Nino Rota
Nino Rota (Milan, Italia, 1911ko abenduaren 3a - Erroma, Italia, 1979ko apirilaren 10a) italiar musikagilea izan zen.
Biografia aldatu
Musika-ikasketak Erroman egin zituen. Hamaika urterekin oratorio bat idatzi zuen. Aldi batez Estatu Batuetan egon ondoren, 1938an, Tarentoko Musika Lizeoko zuzendari izendatu zuten, eta 1939an Bariko Kontserbatorioko zuzendari. Pianorako eta orkestrarako musika, sinfoniak eta operak idatzi zituen: Ariodante (1942), I due timidi (1950), eta Il cappello di paglia di Firenze (1955).
Baina musika-lan gehienak zinemarako egin zituen, eta alor horretan izan zen ospetsu. 1933an sortu zuen zinemarako bere lehen lana, Raffaello Matarazzoren Treno popolare filmaren musika. Hasieran italiar zinemagileentzat bakarrik lan egin zuen, eta mugimendu neorrealistan parte hartu zuen. 1952tik aurrera Federico Fellini zinema-zuzendariaren film guztien musika sortu zuen eta horrez gainera, beste film askoren musika idatzi zuen: War and Peace; Rocco e i suoi fratelli; Il Gattopardo; The Goodfather I; The Goodfather II. Azken horregatik Oscar saria jaso zuen.
Erreferentziak aldatu
Wikimedia Commonsen badira fitxategi gehiago, gai hau dutenak: Nino Rota  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
