Eztabaida:Euskal gatazka

Definizioa

Zabalegia iruditzen zait orain dagoena. Nik ingeles wikipediako gaira mugatuko nuke:

«

XX. mendearen erdialdean abiatutako gatazka da, alde batetik Euskal Herriaren Nazio Askapenerako Mugimendua eta bestetik Espainia eta Frantziako gobernuak elkarren aurka dituena. Francoren diktaduraren aurkako erantzun gisa piztua, gatazkaren sustraiak karlistaldietatik datoz, eta Euskal Herriko gizarte osoari eragin diote, bai eta Espainiako gizartearen zati handi bati ere.

»

Zer iruditzen? --Xabier Armendaritz 2013-12-04, 11:59 (UTC)

Xabierrek dioenarekin ados, baina nik "Euskal Gatazkaren egungo expresioa" edo Euskal Gatazka "Garaikidea" idatziko nuke, ingelesezko bertsioan egiten den moduan, argi usteko ETAren sorrerak ez duela gatazka sortzen, baina gatazka garaikidearen expresioa dela.-Orhipean (eztabaida) 14:24, 4 abendua 2013 (UTC)

Kontua da aurrekari horiek gabe ez dela kontestuan jartzen, eta atal hori hor jarrita laguntzen du ulertzen artikuluan zer den lantzen ari dena. -Theklan · · 14:34, 4 abendua 2013 (UTC)

Izenburua

Egun on eta eskerrik asko ekarpenengatik! Ikusi dut aldaketa egin zaiola izenburuari. Dagoeneko zerbait hitz egin dugu honen inguruan. Euskal elementua fosilizatuta/ihartuta dago egun bere adieretako batean (hizkuntzari zuzenean erreferentzia egiten ez diona), eta esanahi nahiko zabalekoa da.

Beraz, "euskal gatazka" lehenetsiko nuke inondik ere: 1. Lurralde gatazka bati buruz ari delako irudipena (eta "EH barruko" itxura hartzea) saihesten dugulako 2. Tradiziorik ez duelako 3. Murriztailea delako ("euskal gatazka" zabalagoa da adieraz: lurraldea bai, baina kultura, politika, gizartea ere, Espainiako politikan eta lurraldean eragina baduena). -Iñaki LL (eztabaida) 12:40, 21 urtarrila 2020 (CET)

Nik ere "euskal gatazka" jarriko nuke. Uste dut egokiagoa dela, eta askoz ohikoagoa. -Theklan (eztabaida) 12:57, 21 urtarrila 2020 (CET)

Interneten bilaketa eginda, euskal gatazka erabiliagoa da, baina Euskal Herriko gatazka ez da inola ere erabilerarik gabea. Biak mantenduko nituzke, orain dagoen ordena alderantzikatuta: euskal gatazka lehendabizi, eta sinonimotzat Euskal Herriko gatazka jarrita. --Xabier Armendaritz 2020-01-21, 12:37 (UTC)

Ados, euskal gatazka, sarreran "Euskal Herriko" ere argituz. -Iñaki LL (eztabaida) 22:44, 21 urtarrila 2020 (CET)

Ekintza militarrak eta militarrek pisu gehiegi dutelakoan nago

Egun on, gatazka batean jakina denez bortizkeria dago baina nire iritzian artikulu honetan militarrek (eta honekin suzko armak erabiltzen dituzten erakunde guztiei buruz ari naiz) pisu gehiegi dute artikuluan. Beraz, denbora dudan einean buelta pare bat emango dizkiot artikuluari. Iritzi gehiagorik? Ondo izan. -Oraina (eztabaida) 13:10, 11 maiatza 2020 (CEST)

Arratsalde on Oraina! Militarrek Espainian protagonismo handia izan dute beti erabaki politikoetan. Oro har, bat nator zurekin, baina zaila da ere gizarte- eta politika-arloko gertaera adierazgarrien berri aurkitu eta hemen horiek behar bezala islatzea. Hilketez gogoratzen gara, eta ez halako ministeriotan edo politikariek hartzen dituzten erabakiez. Ongi etorria izan bitez era horretako ekarpenak -Iñaki LL (eztabaida) 17:00, 11 maiatza 2020 (CEST)

