Álvar Núñez Cabeza de Vaca
Álvar Núñez Cabeza de Vaca (Jerez de la Frontera, 1488/1490 — Sevilla, 1557/1558) espainiar esploratzaile eta konkistatzailea izan zen. Mexikoko golkoa eta Mexikoren ipar-mendebaldea esploratu zituen. Iguazuko ur-jauziak deskribatu eta Paraguai ibaia esploratu zituen lehenbiziko europarra ere izan zen. 1542-1544 urteen bitartean Rio de Plata eta Paraguaiko gobernadorea ere izan zen; postu horretan, Domingo Martinez de Irala bergararra izan zuen ondorengoa.
| Álvar Núñez Cabeza de Vaca | |||
|---|---|---|---|
 | |||
| |||
| Bizitza | |||
| Jaiotzako izen-deiturak | Álvar Núñez Cabeza de Vaca | ||
| Jaiotza | Jerez de la Frontera, II. milurtekoa | ||
| Herrialdea |  Espainia | ||
| Heriotza | Sevilla, 1559 ( urte) | ||
| Familia | |||
| Aita | Francisco de Vera y de Hinojosa | ||
| Ama | Teresa Cabeza de Vaca y de Zurita | ||
| Hezkuntza | |||
| Hizkuntzak | gaztelania | ||
| Jarduerak | |||
| Jarduerak | konkistatzailea, esploratzailea, militarra, idazlea eta historialaria | ||
Parte-hartzailea
| |||
| Zerbitzu militarra | |||
| Adar militarra | lur armada | ||
| Gradua | soldadu | ||
  | |||
.png) | |||
Biografia aldatu
Pánfilo de Narváez kolonizatzaileak Kubatik Ipar Ameriketara gidatu zuen zorigaiztoko bidalditik bizirik atera zen bakarretakoa izan zen Núñez Cabeza de Vaca (1528-1529), eta egungo Mississippin, Arkansas, Colorado, Mexiko Berria, Arizona eta Kalifornian zortzi urte luzez nora gabe ibili ondoren, Espainia Berrira iritsi zen 1536an.
1537an Espainiara itzuli eta Karlos I.a erregeak Rio de la Plata eta Uruguaiko aitzindari eta gobernadore izenda zezan lortu zuen[1]. 1540an lurralde hartara joateko itsasoratu eta Paraguain ibilitako lehen espainiarra izan zen. Brasil hegoaldeko oihanak ibili eta Iguazuko ur-jauziak aurkitu zituen. 1542ko martxoan Asuncionera iritsi eta gobernadore kargua hartu zuen, Domingo Martinez de Iralaren ordezko[1].
Bere mende zituenak gupidarik gabe zigortzen zituen agintari gogorra zenez, 1544. urtean espainiarrek agintetik kendu eta preso hartu zuten. Urtebete espetxean pasa ondoren, Espainiara bidali zuten. Epaiketa egin eta Oranera erbesteratu zuten. Zortzi urteren buruan erregeak barkatu eta Sevillako epaitegi goreneko partaide izendatu zuen. [2]
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ a b Álvar Núñez Cabeza de Vaca Biografiasyvidas.com
- ↑ Atlas de los exploradores españoles. GeoPlaneta 2009 ISBN 9788408086833. PMC 556943554. (Noiz kontsultatua: 2018-12-01).
Kanpo estekak aldatu
- Alvar Nuñez Cabeza de Vacari buruzko artikulua (Ingelesez)
Datuak: Q250763
Multimedia: Álvar Núñez Cabeza de Vaca / Q250763
| Aurrekoa Domingo Martinez de Irala |
Río de la Plata eta Paraguaiko gobernadorea 1542-1544 |
Ondorengoa Domingo Martinez de Irala |