Tobillas

Tobillas Arabako herria da, Gaubea udalerrikoa. 2007ko urtarrilaren 1eko erroldaren arabera, herriak hemeretzi biztanle ditu.

Tobillas
Euskal Herria
Kokapena
Herrialdea	Araba
Udalerria	Gaubea
Administrazioa
Posta kodea
Geografia
Koordenatuak	42°52′49″N 3°11′05″W
Demografia

Durruma eliza.

Izena eta etimologia

Simancas-eko (Salamanca) agiri batean Tobiellas izenarekin aipatzen da. Izenak haranean ohikoa den toba harriari egiten dio erreferentzia.

Geografia

Peñalisa mendizerra eta Valderejo haranaren artean kokaturik dago, Omecillo ibaiaren ertzean. Espejotik Lausa haranera doan errepideak zeharkatzen du herria. Tobillasi dagozkio Ripaota eta Villamanca herri hustuak.

Historia

Eremitismoaren mugimendua V eta VIII mendeen artean garatu omen zen Pinedo, Corro eta Tobillas inguruetan. Tobillasen Eremitorioak daude oraindik ikusgai, ermitauek haitzean egindako zuloak. Haitzulo artifizial hauetan omen dago herri hauen jatorria. IX. mendean Abito abadea iritsi zen eta Durruma monasterioa sortu zuen. Durruma eliza Arabako elizarik zaharrena da.

XIX. mendean nekazaritza zen jarduera nagusia eta errota bat ere bazegoen.

Demografia eta biztanleria

Tobillasko biztanleria

2000	2001	2002	2003	2004	2005	2006	2007
15	15	15	18	19	20	20	19

Garraioa

Araba Bus sareko  lineak zerbitzua ematen dio herri honi:

Araba Bus  Zerbitzua   Hasiera   Ibilbidea   Amaiera ⁠ 13 Gasteiz (geltokia) Gasteiz (Bastiturri) • Gasteiz (epaitegiak) • Gasteiz (Gaztelako Atea) • Subillabide • Tresponde • Billoda • Billoda (Plaza) • Langraiz Oka (udaletxea) • Langraiz Oka (bar-posta) • Langraiz Oka (Bikuña) • Olabarri • Mandaita • Pobes • Padul • Gesaltza Añana (museoa) • Gesaltza Añana • Tuesta • Espejo • Villanañe • Uribarri Gaubea • Gurendes • San Millan de San Zadornil • Korro • Tobillas Bobeda

Ondasun nabarmenak

• Durruma eliza, Arabako zaharrena omen dena, IX. mende hasierako zati bat daukana. Abito abadeak 822ko azaroaren 17an egindako testamentuan Tobillasko Durruma monasterioari egindako emanaldiak agertzen dira:

Wikitekan bada UEUren liburu batetik ateratako testu zatia: Abito abadearen testamentua

Liburu osoa: Euskal Herriko Erdi Aroaren Historiarako dokumentu idatzi eta grafikoen iruzkin-ereduak

«	Nik, Abito abadeak, Tobillas izeneko lekuan bizi naizenak, Romano eta Azisklo, Zipriano gotzaina eta Klemente Santuen monasterioari, zeina duela gutxi nire eskuekin altxa bainuen, nire ondasun guztiak eman eta eskaintzen dizkiot, orain ditudanak eta horrela datzanak, eta geroago ere ekar ditzakedanak.	»
—. Testu osoa irakurtzeko Wikisourcen duzu eskuragarri

• Eremitorioak, haitzulo artifizialak.

Bibliografia

• Alava, pueblo a pueblo. Jose Luis Sáenz de Ugarte (1983). Caja Provincial de Álava - Arabako Kutxa

Kanpo estekak

• Datuak: Q3530157
• Multimedia: Tobillas

Artikulu hau Arabako geografiari buruzko zirriborroa da. Wikipedia lagun dezakezu edukia osatuz.