Arte atala

Eguerdi on Oraina, zer moduz? Aizu, artikulu hau oso luzea da (145.000 byte, EUWPko luzeenetako bat), baina ezinbestekoak diren datu eta grafikoak gehitu ditut azken aldian. Testu gorputzetik zenbait esaldi kendu daitezke eta haiekin, osorik, beste artikulu bat sortu, adibidez, Biktimak. Arte atalean, zerrendak daude funtsean, azpiatal desberdinetan, eta artikulu formatua hausten du pixka bat. Iruditzen zait onena dela arte atalean bi paragrafo jartzea, artelan adierazgarrienak aipatuz laburpen estiloan (ahal bada estatistikak eta holako gauzak sartuz). Hori bai, artelan guztietarako atal hasieran txapel esteka bat jarri eta "Zerrenda:" artikuluak sortu, adibidez, "Zerrenda:Fikziozko idazlanak euskaraz" etab. Zer iruditzen? -Iñaki LL (eztabaida) 14:50, 11 martxoa 2021 (CET)

Arratsalde on Iñaki LL. Ba bai ni Artearen atalean zerrendak sortzearen beharra ikusi nuen aspaldi eta idatzi duzunarekin ados nago. Zalantza bakarra zera daː zeintzuk dira adierazgarrienak? gai eztabaidagarria, zalantzarik gabe. Begiradatxo bat emango diot kontu honi. Ondo izan.-Oraina (eztabaida) 21:05, 11 martxoa 2021 (CET)

Gabon Oraina, gehitzen den guztia gaiarekin bat badator eta datu zuzena baldin bada kabida du eta aberasgarria da, eta kasu honetan oso egokia da. Adierazgarria da inpaktu oso nabarmena izan badu gizartean (denok ezagutzen dugu eta beste kultur produktu edo berri batzuk sortu ditu), edo gaia bere osoa tratatzen badu, adibidez, askotariko datu eta estatistikak emanez, hala ikusten dut nik. Kasu honetan ezin gara zientifikoak izan, baina Patria liburua eta seriea aipatuko nituzke, bat aipatzearren. Hala ere, kontua da ezin d(ir)ela paragrafo luzeak izan. -Iñaki LL (eztabaida) 21:45, 11 martxoa 2021 (CET)

Gabon Iñaki LLǃ Artikulu oso duina da, apartekoa. Nabarmen izateko proposatzen duzu hala? Ni neu ez dakit zelan egiten den.-Oraina (eztabaida) 22:42, 11 martxoa 2021 (CET)

Bai, NArako aurkeztuko dut, baina oraindik ez dago bukaturik, artearen zatiaz aparte: grafiko bat gehitzekotan nabil (uste dut lehenago ere hitz egin genuela horretaz...). Ondo segi! -Iñaki LL (eztabaida) 22:54, 11 martxoa 2021 (CET)

Infotaula

Orri honen infotaulan aldaketatxo bat egitea proposatzen dizuet. Ingeles Wikipedian sartu eta bertako infotaula txukunagoa zela iruditu zitzaidan. Zer uste duzue? Hona hemen itzulpena...

Euskal Herriko gatazka
Data	XX. eta XXI. mendeak
Lekua	Euskal Herria, Espainia, Frantzia
Gudulariak
Espainia Ertzaintza Polizia Nazionala Espainiako Armada Guardia Zibila Frantzia Jendarmeria Polizia Nazionala Neofaxista paramilitarrak: Batallón Vasco Español (1975-1981) GAL (1983-1987) Triple A (1976-1983) Grupos Armados Españoles (1979-1980) Guerrilleros de Cristo Rey (1968-1980) Euskal Nazio Askapenerako Mugimendua: Euskadi Ta Askatasuna Iparretarrak (1972-2000) Iraultza (1982-1996) Komando Autonomo Antikapitalistak (1970-1980 hamarkadak) Irrintzi (2005-2009) Kale borroka Hordago (1980ko h.) Euskal Zuzentasuna (1977-1979)
Galerak
Hilak: 829 837 842 Zaurituak: 2.365-2.600 Bahituak: 79 Hilak: 164≤ Torturatuak: 5.500 - 9.600 Atxilotuak: ~30,000 Zaurituak: 953 (1.005)

