Pánfilo de Narváez

Pánfilo de Narváez (Navalmanzano?, 1478 - Mexikoko golkoa, 1528) espainiar konkistatzailea izan zen. Kubako konkistan parte hartu zuen (1511) Diego Velázquez de Cuéllarren agindupean. Handik Mexikora bidali zuten (1520), Hernán Cortésen kontra borroka zedin. Hernán Cortések, ordea, Pánfilo de Narváez menderatu eta bi urtez eduki zuen preso. Gero, Floridako gobernadore izendatu zuten eta Mississippi ibairaino joan zen hango lurraldeak arakatzera (1528); urte hartan bertan itota hil zen Mexikoko golkoan.[1]

Pánfilo de Narváez
Panfilo de Narvaez.jpg
Adelantatu

Bizitza
Jaiotza Navalmanzano, 1490
Herrialdea  Espainia
Heriotza Mississippi, 1528 (egutegi gregorianoa) (37/38 urte)
Heriotza modua : itotzea
Hezkuntza
Hizkuntzak gaztelania
Jarduerak
Jarduerak konkistatzailea

Hernán Cortések Mexikoko konkista kanpainan Moctezuma Xocoyotzin agintariari solasaldi batean adierazi zionez, Pánfilo de Narváezen agindupeko tropak ez ziren gaztelarrak, "Bizkaia probintziakoak" baizik, bizkaitarrak, eta "Mexikoko lurraldeko otomiek bezala hitz egiten" zuten.[2]

ErreferentziakAldatu

  1. Atlas de los exploradores españoles. GeoPlaneta 2009 ISBN 9788408086833 PMC 556943554 . Noiz kontsultatua: 2018-12-01.
  2. Sarrionaindia, Joseba. (2019). Airea ez da debalde. Pamiela, 61-62 or. ISBN 978-84-9172-135-2.


  Artikulu hau Gaztela eta Leongo biografia baten zirriborroa da. Wikipedia lagun dezakezu edukia osatuz.