Inditex

Inditex oihalgintzan eta arropa salmentan aritzen den enpresa espainiarra da. Ekoizten duen produkzioaren %57a Espainiatik kanpo saltzen du gaur egun.

Inditex
Datuak
Mota	negozioa, enpresa, kapital irekiko enpresa eta retailer (en)
Jarduera sektorea	Txikizkaria, ehungintza eta jantzigintza
Herrialdea	Espainia
Jarduera
Honen parte	Ibex 35
Eskumendekoak	Zara, Pull&Bear, Bershka, Massimo Dutti, Stradivarius, Oysho, Lefties eta Zara Home
Enplegatuak	161.281 (2023)
Ekoizpena	ehun
Agintea
Lehendakaria	Marta Ortega Pérez
Zuzendari exekutiboa	Pablo Isla (en) eta Marta Ortega Pérez
Egoitza nagusi	Arteixo 43.3158°N 8.4983°W / 43.3158; -8.4983
Legezko forma	sozietate anonimoa
Jabea	Amancio Ortega
Zeren jabe	Pull&Bear, Massimo Dutti, Bershka, Zara Home, Stradivarius, Oysho, Uterqüe eta Lefties
Ekonomia
Diru-sarrerak	32.569.000.000 € (2022)
Irabazi garbia	4.103.000.000 € (2022)
Ustiapen-mozkina	5.520.000.000 € (2022)
Balore-burtsa	Madrilgo burtsa
Historia
Sorrera	1985eko ekainaren 12a
Sortzailea	Amancio Ortega
Sorlekua	Arteixo
webgune ofiziala

Historia

1963. urtean Amancio Ortega Gaonak arropa ekoizteko enpresa bat sortu zuen. Pixkanaka, enpresa handituz joan zen eta Europara arropak exportatzen zituzten fabrikak zabaldu zituen. Dena den, ez zuen bere lehen Zara denda ireki 1975. urterarte. Urte hartan, A Coruñako erdiguneko kale batean zabaldu zuen lehen denda. Dendak izan zuen arrakastak eraginda, Galizia eta Espainiako beste probintzia batzuetan denda gehiago zabaldu ziren. 1985ean Inditex taldea sortu zen.

1988. urtean Zarak bere lehen denda zabaldu zuen Espainiatik kanpo, Portugalgo Porto hirian. 1989 eta 1990 urteetan zehar New York eta Parisko dendak zabaldu ziren. 1991ean Pull and Bear katea sortu eta Massimo Duttiren akzioen %65a erosi zituen taldeak, 1995ean akzioen gainerantzekoa erosi zuen. Pixkanaka herrialde ezberdinetan zabaldu ziren dendak, Mexiko, Zipre, Malta, Belgika, Suedia eta abar.

1998ean Bershka arropa katea sortu zen, emakume gazteen arropa salduz. Urte hartan Erresuma Batuan, Japonian, Arabiar Emirerri Batuetan eta Argentinan zabaldu ziren dendak besteak beste. Urtebete beranduago, Stradivarius Inditex taldearen bostgarren kate bihurtu zen. 2000. urtean, Arteixoko egoitza nagusia den eraikina inauguratu zen eta munduan zehar dendak zabaltzen jarraitu zuen Inditexek.

2001eko maiatzaren 23an, Inditex, Espainiako burtsan kotizatzen hasi zen. Amancio Ortega, enpresako akziodun nagusiak akzioen %20a saldu zuen burtsan eta enpresako akziodun nagusia izaten jarraitu zuen kapitalaren %50a baino gehiagoren jabe zelarik. 2003. urtean Zara Home katearen lehen denda zabaldu zen eta Zaragozako zentro logistiko berria martxan jarri zen. Hurrengo urtean, taldeak bere 2000. denda zabaldu zuen Hong Kongeko hirian. Horrez gain, umeentzako arropa saltzen zuen Kiddy's Class katearen lehen denda zabaldu zen.

2000. urtetik aurrera zabaldutako denda berrien kopurua etengabe hazi da. Urtero 350 eta 400 denda bitarte zabaldu ziren 2005 eta 2006 urteetan. Eguneko denda berri bat batez beste.

Inditexen markak

2017ko abuztuaren 31n, Inditex taldeak 7.385 denda zituen munduko 63 herrialdetan. Guztira, bederatzi arropa marka biltzen ditu Inditexek:

Markak	Denda kopurua, 2017an
Zara	2232
Pull and Bear	982
Bershka	1096
Massimo Dutti	769
Stradivarius	1015
Oysho	646
Zara Home	563
Uterqüe	82
Lefties	(127)
GUZTIRA	7385 (+127)

Ikus, gainera

• Espainiako burtsako baloreen zerrenda

Kanpo estekak

• (Gaztelaniaz) Inditexen webgunea

• Datuak: Q44504
• Multimedia: Inditex / Q44504