-Sikret8 (eztabaida) 21:42, 12 maiatza 2021 (CEST)

Nik ez dut txarto ikusten baina gauza batzuk ez daude ondo. Adibidez ENAMen barruan Iparretarrak, Komando Autonomo Antikapitalistak eta Euskal Zuzentasuna ipintzea... Baina beno, begiratu ahal den kontu bat izan daiteke eta aldaketa batzuk eginez balioko luke. -Oraina (eztabaida) 22:22, 12 maiatza 2021 (CEST)

Egun on Oraina, niri itxura ona duela iruditzen zait, ikusi beharko litzateke azken emaitza, txukun gera dadin, baina ni proposamenaren alde. Bestalde, bi ETAk aipatu beharko lirateke. -Iñaki LL (eztabaida) 11:20, 14 maiatza 2021 (CEST)

Hala ere, esan dezadan ere niretzat lehen bi taldeak nolabait uztartu behar direla grafikoki, irudia eman baitezake hiru talde nagusi egon zirela, eta ez da horrela. -Iñaki LL (eztabaida) 17:22, 14 maiatza 2021 (CEST)

Aupa Oraina, modu egokiena hemen ikusten dut hondoaren kolorea aldatzea. Saiatu naiz, ENWPko laguntzaren bidez eta EUWPko adibideei begira, baina saiatu arren (background style) ezin izan dut. Ea zuk ahal duzun! -Iñaki LL (eztabaida) 21:45, 18 maiatza 2021 (CEST)

Euskal Herriko gatazka
Data	XX. eta XXI. mendeak
Lekua	Euskal Herria, Espainia, Frantzia
Gudulariak
Espainia Ertzaintza Polizia Nazionala Espainiako Armada Guardia Zibila Frantzia Jendarmeria Polizia Nazionala ENAM: Euskadi Ta Askatasuna Iparretarrak (1972-2000) Kale borroka
Talde paramilitar espainiarrak: Batallón Vasco Español (1975-1981) GAL (1983-1987) Triple A (1976-1983) Grupos Armados Españoles (1979-1980) Guerrilleros de Cristo Rey (1968-1980) Beste euskal talde armatu batzuk: Iraultza (1982-1996) Komando Autonomo Antikapitalistak (1970-1980 hamarkadak) Irrintzi (2005-2009) Hordago (1980ko h.) Euskal Zuzentasuna (1977-1979)
Galerak
Hilak: 829 837 842 Zaurituak: 2.365-2.600 Bahituak: 79 Hilak: 164≤ Torturatuak: 5.500 - 9.60 Atxilotuak: ~30,000 Zaurituak: 953 (1.005)

Koloreak jada jar daitezke atzealdea1 (2,3,4) erabilita. Hala ere, ez dut uste ondo geratzen denik horrela. Nik horrela proposatuko nuke aurkeztea (Lankide:Orainak arrazoia du, horko talde batzuk ez dira ENAMeko kideak, eta horiek aipatzekotan, EGI ere sartu beharko litzateke ekuazioan):

Intsumisioa

Kaixo @Iñaki LL: eta @Oraina:. Artikulu honetan lan handia egin duzue, eta gaur konturatu naiz ez dagoela erreferentziarik intsumisio mugimenduari. Badakit zeharkakoa dela, baina gatazkaren parte ere bada Euskal Herrian mugimendua hain zabala izatea. Konturatu naiz, hasi naizelako lantzen: Intsumisio mugimendua Euskal Herrian. Beraz, nahi baduzue, artikulu hori hedatzen lagundu ahal didazue eta, ahal bada, hemen ere txertatu daiteke aipamen labur bat eta lotura bat. Nola ikusten duzue? Theklan (eztabaida) 17:24, 19 maiatza 2021 (CEST)

