Kuriositate hutsez: orain ez da kalitate neurketaren puntuazioa ikusten artikuluen buruan. Inork badaki zergatik?
Mila esker.
Wikipedia:Txokoa
Eztabaida honi buruz
Ongi etorri euskarazko Wikipediako txokora!
Orri hau Wikipedia honetako mota guztietako hizketaldi eta galderetarako da. Hala ere, orri jakin bati buruz edo beste wikilari batekin eztabaidatzeko, erabil ezazu orri horren edo wikilari horren eztabaida orria; Txokoa hainbat orriri eragiten dioten eztabaida orokorretarako da.
Wikipedian berria bazara, hobe duzu lehenik eta behin maiz egiten diren galderak irakurtzea.
Eztabaida zaharrak:
Wikipedia:Txokoa/Artxiboa
ES: Si no comprende o no sabe escribir en nuestra lengua y desea comunicarse con nosotros y nosotras, por favor, acuda a la Embajada.
FR: Si vous ne comprenez pas ou ne savez pas écrire dans notre langue et souhaitez communiquer avec nous, s'il vous plaît, visitez l'Ambassade.
EN: If you do not understand or you cannot write in our language, and you want to tell us something, please, visit the Embassy.
DE: Wenn Sie unsere Sprache nicht verstehen oder nicht schreiben können und Sie bei uns mitreden möchten, dann besuchen Sie bitte die Botschaft.
Aupa, ingelesezko "Legend-table" txantiloiaren euskarazko bertsioa bila nahian nabil, eta ez dut aurkitzen. Ziur nonbait badagoela edo haren antzeko baten bat, baina ez dut aurkitzen. Norbaitek lagun diezadake? Beste aldetik, txantiloi berri bat nola sor dezakedan ere jakin nahiko nuke, adibidez, hori bera ingelesetik "fusilatuta". Mila esker.
Normalki {{legenda}} erabiltzen dugu, eta bata bestearen azpian jarri.
- In the media: "Just flirting", going Dutch and Shapps for the defence?
- Obituary: Nosebagbear
- Featured content: Catching up
- Traffic report: Some of it's magic, some of it's tragic
Read this Signpost in full · Single-page · Unsubscribe · Global message delivery 06:38, 16 Iraila 2023 (CEST)
Bloga batean mapa bat dago: http://eurasiatik.eu/2016/09/14/euskararen-lorratzak-baskonia-osoan/
Egileari mapa eskatu diot eta esan dit baimena ematen didala Commonsera igotzeko. Bere blogean Copyrighta dauka. Zein litzateke bide azkarrena, nik mapa igotzeko eta baimen hori dudala Commonseri frogatzeko?
Lehenbizi argitu beharko da mapa horren fondoa librea den (OpenStreetMap bada, hori aipatuz), ze Googlen oinarritu bada, gaizki. Eta librea bada... berak sortua bada, erabiltzaile sortu eta igo dezala.
Esango nuke atzeko aldea Google Maps dela, estiloagatik. Beraz, ezingo litzateke libre izan.
Kaixo! Ameriketako Estatu Batuetako herri, hiri, herrixka eta zentsuak izendatutako hainbat leku egin izan ditugu aurretik bot bidez, baina estatu batzuetan badaude "udalerri" (Township) deitutako beste egitura batzuk, eta horietako batzuk sortzen aritu naiz gaur. Iowako beste batzuk falta zaizkit, baina gelditu dut, 420.000. artikulua eskuz egindakoa izan dadin. Gehitu-gabeko komunitate piloa ere daude egin gabe, baina hauek eskasago daude wikidatan, beraz akaso onena da oraindik ez lantzea horiek.
Kuriositatez, zenbat artikulu gehitu zenituen bot-aldi honetan?
Eta beste bot-aldi geografiko batzuk egiteko/eskatzeko, zer behar genuke? Ikusi izan ditut aurretik beste bot batzuk adibidez Txekiako herri guztiak gehitzen eta... eskatzea libre da, eta Italiako Frazione gehikuntza planteatu ote daitekeen aipatu nahi nuke. Udalerri baten barruko herri/auzo/kontzeju bat da Frazione bat Italian ez hiri barruko auzo bat, baizik eta gune populatu propio eta bereiz bat. Udalerri italiarrak ohikoan handi samarrak dira, eta frazionez inguratua. Adibidez, Gipuzkoa inbadituko balute italiarrek, Tolosa commune izendatuko lukete eta Tolosaldeko herri guztiak frazione, horixe uste dut.
