Ireki menu nagusia

Lehen Koalizioko Gerra

Lehen Koalizioa» orritik birbideratua)

Lehen Koalizioko Gerra (1792-1797) Frantzia Iraultzailea geldiarazteko Europako zenbait boterek zuzendutako ahalegin militarra da. Gerra multzo honetan kokatzen da Konbentzioaren Gerra.

Lehen Koalizioko Gerra
Frantziako Iraultzako Gerrak
Philippoteaux Felix - Bonaparte a la bataille de Rivoli.jpg
Napoleon Rivoliko guduan
Data 17931797
Lekua Frantzia, Erdialdeko Europa, Italia, Belgika, Herbehereak, Espainia, Mendebaldeko Indiak
Emaitza Frantsesen garaipena
Gudulariak
Banner of the Holy Roman Emperor (after 1400).svg Erromatar Inperio Santua
Flag of Prussia (1892-1918).svg Prusia
Flag of Great Britain (1707–1800).svg Britainia Handia
Pavillon royal de France.svg Frantziar monarkikoak
Flag of Cross of Burgundy.svg Espainia
Flag of Portugal (1830).svg Portugal
Flag of the Kingdom of Sardinia.svg Sardinia
Flag of the Kingdom of the Two Sicilies (1816).svg Bi Siziliak
Ottoman flag.svg Otomandar Inperioa
Prinsenvlag.svg Probintzia Batuak
Frantzia Frantziar Errepublika
Italia Italiako hainbat lurralde
Polonia Poloniar legioak

Konbentzio Nazionalak berak iraultza hedatzeko gogoa adierazi zuen, Frantziako Louis XVI.ari gillotinaz moztu zion burua 1793ko urtarrilean, eta Frantziak Scheldt ibaiko ibia hartu zuen. Orduan, Frantziaren aurkako koalizio militar bat osatu zen. Estatu horiek itsasoz zein lurrez Frantziari eraso egiteari ekin zioten. Prusiak eta Austriak Herbehereetatik eta Rhinetik egin zuten. Erresuma Batuak Frantziako erregimen berriaren kontrako matxinadak babestu zituen, eta Toulon bera setiatu.

Frantziak porrotak izan zituen, adibidez, Neerwindengo bataila (1793ko martxoaren 18), baita barne erreboltak ere, larriena Vendéeko altxamendu eta izua izanik, bertako herritarrek bortxaz armadan sartzeari uko egin ziotenean. Konbentzioak muturreko neurriak hartu zituen: Osasun Publikoko Komiteak era masiboan 18 eta 25 urte bitartean zeuden ahalerazko soldaduak mobilizatu zituen (1793ko abuztuan).

Frantziako armada berriek kontra egin zuten, inbaditzaileak herrialdeko mugetatik at ateraraziz. Orduan, 1795ean, Bataviar Errepublika eratu zuen Frantziak, estatu satelite moduan. Gainera, Baselgo Itunarekin, Prusiako Rhin aldeko lurrak bereganatu zituen. Frantziako Directoirek Alemaniako beste lurraldeak eta Italiako iparraldea konkistatzeari ekin zion.

Alpeen iparraldean, Austriak egoera 1796an konpondu zuen nola edo hala, baina Napoleonek Sardinian eta Po ibaian eraso zuen (1796-1797). Lehen Koalizioa bertan behera geratu zen, Britainia Handiak baino ez baitzuen jarraitu borrokan.

Wikimedia Commonsen badira fitxategi gehiago, gai hau dutenak: Lehen Koalizioko Gerra Aldatu lotura Wikidatan