Arratsalde on Theklan, nire ustez intsumisioa aipatzea egokia da, eta ez nion erreparatu. Nire kezka da gehiegi ez betetzea eta proportzionala izatea, baita azalpen txiki bat ematea gatazkarekiko erlazioari buruz. Feel free modu neurritsu batean adieraziz, nik une honetan ez dut gai hori batere fresko (baina emango begiratu bat zure artikuluari).

Bestalde, horretan trebea baitzara, ikusten duzu infotaulako lehen bi zutabeak background colour batean eta hirugarrena beste batean jartzeko modu errazik? Nik orain arte egin ditudan ahaleginek ez didate funtzionatu (ikus goian), zuk mekanika hartuagoa izango duzu segur aski. Ondo segi -Iñaki LL (eztabaida) 18:55, 19 maiatza 2021 (CEST)

Bai, aipamen batekin nahikoa da. Aipatzen da Unai Salanuevaren kasua, eta nik uste merezi duela paragrafo erdia gaiak, akaso beste mugimendu sozial batzuk aipatzearekin batera.

Ederki. -Iñaki LL (eztabaida) 09:19, 20 maiatza 2021 (CEST)

Infotaulari dagokoinez... nik kolore berberean ikusten ditut ba. Akaso nire pantailaren zerbait da, baina Photoshopean ireki ditut eta hiruak dira #f9f9f9. Theklan (eztabaida) 23:04, 19 maiatza 2021 (CEST)

Baita nik ere, desegin egin nuen egiten ibili nintzena (batez ere aurrebistan). Hori da kontua, orain denak kolore berean daude, baina bi zutabe beste kolore batekoak nahi ditugu (nik style eta background colour erabili nituen sintaxian eta kokapen desberdinetan baina ez nuen inongo aldaketarik ikusi). -Iñaki LL (eztabaida) 09:19, 20 maiatza 2021 (CEST)

Kaixo @Iñaki LL: eta @Theklan:. Ba bai, intsumisio mugimendua aipatu beharko da. Laster sartuko dut gai hau.-Oraina (eztabaida) 13:40, 20 maiatza 2021 (CEST)

Intsumisioa eta Espainiako erregea

Kaixo @Iñaki LL: eta @Theklan:. Bi gai hauek Euskal Herrian izan duten erantzun gogorra harreman zuzena dute euskal gatazkarekin eta artikuluan ia-ia ez daude aipatuta. Ni neu ez dakit non sartu edo kokatu artikuluan. Zer deritzozue?-Oraina (eztabaida) 00:14, 6 ekaina 2021 (CEST)

Nik uste paragrafo bat dela gehienez, ze euskal gatazkarekin lotuta dago, baina ez zuzenki (intsumitu askok ez zuten inongo harremanik gatazkarekin, baina gatazkak dudarik gabe handitu zuen intsumisioa). Artikulu hau zuek ezagutzen duzue hoberen, begiratu non sar dezakezuen. Theklan (eztabaida) 22:52, 6 ekaina 2021 (CEST)

Gabon Oraina, ez dut gustuko bozketaren aldian gauzak aldatzen aritzea, baina zuk diozun gaia hor dago, eta intsumisioa ere bai, eta pentsatu nahi dut bozkatu dutenek ez dutela beren botoa aldatuko.