Eta hala ere, kontrako argudio bezala, ez daude Italierazko Wikipedian... ba ez dakit zergatik, bakanen batzuk eskuz gehituko ziren, baina gehienak orririk gabe. Baina badago Wikipediaren bat denak bot bidez gehitu dituena, adibidez Serbieraz, ikus probintzia bateko zerrenda.
Ba uste dut 4.000 artikulu inguru izan zirela. Eta bai, eskatzea libre da, pentsatu behar dugu ere ea komeni zaigun horrelakoak izatea. Oro har, Wikidatan baldin badaude, errazagoa da datuak gehitzen. Batez ere interesatzen zaigu egotea biztanleria, azalera, eta zein den euren goiko adiministrazioa (Frazione bakoitzaren udalerria, eta udalerri horren probintzia, adibidez). Hori ondo ordenatua baldin badago, erraza da gehitzen.
Wikipedia guztiek izan beharreko 10.000 artikuluen zerrendan eta rankingean gora egitea da helburua. 2022an artikulu guztiak egin ostean, bi hizkuntza baino ez gaude, une honetan, erronka hori lortu dutenak (serbiera eta gu). Hala ere, ranking orokorrean 20. postuan gaude. Guztiok batera erronkari helduz gero, bost postu egin ditzakegu aurten gora.
Horretarako, gure helbururik handiena artikulu laburrak luzatzea da, noski. Zerrenda honetan 16.000 bytetik gora izan beharko lirateke, idealki, artikulu guztiak.
Hemen daude une honetan laburren diren artikuluak: https://petscan.wmflabs.org/?psid=24521312
Eta, nahi baduzue, hauek dira zerrenda horretaz gain, Hezkuntza Programan ere baditugunak. Hauek hobetzen badituzue, bi zerrenda ari zarete hobetzen aldi berean: https://petscan.wmflabs.org/?psid=24521315
informatikako artikuluak lista batean atera ditut informatika Wikipreoiektukoei pasatzeko:
1000 artikuluen listakoak (30.000 karaktere baietz):
Software, Disko gogor, Programazio-lengoaia, Ordenagailu, Algoritmo, Adimen artifizial, World Wide Web, Robot, Bideojoko
10.000 artikuluen listakoak (16.000 karaktere baietz):
Memoria-txartel, DRAM, Gizarte-sare, Bideo-zinta, GUI, Pong, Web bilaketa motore, British Library, Disko optiko (informatika) ...
Informatikakoak wikipedia10000
Ea helburu horiek lortzen ditugun. Ez da erraza baina. Aurrera!
Ez da erraza, baina ez da ezinezkoa!
Azken hilabetean ez dugu asko aurreratu ranking honetan. Jarraitzen dugu 20. postuan, eta hobekuntza txikia izan da (+0,13 puntu). Guztira 1.221 kb gehitu ditugu, aurreko hilabeteko 1.533 baino gutxiago. Zenbakirik baxuena da iaz proiektua hasi genuenetik. Artikulu guztiak ditugu oraindik, baina labur asko daude. Nahi baduzue, hemen zentra zaitezkete:
Hilabete honetan asko egin dugu, %3,11 hobetu ditugu artikuluak eta, lehenengo aldiz, batezbestekoa 10.000 bytetik gorakoa da. Guztira 2.119 kB gehitu dira, ez da gutxi. Hala ere, 20. postuan jarraitzen dugu. Hilabete honetan berdin jarraituko bagenu, hurrengoak postu bat (edo, akaso, bi) gora egiteko aukera izango genuke.
Hemen daude laburrenak: https://petscan.wmflabs.org/?psid=24521312
Hilabete honetan oso goradaka txikia izan dugu, beraz 20. postuan jarraitzen dugu. Bi postu egin genitzake gora, erraz, indar pixka bat eginez gero.
