Librezale

euskara informatikaren munduan bultzatzea helburu duen lantalde irekia

Librezale euskara informatikaren munduan bultzatzea helburu duen lantalde irekia da.[1]

Aplikazio informatikoak euskaraz edukitzeko lan egiten dute. Horretarako, euskarazko softwarea sortzen duen edo softwarea euskaratzen duen edonori bere laguntza, baliabide, lanabes eta esperientzia eskainiz.

Software librea lehenesten dute.

Librezalek ez dauka egitura finkorik, eta edozeinek har dezake parte. Parte-hartzaileen arteko komunikazioa errazteko hiruzpalau tresta[2] erabiltzen dituzte: Posta-zerrenda bat, Matrix sareko gela bat, Telegram talde batzuk, Mastodon (@librezale@mastodon.eus), Twitter (@Librezale)...

Librezale taldearen publizitate kanpaina gizarte sareen bidez. Firefox nabigatzailea (software librea) euskaraz erabiltzeko aholkua, Xuxen eta Euskalbar Firefoxen gehigarriak erabil daitezkeela azpimarratuz.
Librezale webguneko lizentzia. CC-BY-SA 3.0

Librezale webguneko eduki guztiek CC-BY-SA 3.0 lizentzia daukate[3].


HistoriaAldatu

2002. urtean Mozilla Euskaraz proiektuaren foroan bildutako lagunek Librezale sortu zuten, eta nagusiki software librea Euskarara itzultzeari ekin zioten. Software libreari buruz euskaraz solas egiteko foro bat ere[4] sortu zuten.

2003-06-07 lehen aurrez aurreko bilera egin zen Bilbon[5].

2009. urtean Argia sari bat irabazi zuten.

Gaur egun proiektu ugari[6] mantentzen dituzte Euskaraz.

ProiektuakAldatu

Taldearen hasierako garaietako proiektu nagusiena, ziur aski, Mozilla Firefox euskaratzea eta euskarazko bertsioa etengabe eguneratzea izan zen. Baina hurrengo urteetan software libreko beste hainbat proiektu euskaratzeari ekin zitzaion: GNOME, LibreOffice, WordPress...[7].

Komunikazio eta elkarlanerako tresnakAldatu

2020ko martxoan[8], Covid-19 pandemiak jende asko etxetik lanean jarriko zuela aurreikusiz, Librezale taldeak Komunikazio eta elkarlanerako baliabideen bilduma argitaratu zuen, software librea eta euskaratua aipatzeko eta lehenesteko asmoz. Ikus, artikulu honetan, kanpo estekak.

ErreferentziakAldatu

  1. http://librezale.eus/wiki/Zer_da_Librezale%3F
  2. «Komunikazio-tresnak - Librezale.eus» librezale.eus . Noiz kontsultatua: 2019-05-24.
  3. https://librezale.eus/wiki/Lizentzia
  4. Librezale.org - Hasierako garaietako itxura. . Noiz kontsultatua: 2018-06-07.
  5. (wikimedia) Librezale taldeak egindako bilera batzuen aktak. . Noiz kontsultatua: 2018-01-04.
  6. (wikimedia) Librezale - Proiektuak. . Noiz kontsultatua: 2018-01-15.
  7. (wikimedia) Librezale - Proiektuak. . Noiz kontsultatua: 2018-01-15.
  8. «Komunikazio eta elkarlanerako baliabideak» Librezale.eus 2020-03-15 . Noiz kontsultatua: 2020-05-22.

Kanpo estekakAldatu