1981eko otsaileko gertaerak adierazi ditut dagoeneko, Espainiako erregeari dagokion istilua. Theklanek aipatutakoarekin ere bat etorriz, intsumisioa albo-istilu bat da, baina auzi hori ondo artikulatu behar da artikuluan, eta gehiegi luzatu gabe. Beharbada inkestaren bat aipa daiteke bide batez, erregearen onarpenari buruz, nahiz eta hori zaila izaten den aurkitzea. -Iñaki LL (eztabaida) 23:03, 6 ekaina 2021 (CEST)

Egun on. Ba bai, zuen erantzunak ikusita hobe gauzak dauden moduan uztea. Etorkizunean, datu berriekin gauzak gehitu ahalko dira. Ondo izanǃ-Oraina (eztabaida) 09:29, 7 ekaina 2021 (CEST)

Aupa Oraina, kendu ditut zuk gehitutako lerroak, atal solte labur bat geratzen delako. Artikulua kronologiaren edo Ondorioak ataleko azpiatalen arabera antolatuta dagoelako, eta ez da inon sartzen. Intsumisio lerro pare bat sartu dut Theklanen Intsumisioaren artikulutik hartuta. Erregeari buruz ere jartzekotan, nonbait artikulatuta eta datu zehatzekin edo erreferentziatuekin, bestela balorazio orokor soltearen itxura hartzen du. Goraintzi -Iñaki LL (eztabaida) 15:28, 11 ekaina 2021 (CEST)

Erail / hil

@Oraina:@Theklan:@Xabier Armendaritz: Arratsalde on! Gai zaharra ekarri dut, eta artikulu honetan biak erabili ditut/ditugu, "erail" eta "hil", baina aitortzen dut ez dagoela koherentzia bat. Iritzirik bai gai honen gainean? -Iñaki LL (eztabaida) 22:00, 10 ekaina 2021 (CEST)

Egia da ez dela irizpide argirik ikusten. Ematen du datu objektiboetan oinarritu beharrean ukitu emozionala ematearren erabili direla erail eta erailketa. Agian, erail eta erailketa guztiak kendu eta hil eta hilketa neutroagoak jartzea komeni. --Xabier Armendaritz 2021-06-10, 21:22 (UTC)

Egun on @Iñaki LL:@Theklan:@Xabier Armendaritz:ǃ Nik ere ez dut irizpide argi bat ikusten. Nire ustez bi aukera ditugu. Lehena, errezena Xabierrek idatzi duena eta denetan hil eta hilketa neutroak jarri. Bestea askoz konplexuagoa, nahita egindako erailketak eta "nahi gabeko" hilketak baina esandakoa, agian Xabierren aukera hobeagoa da.

Bestalde, Infotaulan nik ez nuke Iparretarrak taldea sartuko ENAMen barruan nahiz eta begibistako harremanak izan ETArekin.-Oraina (eztabaida) 08:46, 11 ekaina 2021 (CEST)

Eskerrik asko bioi! Bilatu eta ordezkatu azkar batean "hil" jarri dut, salbu eta anbiguoa zenean. -Iñaki LL (eztabaida) 20:26, 14 ekaina 2021 (CEST)

Emaitza infotaulan

Egun on @Iñaki LL:ǃ Infotaulan emaitzak (edo agian hobeto ondorioak?) gehituko nituzke. Agian lau datu hauek aipagarrienakː ETAren suetenaren urtea (2011), ETAk armak utzi zituen urtea eta ETAren autodisoluzioaren urtea. Horri ENAMen estrategia aldaketa ere gehituko nion, ondorio nabaria bait da. Ba beno, ia zer deritzozun. -Oraina (eztabaida) 11:00, 20 ekaina 2021 (CEST)

Aupa Oraina, ETAren sueten urtea eta desegitearen urtea ondo ikusten ditut hala nahi baduzu, baina niretzat une honetan garrantzitsuena da laburra, argia eta adierazgarria/garrantzitsua izatea. Emaitzari dagokionez, une honetan ez nuke ezer jarriko, baina beharbada galdetu beste batzuei ea zer dioten. Goraintzi -Iñaki LL (eztabaida) 11:38, 20 ekaina 2021 (CEST)

Azken aldaketak

Kaixo Oraina, Theklan, Xabier Armendaritz, Oraina lankideak aldaketa batzuk egin ditu gaur, bereziki Gatazkari_buruz_iritzi_ezberdinak, baita hau ere. Noizbait, beste lankide baten aldaketa batzuk testuan integratzeko asmoz ez ditut kendu aipuak, baina aipu hutsek ezin dute atal bat osatu. Inportanteena artikulu honetan datuak dira (gero artikulatu behar dira, noski) eta nire ustez iritzi solte batzuk ez datoz bat artikuluaren formatuarekin. Hala ere, ez nuke deterministegia izan nahi, eta kontsulta dakart hona.

