Ireki menu nagusia

Arnaldo Otegi

Ezker abertzaleko euskal buruzagi politikoa

Arnaldo Otegi Mondragon (Elgoibar, Gipuzkoa, Euskal Herria, 1958ko uztailaren 6a) ezker abertzaleko politikari eta liderra da, Batasunaren bozeramaile izandakoa eta Eusko Legebiltzarreko kide ohia. Euskal Herria Bilduko koordinatzaile nagusia da egun. «Ezker abertzalea berrantolatzen saiatzeagatik» atxilotua, 2016ko martxoaren 1ean atera zen kartzelatik, 6 urte eta erdiko espetxealdiaren ondoren.

Arnaldo Otegi
Arnaldo Otegi 2.jpg
Ehbildu-logoa-2016.png
Euskal Herria Bilduko idazkari nagusia

2017-01-21 -
Coat of Arms of the Basque Country.svg
Eusko legebiltzarkidea

2016 -
SortuLogo.png
Sortuko idazkari nagusia

2013-02-24 - 2017-01-21
Bizitza
Jaiotza Elgoibar1958ko uztailaren  6a (61 urte)
Herrialdea  Gipuzkoa, Euskal Herria
Hezkuntza
Hizkuntzak euskara
gaztelania
Jarduerak
Jarduerak politikaria
Kidetza Euskal Herria Bildu
Sinesmenak eta ideologia
Alderdi politikoa Euskal Herria Bildu
Batasuna
Euskal Herritarrok
Herri Batasuna
IMDb nm1574467
www.arnaldotegi.eus/

BizitzaAldatu

Otegi 1958ko uztailaren 6an jaio zen Elgoibarren (Gipuzkoa), eta Filosofia eta Letretako lizentziaduna da.

1977. urtean Frantziara alde egin zuen, ETA politiko-militarreko komando batekin erlazionatu zutenean. 1989an, espetxera sartu zuten, Gasteizko Michelin fabrikako zuzendari Luis Abaitua 1979an bahitu izana leporatuta. 1990ean kalera irten zen, espetxe zigorra bete ondoren.

1996tik aurrera Herri Batasuna, Euskal Herritarrok eta Batasunako Mahai Nazionaleko kidea eta bozeramailea izan da. 2006an berriro sartu zuten espetxera, bi aldiz, egun batzuetarako, ETArekin harremana izatea leporatuta.

2006an bertan Batasunak negoziazio prozesurako Negoziazio Taldeko kide izendatu zuen. Denbora horretan hainbat elkarrizketa egin zituen PSE-EE eta EAJko kideekin. ETAren su-etena bukatu orduko espetxeratua izan zen Espaniako erregearen aurkako hitzak eta Argala etakidearen aldeko hitzak esateagatik.

Arnaldo Otegiri Argia aldizkarian egindako elkarrizketa.

2007ko ekainaren 8an berriz atxilotu zuten, Jose Miguel Beñaran Ordeñana Argalaren omenaldi batean parte hartzeagatik, espetxe zigorra betetzeko.[1] Hamabost hilabete kartzelan eman ondoren, 2008ko abuztuaren 30ean irten zen Martuteneko espetxetik.[2]

2009ko urriaren 13an berriro atxilotu zuen Espainiako Poliziak Garzon epailearen aginduz, ezker abertzaleko beste hainbat kide ezagunekin batera.[3] Hiru egun geroago eta Espainiako Auzitegi Nazionaleko Baltasar Garzón epailearen aginduz, kartzelara eraman zuten.[4] 2010eko urtarrilaren amaieran, gose greba hasi zuen kartzelan, EPPK-ko kideekin batera euren estatus politikoa aldarrikatzeko.[5]

2010eko martxoaren 2an Espainiako Auzitegi Nazionalak 2 urteko espetxe zigorra eta 16 urteko inhabilitazioa ezarri zizkion Arnaldo Otegiri 2005eko ekainaren 9an Jose Mari Sagardui "Gatza" preso politikoaren aldeko ekitaldi batean parte hartzeagatik.[6][7]

2003an Espainiako erregea "torturatzaileen buruzagia" zela salatzeagatik, urtebeteko espetxe zigorra jaso zuen; baina, 2011n, Europako Giza Eskubideen Epaitegiak Espainia zigortu zuen, epai horrek Otegiren adierazpen askatasuna urratzen zuelako. Hartara, Espainiak 23.000 euro ordaindu behar izan zizkion politikariari.[8]

2011ko irailaren 16an, Bateragune auzia zela eta, 10 urteko espetxe zigorra ezarri zion Espainiako Auzitegi Nazionalak. Dena da ETAren filosofiarekin, ETAko buruzagia zela ziurtatu zuten Audientzia Nazionaleko epaileek.[9]

2016ko martxoaren 1ean, 6 urte eta erdiko espetxe zigorra oso-osorik bete ondoren aske gelditu zen.

ErreferentziakAldatu

Kanpo loturakAldatu

Wikiesanetan badira aipuak, gai hau dutenak: Arnaldo Otegi
Wikimedia Commonsen badira fitxategi gehiago, gai hau dutenak: Arnaldo Otegi