Korfu[1] (grezieraz: Κέρκυρα, Kérkyra, /ˈcercira/ ahoskatua; antzinako grezieraz: Κέρκυρα edo Κόρκυρα; latinez: Corcyra; italieraz: Corfù) Greziako uhartea, Itsaso Jonikoan dagoena eta inguruko uharteekin batera Korfuko nomo edo departamendua (641 km2 eta 100.000 biztanle) osatzen duena. Epiroko penintsulako itsasertzaren parean dago (Korfuko itsasarteak bereizirik). 593 km2-ko eremua du eta 97.102 biztanle. Hiriburua Korfu (36.901 biztanle) da. Nekazaritza (mahastiak, fruta-arbolak, garia), arrantza eta turismoa ekonomia-jarduera nagusiak dira. Veneziar gotorlekuak eta bizantziar elizak aipagarriak dira.

Korfu
The Old Fortress and the Old Town of Corfu - September 2017.jpg
Datu orokorrak
Mendirik altuenaMount Pantokrator (en) Itzuli
Luzera61 km
Zabalera9 km
Azalera626 km²
Geografia
Corfu muncipalities numbered.png Map
Koordenatuak39°37′26″N 19°49′12″E / 39.6239°N 19.82°E / 39.6239; 19.82
UTC orduaUTC+02:00 eta UTC+03:00
Honen parte daJoniako Uharteak
Estatu burujabe Grezia
EskualdeaJoniako Uharteak (periferia)
Prefecture of GreeceKorfu (unitate erregionala)
Ur-gorputzaJonikoa
Leku geografikoaJoniako Uharteak
Mendizaletasuna

HistoriaAldatu

Erdi Aroaz geroztik, bizantziarren, greziarren, veneziarren, napolitarren eta, berriro ere, veneziarren mende egon zen, hurrenez hurren. Joniar uharte guztiak bezala, Frantziaren esku egon zen 1797-1799 eta 1807-1815. urteetan, eta ingelesen mende 1815. urtetik 1864 arte. Lehen Mundu Gerran han osatu zen berriro serbiar armada eta frantsesen mende egon zen 1916-1918 bitarteko urteetan. Frantziak Austriako gerra-ontzidia Itsaso Adriatikotik irtetea eragotzi zuen urte horietan, austriarrek aliatuen aurka borrokatzeko asmoa agertu baitzuten. 1929an, uhartea italiarrek bonbardatu eta okupatu zuten uhartea, eta gauza bera egin zuten italiarrek eta alemaniarrek Bigarren Mundu Gerran (1941-1944). Greziaren mende geratu zen 1944. urtean. 1945ean lurrikara bat izan zen, eta haren ondorioz eraikuntza ugari suntsitu ziren.

ErreferentziakAldatu


Kanpo estekakAldatu