Telegram (aplikazioa)

Telegram» orritik birbideratua)

Telegram Messenger edo Telegram aplikazioa software librez egindako aplikazioa da, telefonoen bidez mezuak elkarri bidaltzeko. Ziurtasun handiagoa[3] lortzeko zifratze sistemak erabiltzen ditu. Mezuetan, testuez gain, beste fitxategi batzuk ere elkar trukatu daitezke: argazkiak, bideoak, etab.

Telegram 2019 Logo.svg Telegram
Telegram Chats List on iOS.png
Jatorria
SortzaileaNikolai Durov eta Pavel Durov
Sorrera-urtea2013
Argitaratze-data2013
Jatorrizko herrialdeaErrusia
Banatze bideadigital download (en) Itzuli
Azken bertsioa8.4.1
Honen izena daramatelegrama
Ezaugarriak
Hizkuntzaingelesa, gaztelania, alemana, nederlandera, italiera, Brasilgo portugesa, koreera, errusiera, frantsesa, ukrainera, katalana, bielorrusiera, poloniera, Malaysiera, turkiera, persiera, Uzbekera, arabiera eta Indonesiera
EuskarriaAndroid
Programazio-lengoaiaC++ eta Java
Sistema-eragileaTelegram Desktop Data File (gen) (en) Itzuli
Irakur dezakeWindows Phone, iOS, Android, Microsoft Windows, Chrome OS, macOS eta Linux
Idatz dezakeTelegram Desktop Data File (gen) (en) Itzuli
GUI tresnakQt
Egile-eskubideakcopyrightduna
LizentziaGPLv3, lizentzia jabedun eta GNU General Public License
Deskribapena
Honen parte daalt-tech (en) Itzuli
Kokapena
JabeaTelegram FZ-LLC (en) Itzuli
Ekoizpena
GaratzaileaTelegram FZ-LLC (en) Itzuli
Euskaraz
EuskarazBai[1][2]

https://telegram.org/
Twitter: telegram Telegram: telegram Edit the value on Wikidata
Iturri-kodeahttps://github.com/telegramdesktop/tdesktop, https://github.com/DrKLO/Telegram, https://github.com/TelegramMessenger/Telegram-iOS, https://github.com/evgeny-nadymov/telegram-wp eta https://github.com/overtake/TelegramSwift

Hainbat sistema eragiletan erabiltzeko dago sortuta, esaterako, Android, Mac OSX eta iOS sistema eragileetan dabil, baita tabletetan eta WIFIrik gabeko zenbait gailutan ere.[4]

Telegram 2013. urtean sortu zuten Errusiako VK gizarte sarearen sortzaile Nikolai eta Pavel Durov anaiek[5], beste mezularitza zerbitzu batzuekin lehiatzeko, hala nola, WhatsApp, LINE, KakaoTalk, Signal eta WeChat.

EzaugarriakAldatu

Telefonoetan / ordenagailuetanAldatu

Telegram aplikazioak hasiera-hasieratik eskaini zuen telefonoz erabiltzeko aukeraz gain, ordenagailuetan erabiltzeko aukera ere. Honenbestez, Telegram telefonoko aplikazioa izateaz gain, mahaigaineko aplikazioa ere bada.

Telefono zenbakirik gabe ere baiAldatu

Telegram aplikazioak onartzen du harremanetan jartzea erabiltzaile batekin bere telefono zenbakia jakin gabe ere. Beste erabiltzaile baten erabiltzaile-izena jakitearekin nahikoa izan daiteke. Erabiltzaile-izen horiek Twitter aplikazioan erabiltzen diren antzeko itxura izaten dute, @ ikurraren atzean zenbait letra; horrelako zerbait: @nire_erabiltzaile_izen

KontuaAldatu

Telefono zenbaki bakoitzeko Telegram kontu bat eduki daiteke. Kontuak SMS edo telefono dei baten bitartez egiaztatzen dira. Erabiltzaileek kontu bera hainbat gailutan irekita eduki dezakete eta, beraz, mezuak gailu horietara guztietara helduko dira. Sartutako telefono zenbakia edozein momentutan alda daiteke eta, hau eginda, erabiltzailearen kontaktu guztiek telefono zenbaki berria gordeta edukiko dute. Gainera, erabiltzaileek erabiltzaile-izen bat jar dezakete eta beste erabiltzaileek izen horren bitartez aurki dezakete, haren telefono zenbakia ez jakin arren.

Nahi izanez gero, Telegram kontua edozein momentutan ezaba daiteke. Gainera, denbora-tarte jakin batean aplikazioa erabili ezean, kontua automatikoki ezabatu egingo da, baita hango mezu eta kontaktuak ere. Lehenetsitako denbora-tartea 6 hilabetekoa da, baina erabiltzaileak muga alda dezake (hilabete batetik, urte batera).

Hodeian oinarritutako mezuakAldatu

Beste mezularitza zerbitzuek ez bezala, Telegramek mezu guztiak bere zerbitzarian gordetzen ditu. Era horretan, erabiltzailearen mezu guztiak edozein gailutatik atzi daitezke, elkarrizketaren mezu guztiak deskargatzeko beharrik gabe.

Argazkiak, bideoak, audioak edo edozein motatako fitxategiak bidal daitezke, 1.5 gigabyteko langa igaro barik. Erabiltzaileek mezuak kontaktu bakar bati bidal diiezazkiokete edo taldeei (5000 partaide izan ditzakete).

StickerrakAldatu

Stickerrak kalitate altuko irudiak dira, hodeian gordetzen direnak, emojiak ordezkatzeko, edo horiek baino adierazgarriagoak izateko. Sticker bakoitza emoji batekin lotuta dago; beraz, emoji bat sakatuz gero, horrekin zerikusia duten stickerrak agertuko dira. Stickerrak taldeetan multzokatzen dira (normalean gai berekoak) eta sticker bat baino gehiago emoji berarekin egon daiteke lotuta. Telegramek sticker multzo batzuk ditu dagoeneko instalatuta, baina nahi duenak bere sticker multzo propioa sor dezake, eta horiek, beste erabiltzaile guztiekin partekatu.

Bot-akAldatu

Bot-ak programa batek kontrolatzen dituen kontuak dira. Horiek mezuak bidali edo erantzun ditzakete edo taldeetan egon. Telegramek API bat kaleratu zuen, nahi duenak bere Bot-a sortzeko.

LokalizazioaAldatu

Software librearen filosofiatik dagoen gertutasunagatik, hasieratik egon zen aukera Telegram euskarara ekartzeko. 2016. urtetik aurrera, Librezale.eus taldeko kide batzuek[6] bere gain hartu dute euskal lokalizazioaren mantentze lana, software libretzat ez jo arren.

ErreferentziakAldatu

Kanpo estekakAldatu