Jeison Murillo

Jeison Fabián Murillo Cerón (Barranquilla, Kolonbia, 1992ko maiatzaren 27a), futbol arloan Jeison Murillo bezala ezaguna, erdi-atzelaria da, gaur egun Espainiako ligako Vigoko Celtan jokatzen duena, Serie A-ko UC Sampdoria-k utzita.

Jeison Murillo
Irudi gehiago
Bizitza
Jaiotzako izen-deiturak	Jeison Fabián Murillo Cerón
Jaiotza	Barranquilla, 1992ko maiatzaren 27a (31 urte)
Herrialdea	Kolonbia
Hezkuntza
Hizkuntzak	gaztelania
Jarduerak
Jarduerak	futbolaria
Ibilbidea Taldeak Urteak J G Asociación Deportivo Cali / Colombia national under-17 football team 2009 / 2009 6 1 Udinese Calcio 2010 / 2011 0 0 Club Recreativo Granada 2010 / 2011 22 2 Cádiz Club de Futbol 2011 / 2012 27 3 Granada Club de Fútbol 2011 / 2015 51 1 Colombia national under-20 football team 2011 / 2011 4 0 Unión Deportiva Las Palmas 2012 / 2013 37 3 Kolonbiako futbol selekzio nazionala 2014 / Internazionale Football Club 2015 /
Posizio edo espezialitatea	erdiko atzelaria
Kirol zenbakia	24
Pisua	78 kilogramo
Altuera	182 zentimetro

Kolonbiako selekzio nazionalarekin ere jokatzen du.

Ibilbidea

Deportivo Cali eta Udinese

Bere ibilbidea Deportivo Cali talde kolonbiarraren harrobian hasi zen. Oso gaztea zela, 18 urterekin, Udinese talde italiarrak fitxatu zuen.

Granada

2010-2011 denboraldian Granadaren 2. taldera joan zen utzita Udinesetik. Hurrengo udan, 2011an, Granadak behin betiko fitxatu zuen. Halere, Cadiz-era eta Las Palmas-era joan zen utzita jokatzeko 2011tik 2013ra bitartean.

Cádiz

Bere lehen lagaketa Cádiz CF taldera izan zen. Talde andaluziarra momentu horretan 2.B mailan zegoen, eta 29 partidu jokatu zituen, 3 gol sartuz. Denboraldia bukatzean, Granadara itzuli zen.

Las Palmas

Hurrengo denboraldian, 2012-2013an, 2.A mailara utzi zuten, Las Palmas-era. Bertan 41 partidu jokatu zituen, eta 4 gol sartu. Gainera, errege-kopan final-zortzirenetara heltzea lortu zuten, baita igoerako "Play-Off"-etara ere.

Maila igoera on bat eduki ondoren, behin betiko gelditu zen hurrengo denboraldian Granadan.

Itzulera Granadara

2013-2014

2013-2014 denboraldian Jeison Murillo Granadaren lehen taldearekin jokatzen hasi zen, lehen mailan, eta atzealdeko jokalari garrantzitsu bezala finkatu zen. 2013ko abuztuaren 18an egin zuen debuta, Osasunaren aurka. Denboraldi honetan 34 partidu jokatu zituen eta gol bat sartu.

2014-2015

Bere bigarren denboraldiaren bukaeran 2019. urterarteko kontratua sinatu zuen, 35 milioi euroko etete-klausularekin. Halere, denbora gutxiren buruan Atletico Madril eta Milango Interren interesa piztu zen.

Azkenean 2015eko otsailaren 2an ofizial egin zen Milango Interrera batuko zela denboraldia bukatzean. Denboraldi horretan 19 partidu besterik ez zituen jokatu, denboraldi bukaeran lesio batzuk eduki baitzituen.

Bere etorkizuna erabakita zegoela joan zen 2015eko Amerikako Kopa jokatzera.

Milango Inter

Amerikako Kopa bukatutakoan, non laugarren postuan gelditu zen Kolonbiarekin, Milango Interrera heldu zen 8 milioi euroren truke. Bertan bi denboraldi egin zituen.