Gogoan izan artikulu hauek guztiek 8.000 bytetik gora izatea dela erronka handia! https://petscan.wmflabs.org/?psid=25884247
Berriz gai horrekin nator. Arkeologiako erreferentzia adibide bat jarriko dut, frantsesez. Batzuetan erreferentziak oso korapilatsuak dira historiografian:
Picon, M., 2002. Les modes de cuisson, les pâtes et les vernis de la Graufesenque, une mise au point. In M., Genin, A., Vernhet (dir.). Céramiques de la Graufesenque et autres productions d’époque romaine. Nouvelles recherches. Hommages à Bettina Hoffmann. Eds. M. Mergoil, Archéologie et Histoire Romaine, 7, Montagnac, p. 139-163. (http://www.pomedor.mom.fr/sites/pomedor.mom.fr/files/documents/ongoing/Picon_205_2002.pdf)
Kapitulua: Les modes de cuisson, les pâtes et les vernis de la Graufesenque, une mise au point.
Liburua (serie edo sial bateko monografia): Céramiques de la Graufesenque et autres productions d’époque romaine. Nouvelles recherches. Hommages à Bettina Hoffmann (M., Genin eta A., Vernhet-ek zuzenduta)
Argitaletxea: M. Mergoil
Saila: Archéologie et Histoire Romaine (Sail horretako 7. zenbakidun liburua da gorago aipatu dudana)
139-163 kapituluak betetzen dituen orrialdeak dira.
Bada, Erreferentzia txantiloia erabiltzean, honela uzten dit erreferentzi luze hori:
Picon, Maurice. (2002). «Les modes de cuisson, les pâtes et les vernis de la Graufesenque, une mise au point» Céramiques de la Graufesenque et autres productions d’époque romaine. Nouvelles recherches. Hommages à Bettina Hoffmann (Montagnac: M. Mergoil) 7: 139-163..
Hau da:
Seriea edo sailaren izenburua ez da agertzen, eta 7 zenbakia, liburuari atxikita uzten du, aldizkari bat izango balitz bezala. Berez, liburuaren izenburua aldizkari hutsunean jarri dut eta liburukia hutsunean jarri dudanean, 7 zenbakia ere desagertu da. Bestalde, liburua koordinatu edo zuzendu duten egilek eta erreferentziarako interesatzen zaigun egilea ez dira pertsona bera. Nola egin bereizketa?
Holakoak txantiloirik gabe egin behar badira, egingo dut, ez dago arazorik. Jakin nahi dut, bakarrik ea posible diren horrelako erreferentziak txantiloi bidez egitea.
Uste dut gertuen nagoena hau dela:
Picon, M. (2002). M. Mergoil ed. «Les modes de cuisson, les pâtes et les vernis de la Graufesenque, une mise au point» Archéologie et Histoire Romaine in: Céramiques de la Graufesenque et autres productions d’époque romaine. Nouvelles recherches. Hommages à Bettina Hoffmann. (Montagnac) 7: 139-163..
Baina begiratuko dut nola egin daitekeen. Ez dakit frantsesez ere nola egiten duten, hori hartuko dut erreferentzia gisa.
Frantsesezko Wikipedian hala dator:
Maurice Picon, « Les modes de cuisson, les pâtes et les vernis de la Graufesenque : une mise au point », dans Martine Genin et Alain Vernhet, Céramiques de la Graufesenque et autres productions d'époque romaines. Nouvelles recherches. Hommages à Bettina Hoffmann, Montagnac, Monique Mergoil, coll. « Archéologie et Histoire Romaine » (no 7), 2002, p. 139-163.
"Oneka Ortitz Iruñekoa" artikuluan txantiloiaren behar dudana lortzeko zenbait hutsune nola erabil daitezkeen ikusi dut.
Ingelesezko Wikipedian, automatikoki sortzen saiatuz gero, hau lortzen dut:
Picon, Maurice 1931-2014 (2002). Les modes de cuisson, les pâtes et les vernis de la Graufesenque: une mise au point. Mergoil.
Hau da, gurean baditugu aukera gehiago (eta hobeak). Begiratuko dut nola txertatu hau guztia, baina akaso kasu oso berezietan, hobeto da zuzenean guztia idaztea, automatikoki egiten saiatu beharrean.
