Ireki menu nagusia

Koordenatuak: 43° 18′ 45″ N, 3° 00′ 16″ W / 43.312619°N,3.004486°W / 43.312619; -3.004486

La Iberia Renfeko Aldirien C-1 lineari dagokion lurgaineko geralekua da, Sestaoko udalerriko izen bereko auzoan kokatuta dagoena, Bizkaiko Labe Garaiak zeuden gunearen aurrean hain zuzen, eta gaur egun ArcelorMittal Sestao lantegiaren aurrean. 1888ko irailaren 27an ireki zen, eta tren sareko 1 tarifa-gunearen barruan dago.

Infobox train2.png
La Iberia
La Iberia geltokia.jpg
La Iberia geltokiaren eraikina
Lineak

« Portugalete C-1 red.svg Sestao »
Kokapena
Helbidea Iberia kalea, 39; 48910
Udalerria Sestao,  Bizkaia
Geltokiaren datuak
Kodea 13402
Gunea 1 gunea
Irekiera 1888ko irailaren 27a
Irisgarria Ez
Zerbitzuak Doako aparkalekua Pertsonadun leihatila
Nasa kopurua 2
Trenbide kopurua 2
Jabea Adif
Eragilea(k) Renfe Operadora
Garraio zerbitzuak
Renfe Aldiriak C-1 Bilbo Abando - Santurtzi

Geralekuak bi nasa ditu, batetik bestera gurutzatzeko lurrazpiko pasabidea dagoela. Kanpoaldean doako aparkalekua dago.

Eduki-taula

KokapenaAldatu

Geralekua, itsas mailatik 11 metrora, zabalera iberiarra duen 720 linearen (Bilbo - Santurtzi trenbidea) parte da, 10,6. puntu kilometrikoan kokatzen delarik.[1]

SarbideakAldatu

  •   Iberia kalea, 39
  •   Sotera de la Mier kalea, 1

HistoriaAldatu

 
Trena La Iberiako geltoki parean.

Geralekua 1888ko irailaren 27an inauguratu zen, Bilbo eta Portugalete arteko burdinbidearen Barakaldotik Portugaleterainoko trenbide tartea ireki zenean.[2] Lanak Bilbotik Portugaleterainoko Burdinbide Konpainiak egin zituen.

1924an trenbidea Norte izenez ezaguna zen Iparreko Burdinbideen Konpainiaren esku gelditu zen, eta konpainiak kudeatu zuen 1941. urtean RENFE enpresa publikoa jaio zen arte. 2004ko abenduaren 31tik aurrera geltokia zein azpiegitura Adif enpresaren menpe daude, Renfe Operadorak geralekuko aldirikoen zerbitzuak ustiatzen dituen bitartean.

Geralekua antzinako Bizkaiko Labe Garaietatik gertu dago, eta labeak martxan egon ziren bitartean horietara joaten ziren langileei zerbitzu ematen zien. Gaur egun ArcelorMittal talde siderurgikoaren esku dagoen ArcelorMittal Sestao lantegia, ACB izenez ezaguna, bertan kokatzen da. Hala, lehen izan zen moduan, geralekua langileen eta auzotarren zerbitzura dago.

EtorkizunaAldatu

Espainiako Kultura Ministerioak zutik mantentzen den labe garai bakarra zaharberritzen ari du, Sestaon Siderurgia Museoa egiteko asmoz. Museo berriari zerbitzu emateko, geralekua mugitzeko planak egin dira.

Bestalde, Bizkaiko Garraio Partzuergoak eta Adifek finantziaketa akordioa sinatu zuten 2011ko maiatzean, Sestaoko Urbinagako geltokian Bilboko metroaren, Renfeko Aldirien eta Leioako eta Barakaldoko tranbien arteko geltoki intermodala eraikitzeko.[3] Tren geltoki berria gaur egungo Sestaoko tren geltokitik oso hurbil egongo litzatekenez, Sestaoko tren geltokia zerbitzutik kanpo geldituko litzateke, eta La Iberia geralekuak Sestao izena hartuko luke.

Argazki galeriaAldatu

ErreferentziakAldatu

  1. Red Ferroviaria Española Sustapen Ministerioa
  2.   Spanishrailway «Bilbotik Portugaleterainoko trenbidea» . Noiz kontsultatua: 2013-06-01 .
  3.   Bizkaiko Garraio Partzuergoa «Prentsa oharrak» . Noiz kontsultatua: 2013-06-01 .

Ikus, gaineraAldatu

Kanpo loturakAldatu