Bestalde, goiko diffari dagokionez, Iriarteren kasua ondo aipatuta dago, baina orokortze bat egiteko material nahikorik ez dago. Azken batean, guk iturriak islatu egiten ditugu. Ez du esan nahi hor esaten denarekin ados ez nagoenik, baina pixka bat solte eta euskarri sendorik gabe geratzen da. Ea zer deritzozuen. Goraintzi -Iñaki LL (eztabaida) 23:26, 20 ekaina 2021 (CEST)

Xabierrek egindako proposamenarekin bat, gainontzeko proiektuetara gauzak mugitzearen alde: dokumentuak Wikisourcen, aipuak Wikiesanetan... Theklan (eztabaida) 08:31, 21 ekaina 2021 (CEST)

Ados, Iñaki. Proposatzen dituzun aldaketek artikulua nabarmen hobetuko luketelakoan nago. Gainera, «Gatazkari buruz iritzi ezberdinak» atalaren eduki osoa (hemendik kendu beharrekoa) Wikiesanetan sartzea komeni litzateke, proiektu horretan oraindik sortu gabe baitago «Euskal gatazka» orria, aipu horiek —eta gehiago— jaso beharko lituzkeena. --Xabier Armendaritz 2021-06-21, 06:25 (UTC)

Kaixo Iñaki LL, Theklan, Xabier Armendaritz, ados idatzi duzuenarekin. Hau da, aipuak kendu eta beste proiektuera mugiaraztea. Eta bai, Iriarterena kenduko dut gai hau orokortzeko iturri gutxiegi daudelako. Agian etorkizunean, datu gehiagorekin sartu daiteke. Ondo izan.-Oraina (eztabaida) 10:18, 21 ekaina 2021 (CEST)

Aupa Oraina, ez nengoen seguru Wikiesanak existitzen zen, baina badagoenez, toki ederra da holakoak gehitzeko, gero esteka bat gehituz artikulu honetara. Pozten naiz Iriarterena ulertu izana, beharbada denboraren joanean agertuko dira kasu gehiago, eta azpiatal txukun bat gehitu. -Iñaki LL (eztabaida) 11:56, 21 ekaina 2021 (CEST)

Beraz, Wikiesanetara eraman dut, hemen. Hala ere, ez diot ia formaturik eman, beraz lasai txukundu. -Iñaki LL (eztabaida) 12:18, 21 ekaina 2021 (CEST)

Gehitu dut lotura wikidata bidez, ezkerreko menuan ager dadin lotura. Theklan (eztabaida) 10:56, 22 ekaina 2021 (CEST)

Datazioa

Kaixo! Zehazki euskal gatazkaren epea ez zait iruditzen ETAren berdina denik, eta badaude arrazoiak horretarako. Pentsatu behar da Burgosko auzi arte askok ez zekitela ETA zer zen, are gutxiago lehenago. Hargatik, Trenorrek (2021) frankismoaren hildako biktimak eta torturatuak aipatzen ditu lehenago.

Argi dago gerraostea amaitzearekin, beste etapa bat hasten dela Hego Euskal Herrirako, eta beste erresistentzia etapa bat:

> Gerra legearen amaiera (1949 edo 1950)

> Gazte euskal abertzaleen haustura EJrekin (Ekin)

> Erbesteko Eusko Jaurlaritzaren nazioarteko politikaren porrota, Gerra Hotzaren testuinguruan -Iñaki LL (eztabaida) 13:23, 15 urria 2021 (CEST)

> Makien erabateko errepresioa eta desmobilizazioa

> Espainia NBEn onartzea (1949?) eta Eisenhowerren bisita Espainiara (1953?)