Historiografian oso ohikoa da monografikoak egitea. Adibidez, Euskal Herriko protohistoriarako garrantzitsua den liburu bat: Los vascones de las fuentes antiguasen torno a una etnia de la antigüedad peninsular
Liburua, Javier Andreu Pintadok koordinatu du eta hainbat kapitulu ditu; kapitulu bakoitzak ikertzaile (historialari, hizkuntzalari edo arkeologo) batek idatzia da. Kapitulu bateko testu zati bat erreferentzia moduan hartzen bada, kapituluaren egilea, kapituluaren izenburua eta liburuaren editorea/koordinatzailea/zuzendaria gehi liburuaren izenburua jarri behar dira.
Aipatu dudan artikuluan ikusi dudanarekin moldatuko naiz. Eskerrik asko erantzunagatik
Bai, baina zuk jarritakoan kapa bat gehiago dago, ze dago atala + monografikoa + saila. Saiatuko naiz hobetzen!
Berritu dituzte martxoko estatistikak, eta 32. postuan jarraitzen dugu zerrenda honetan. Gure aurretik dagoen turkierak guk baino hazkuntza handiagoa izan du ere, beraz postu bat gora egitetik urrunago gaude. Hauek dira puntuak lortzea errazen duten artikuluak: m:List_of_Wikipedias_by_sample_of_articles/Neglected#eu_Euskara
Lortuko al dugu hurrengo hilabetean postu bat igotzea? Guztion artean posible da.
Jakin dezazuen, Azteka eta Komunismo hobetzen saiatu naiz, bi kasuetan 30.000 bytetik gora daude, jadanik. Simone de Beauvoir bidean da.
Horrela bai!
Ez dut argi ulertzen. Ikusten dut zerrenda horretako artikulu guztiak aski landuak daudela. Zer egin beharko litzateke, gehiago luzatu, datu gehiagoz hornitu, kalitatez hobetu?
Artikuluek 30.000 byte baino gehiago (teknikoki 28.000 da, baina goazen borobiltzera) izan behar dituzte, kalitate altueneko bezala kontatzeko.
Ederki, muga horretara iristea edo, ahal dela, gainditzea da helburua. Compris. Mila esker.
Zorionak wikilariok! Martxoan %2,28 hobetu dugu, gehien hobetu duen hizkuntza eta 3 postu egin ditugu gora. Orain 29. hizkuntza gara zerrendan.
Hauek dira hurrengo fasera pasatzetik gertu dauden artikuluak:
- Thailandia
- Obesitate
- Taj Mahal
- Luis XIV.a Frantziakoa
- Probabilitate
- Masa
- Tokio
- Giza eskubideak
- Erradioaktibitate
Hauetan ekarpen txikia eginez gero, puntu asko egingo ditugu gora.
Beno ba! Zorionak! Apirilean berriro ere hizkuntzarik onena izan gara (+1,7ko igoera). Orain 27. hizkuntza gara sailkapenean, eslovenieratik oso gertu. Gertuen dauden artikuluak hurrengo mailara igarotzeko hauek dira:
Ea lortzen dugun hurrengo hilabetean 25. hizkuntza izatea!
Aizue... sekulakoa! 22. hizkuntza gara jada, eta berriro ere gehien hazi garen hizkuntza, %1,91. Zeinen onak garen elkarrekin aritzen garenean!
Hemen artikulu batzuk hurrengo fasera pasatzeko gertu daudenak:
Eta, noski, hezkuntza programaren baitan jarritako horiek ere!
32. postuan geunden erronka hau hasi genuenean, eta urte erdia baino gutxiago pasata... 20. postuan gaude! Hilabetero gaude hazkuntzaren podiumean, eta hilabete honetan arabiera eta koreera gainditu ditugu. Ondo, ezta?
Hezkuntza programako artikuluak hedatzen jarraitzen badugu, aukera dugu urtea 18. postu inguruan amaitzeko.
Beno ba... zer esan... beste postu bat egin dugu gora eta dagoeneko 19. postuan gaude. Beste hilabete batez gehien hazi den hizkuntza izan gara.
Hezkuntza Programako artikulu horiek hedatzen jarraituz gero, ia ziur 18. postuan amaituko dugula urtea. Sekulakoa!
Zerrenda osoa hemen: m:List_of_Wikipedias_by_sample_of_articles
Aupa, lagunok: Gauza arraro bat gertatzen zait txantiloi horrekin. {{Erreferentzia zerrenda|30em}} sartzen badut, ez dit zutabearen zatiketa egiten; {{Erreferentzia zerrenda|2}} egiten badut ordea, bai egiten dit. Ez dakit garrantzia duen edo ez; badaezpada jartzen dut hemen.