2015-2016

Lehen denboraldian, azterketa medikuak gainditu ondoren, Atalantaren aurkako garaipenean (1-0) egin zuen debuta, eta denboraldi horretan txapelketa guztien artean 35 partidu jokatu zituen.

2016-2017

Bigarrenean aldiz, bere azkena izango zenean, UEFA Europa Liga ere jokatu zuten, baina taldexketan kanporatuak izan ziren. 34 partidu jokatu zituen, eta gol bat sartu zuen txilenaz, Serie A-ko urteko onena izendatu zutena.

Valentzia

2017ko udan Milango Interrek Valentziara utzi zuen bi urtez, baina 2019an valentziarrek 12 milioi euro ordaindu beharko zituzten.

2017-2018

Abuztuaren 27an egin zuen debuta Real Madrilen aurka, 2-2 bukatu zen partiduan. Denboraldi honetan hainbat lesio zirela medio 17 partidu bakarrik jokatu zituen. Halere, Valentzian pozik agertu ziren bere denboraldiarengatik.

2018-2019

2018ko abuztuan, hitzartua baina urte bat lehenago, klausula hori ordaindu zuen, jokalaria erabat berea eginez. 2022. urterarteko kontratua sinatu zuen, eta 80 milioi euroko etete-klausula ezarri zitzaion. Irailaren 19an Txapeldunen Ligan debuta egin zuen, Juventusen aurkako porrotean (0-2).

Urtarrilean utzita joan zen Bartzelonara.

Bartzelona Futbol Kluba

2019ko urtarrilean denboraldiaren bigarren erdia jokatzeko Valentziak Bartzelonari jokalaria utzi zion. Gainera, katalanek 25 milioi euroko klausula bat gorde zuten erosi nahi izanez gero.

Hala eta guztiz ere 4 partidu bakarrik jokatu zituen, eta Valentziara itzuli zen denboraldiaren bukaeran.

UC Sampdoria

Hala ere, Valentzian ezin izan zuen gehiago jokatu, izan ere, 2019ko udan Sampdoriara saldu zuten 13,5 milioi eurorengatik. 2019-2020 denboraldiaren lehen zatian 12 partidu jokatu zituen, eta udan Vigoko Celtara utzi zuten denboraldi amaierarte.

Celta de Vigo

2020ko urtarrilean heldu zen Vigora. Momentu horretan taldea oso egoera txarrean zegoen, baina Jeison Murillok aldaketa handia ekarri zuen, eta azkenean Celtak ez jaistea lortu zuen. 18 partidu jokatu zituen denera.

Denboraldi bukaeran, negoziaketa luze baten ondoren, 2020-2021 denboraldirako lagaketa lortu zuten, denboraldi bukaerarako erosketa-aukerarekin (11 milioi).

Estadistikak

2021eko urtarrilaren 19an eguneratua.

Taldea	Herrialdea	Urtea(k)	Partidua(k)	Gola(k)	Asistentzia(k)
Granada	Espainia	2010 – 2015	53	1	2
Cádiz (utzita)	Espainia	2011 – 2012	29	3	-
Las Palmas (utzita)	Espainia	2012 – 2013	41	4	-
F.C. Internazionale Milano	Italia	2015 – 2017	69	3	2
Valentzia	Katalunia	2017 – 2019	20	-	-
Bartzelona FK (utzita)	Katalunia	2019	4	-	-
UC Sampdoria	Italia	2019-	12	-	-
Vigoko Celta (utzita)	Galizia	2020-	35	1	-

Selekzio nazionala

2014ko urriaren 10ean, 22 urterekin, debutatu zuen Kolonbiako selekzio nazionalarekin. Ordutik, bi Amerika Kopa jokatu ditu, 2015ekoa eta 2016koa. Lehenengo honetan laugarren postua lortuz, eta urte bat beranduago hirugarrena.

Denera 28 partidu jokatu ditu hego-amerikarrak, eta gol bat sartu.

Kanpo estekak

• Datuak: Q254521
• Multimedia: Jeison Murillo / Q254521