> Anoa kartillaren amaiera (1953?)

> Hego Euskal Herriko lehendabiziko greba handiak, bereziki Bilbo (1949 eta 1953?)

> Erregimenaren barne-eraldaketa, dogma falangistatik katolikora (Eliza), 1948?

> Teknokrata katolikoen agerpena diktaduraren barne antolamenduan eta Iruñean (Nafarroako Unibertsitatea, 1952)

-Iñaki LL (eztabaida) 12:23, 15 urria 2021 (CEST)

>

Aupaǃ Ba bai, jakina euskal gatazka eta ETAren epeak ez direla berdinak. Hala eta guztiz, zer edo zer zehaztu beharko dugu, beti ere erreferentzietan oinarrituta. Ondo izan.-Oraina (eztabaida) 12:30, 15 urria 2021 (CEST)

Sinpleena da 1950ko hamarkadaren erdialdean hastea aurrekariekin. Hala ere, gatazkak baditu beste aurrekari historiko batzuk. Eta noizbait hasi behar du artikulua. Nire ustez orain dagoen eredua ez da okerra, eta momentuz hala utziko nuke. Theklan (eztabaida) 14:48, 20 urria 2021 (CEST)

Hori da Euskal gatazka ETA dela dioen aldeak babesten duena. Goiko mugarri horiek askoz garrantzitsuagoak dira, Txillardegik berak izen aldaketatzat dauka 1959koa, Ekinena, eta ez zuen berehalako ondoriorik izan (ezpada errepresio latza, lehenago ere bazegoena). Nire ustez gerraoste ondorengo Euskal Herria definitzen duen gatazka da, aurrekoaren jarraipena, beste intentsitate batekin eta testuinguru batean. Ez dut premiarik ikusten ere infotaulan hasiera eta bukaera data zehatzak adierazteko. -Iñaki LL (eztabaida) 19:34, 21 urria 2021 (CEST)

Euskal Herriko bake prozesua (2009-2018)

Kaixo! Uste dut jada garaia dela artikulu honi ekiteko, eta hemen integratzeko "Sakontzeko" gisa azken atalean. Denbora hori nahi zehatza da, aurreko saiakera negoziatzailetik atera eta Ezker Abertzaleak bake prozesu berria abiarazteko oinarriak jartzen dituenetik ETAren desegiteraino. Tartean, gertakari asko daude, eta badugu material grafikoa eta, gero eta gehiago, erreferentziak. Gaur bertan GARAk 64 orrialdeko gehigarri bat atera du ibilbidea aipatuz. Ni prest nago hezurdurarekin hasteko, baina akaso gai oso zabala da pertsona bakar batek egiteko. Zer deritzozue? Theklan (eztabaida) 14:50, 20 urria 2021 (CEST)

Egun on Theklan, badakit komodoa gertatzen dela zirkulu batzuetan hori esatea, baina nire ustez argi eta garbi ez dago bake prozesurik, ez zentzu konbentzionalean bederen, denboraren bilakaera bat baizik. Narrazioak narrazio, bat nator horretan Vicent Partalekin; ETAren osteko gertaeren aldi eta bilakaera bat badago, baina esan bezala, ez nuke bake prozesu deituko. Ikusi dut hasi zarela, baina nire ustez izendapena ez da egokia. @Xabier Armendaritz @Oraina Iñaki LL (eztabaida) 11:55, 21 urria 2021 (CEST)

Bai, noski! Bake prozesua, gatazka kontzeptua bera bezala, eztabaidatua da. Berghof Fundazioak orain hiru egun Basque peace process gisa definitu zuen. Aldizkari zientifiko batzuetan ere erabiltzen da: https://www.researchgate.net/publication/278021216_The_Role_of_Society_in_the_Peace_Process_of_the_Basque_Country. Eta nik uste egin behar dena dela hasieran testuingurua jarri, eta esan aldebakarreko urratsez osatua dela. Theklan (eztabaida) 13:16, 21 urria 2021 (CEST)