Aupa @Joxan Garaialde: {{Erreferentzia zerrenda|2}} hartzen baduzu 2 zutabe egiten dituzu. {{Erreferentzia zerrenda|30em}} hartuta, 30em-ko zabalerako zutabeak egiten ditu, eta zutabe kopurua lehioaren zabaleraren araberakoa da. Zenbat eta lehio zabalagoa, zutabe gehiago. Egin aproba, pantaila zabalean, lehioa zabaltzen; begiratu, baita Em (tipografia) artikulua.
Aupa,@Lainobeltz, bai, orain dela gutxia arte, "Erreferentzia zerrenda|30em" sartzen nuen, eta ondo egiten zuen, baina, bada hilabete bat, gutxi gorabehera, ez didala egiten, eta, zatitu nahi badut, nahitaez "erreferentzia zerrenda|2" sartu behar dut. Ez dakit niri bakarrik gertatzen ote zaidan.
Niri ondo hartzen dit, Chromium eta Firefox nabigatzaileekin, Linuxen. Akaso eskuinean tresna-barra dagoenetik edukiarentzako zabalera gutxiago daukazu. Eskuineko tresna-barra edo/eta ezkerreko menuak ezkutatuta?
Eskerrik asko, begiratuko dut. Dena den, ni windows erabiltzen dut. Badakizu, ohiturak...
Akaso ordenagailuaren erresoluzioa ezberdina duzu?
Ez dakit, baina arraroa dena da orain dela hilabete bat arte ondo egiten zuela, eta orain gaizki. Dena den, semeek esaten didaten bezala, "atta, zerbait ukituko zenuen". Halere, nirean zatitu ez arren, zuenetan zatiturik ateratzen bada, gaitzerdi. Nik "|30em" sartuko dut, eta "andare". Mila esker, zuen erantzunengatik.
Kaixo! Orain bost urte proiektu handi bati ekin genion Euskal Wikilarien Kultura Elkartetik: Kalitatezko 2.000 artikulu 12-16 urteko ikasleentzat. Proiektu honen helburua DBHko curriculumean agertzen diren kontzeptuak hobetzea zen, eta nabarmen egin dugu, Unibertsitateko ikasleekin batera, wikilarion indarrarekin, auzolanean.
Proiektuaren fase hau amaitzear dugu, baina azken bultzada bat behar du oraindik. Badaude artikulu batzuk, jada erdi garaturik daudelako, edo berauek lantzeko irakasle eta ikaslerik aurkitu ez dugulako, ezin izan ditugunak nabarmen hobetu. Artikulu horiek hobetzea izango da 2023an izango dugun erronka. Guztion artean egiten badugu, ederki borobilduko dugu erronka hau.
Lagundu nahi baduzu, hemen bi proposamen:
- Lehentasunezko artikuluak: artikulu hauek goiko zerrendan egotez gain, Wikipedia guztiek izan beharreko 1.000 artikuluen zerrendan ere badaude. 30.000 bytetik gora baldin badute, bi zerrendak hobetzen ditugu, eta hizkuntzen arteko rankinean ere gorakada handia izango genuke. Une honetan 166 artikulu daude zerrenda honetan. Guztiak hobetzeko gai izango al gara urtea amaitu aurretik?
- 2.000 bytetik beherako artikuluak: lortu al dezakegu zerrenda hau hutsik egotea urtea amaitu aurretik? Une honetan 138 artikulu baino ez daude.
Guztion artean lortuko dugu!
Gaizki ulertzen ez badut, artikulu bakoitzari 30.000 bit-etik gora sartu behar zaizkio, ezta?
Goiko zerrendako artikuluak "Wikipedia guztiek izan beharreko 1.000 artikuluen zerrenda"n ere badaude, eta beraz 30.000 bytetik gora izatea garrantzitsua da, hemen gora egiteko. Hala ere, ez dira zehazki 30.000, euskaraz byte kopurua pixka bat ezberdina da gauza berbera esateko, eta zerrenda honetan 27.400etik gora izatea da behar duguna. Borobiltzeko, hobeto 30.000, egunen batean irizpidea aldatuko balitz ere, ondo egoteko.
