prudentzio Deunaren omenezkoak.

Lehen festa eguna iritsi baino egun bat lehenago, apirilaren 27a izan ere, Donien Atxa jartzen da herriko biribilgune handienean honela, Prudentzio Deunaren jaiak hasi direla adierazteko.

Ikus, gainera

Kanpo estekak

(Gaztelaniaz) Abadiñoko udal webgunea
Garaiko ibilbidea (Oizen amaituz)
Gazteluko ibilbidea

Datuak: Q2885435
Multimedia: Traña-Matiena / Q2885435

Euskarazko Wikipedian bada atari bat, gai hau duena:
Euskal Wikiatlasa