Euskal Herrian XXI. mendearen hasieran gertatutakoa ez da munduko beste hainbat tokitan izandako bake prozesu horien erakoa izan («Veronique Dudoueten esanetan, "batere konbentzionala izan ez den bake prozesu bat sortu zen"»), baina izen hori erabili, erabiltzen da ([1][2][3][4][5]). Erabat alde bakarrekoa izanagatik, bakea lortzeko asmoa duen prozesua baita. --Xabier Armendaritz 2021-10-21, 10:17 (UTC)

Nahiz eta bake prozesu izena aldatu beharrik ikusten ez dudan, era berean uste dut Iñakik hemen eta Veronique Dudouetek Berriako artikulu horretan adierazitakoa jarri beharko dela artikulu honetan eta prozesu horri buruzkoan: ez zela bake prozesu konbentzionala izan. --Xabier Armendaritz 2021-10-21, 10:28 (UTC)

Hitzek aldaketa semantiko bitxiak (bide batez, ez legoke gaizki EUWPren sarrera hau txukun sortzea) jasaten dituztela inork baino hobeto dakigu Euskal Herrian, euskaraz zer esanik ez. Tira, iturriak hor daude, diozuen "bake prozesua" aipatzen, ez bakarrik euskarazkoak, nazioarteko eragile eta iturri batzuk ere. Hori bai, Espainiako literaturan nekez aurkituko duzue horrelakorik, irabazle atera den aldeak izendapena onartu ere egin ez duen seinale. Espainiako alderdi ustez moderatuak hau dioenean eta ikusi ditugun auzi eta pertsekuzio guztien ondoren deitura hori mantentzea, enfin, fede kontua ere bada, ezta? Narrazioa. -Iñaki LL (eztabaida) 19:19, 21 urria 2021 (CEST)

Noski. Izan ere bake prozesu bat egoteko gatazka bat egon behar da lehenago ;) Theklan (eztabaida) 19:37, 21 urria 2021 (CEST)

Egun on. Ni ere bat nator Iñakirekin Bake prozesua ez dela egon esaten duenean. Baina aldi berean, Bake prozesu artikulua egitea ondo dagoela deritzot.

Azalduko naizː E.H.n gure sasoiko gehienok dakigu zer zen ETA. Baina Dena da ETAren kontuaren ondorioz, Arnaldo Otegi "ETAren agindupean" lan egiteagatik kartzeleratu zuten. Are gehiago, 2021ko abuztuko berrietan zazpi euskal presoren hurbilketaren harira, berrietan, Espainiako (eta Hego Euskal Herriko) egunkari gehienetan Kale Borrokaren ondorioz kartzeleratutako Asier Rodríguez López Etakide moduan aurkeztu zuten El Correo, Público, El Mundo, Deia eta Europa Press.

Beno ba laburbilduz, ETAren esan nahia nahi dutenean desitxuratu izan dutenez, bake prozesua ere ezinezkoa da era sinplean aurkeztea. Are gehiago, nik ez nuke "prozesu" horren amaiera 2018an jarriko, oraindik ez bait da amaitu. (El Correoren e.a.ren arabera Otegik "presupuestoak onartzearen truke, 200 presoen askatasuna" lortu ahal du).-Oraina (eztabaida) 10:18, 22 urria 2021 (CEST)

Hiru zarete alde, eta iturriak hor dituzue. Dena den, caveat edo ohartarazpen guztiak behar ditu sarreran. Bestalde, oraindik ez dago distantziarik, artean ere deklarazioak beroaldian eta erantzun emozionalen bila egiten baitira Espainiako politikan eta prentsan, Orainak aipatu kasuan, adibidez. Horregatik ere, ez nuke infotaulan hasiera-bukaera datarik jarriko. Azkenean, batzuentzat Dena da ETA baita. -Iñaki LL (eztabaida) 21:27, 22 urria 2021 (CEST)