Gai hauetan guztietan posible da 30.000 bytetik gorako artikulu bat egitea, kasu batzuetan esfortzu txikiarekin ere.
Apirilaren 1eko egoera:
Martxo osoan lanean egon ostean, hau da egoera:
- Lehentasunezko artikuluak: 166 falta ziren hilabete hasieran, eta 146 dira apirilaren 1ean. 20 artikulu hobetu dira erronka honetan. Erritmo onean goaz.
- 2.000 bytetik beherako artikuluak: 138 falta ziren hilabete hasieran, eta 102 artikulu dira orain. 36 hobetu ditugu. Uda baino lehen egitea posible al da?
Nire ustez, lehentasuna ezarri beharko genuke. Neuri berdin zait batekin zein bestearekin jarraitzea, baina, zoritxarrez, biak batera ezin egin.
Lan ezberdinak dira, eta batzuk gusturako daude batekin bestearekin baino. Ikusten duzunez, bietan egin ditugu aurrerapenak. Gehiago gustatzen bazaizu artikulu luzeak egitea, zurea lehentasunezko artikuluak dira. Ataza laburrak nahiago badituzu, bigarrena da errazena.
Apirila osoan lanean egon ostean, hau da egoera:
- Lehentasunezko artikuluak: 166 falta ziren jarraipenaren, eta 126 dira apirilaren 30ean. 40 artikulu hobetu dira erronka honetan. Erritmo onean goaz.
- 2.000 bytetik beherako artikuluak: 138 falta ziren jarraipenaren hasieran hasieran, eta 87 artikulu dira orain. 51 hobetu ditugu. Erritmo honetan, posible da uda baino lehen honekin amaitzea!
Urte erdia joan zaigu, eta horrekin batera estatistikak egiteko garaia da. Hasiko naiz orokorretik:
- Lehentasunezko artikuluak: 166 falta ziren jarraipenaren, eta 104 dira ekainaren 1ean. 62 artikulu hobetu dira erronka honetan. Erritmo onean goaz.
- 2.000 bytetik beherako artikuluak: 138 falta ziren jarraipenaren hasieran hasieran, eta 75 artikulu dira orain. 61 hobetu ditugu. Erritmo onean goaz, baina oraindik falta da pixka bat.
Eta orain, atalka egingo ditut estatistikak:
Matematika
Bost artikulu baino ez zaizkigu falta goiko zerrendatik: https://petscan.wmflabs.org/?psid=25042941
Proiektua hasi genuenean batezbesteko luzera 4.246 byte zen. Gaur egun 13.185 byte da. Artikuluen luzera %210,5 handitu da.
EWKErne blogean idatzi dut honen inguruan: https://wikimedia.eus/2023/06/matematika-5-urteko-erronka-lortzear/
Biologia
Biologian ere asko aurreratu dugu, edukia laukoizteraino. Oraindik ere falta dira artikulu batzuk erronka honen baitan, ea animatzen zareten.
- Azalpena eta estatistikak: https://wikimedia.eus/2023/06/biologia-eta-geologia-edukia-laukoiztu-dugu/
- Falta dena: https://petscan.wmflabs.org/?psid=25068350
Uztailaren 2ko egoera:
Lan itzela egiten ari gara, oraingo egoera hau da:
- Lehentasunezko artikuluak: 166 falta ziren erronka hasi genuenean, eta 79 baino ez dira oraintxe. Erdia baino gehiago egin dugu.
- 2.000 bytetik beherako artikuluak: 138 falta ziren proiektua hasi genuenean eta 65 dira oraintxe. Erdia baino gehiago ere egin dugu jada.
Irailaren 2ko egoera: Sekulakoa udan egindakoa, gutxi falta zaigu, benetan gutxi.
- Lehentasunezko artikuluak: 166 falta ziren erronka hasi genuenean, eta 28 baino ez dira oraintxe. Erdia baino gehiago egin dugu. Hilabete bakoitzean 7 hobetzen baditugu, egin dugu!
- 2.000 bytetik beherako artikuluak: 138 falta ziren proiektua hasi genuenean eta 48 dira oraintxe. Erdia baino gehiago ere egin dugu jada. Hilabete bakoitzean 12 eginez gero, egin dugu!